Analisti Mentor Nazarko e cilëson lajm të mirë dakordësinë e palës greke dhe asaj shqiptare për të çuar në Gjykatën e Hagës çështjen e detit. Në një lidhje Skype me edicionin e lajmeve në TvT, Nazarko tha se një vendim i tillë tregon se pala shqiptare nuk i ka kapacitete për të negociuar në nivele të tilla. Nazarko shtoi se vendimi për t’ia lënë gjykatës më të lartë këtë çështje nuk mund të mos jetë konsultuar nga Rama me presidentin turk.

Bullgaria ka kërcënuar me veto hapjen e negociatave të anëtarësimit të Maqedonisë së Veriut në BE nëse Shkupi zyrtar nuk merr parasysh shqetësimet saj për gjuhën dhe historinë. Problemi në fjalë është serioz sepse përfaqëson një aspekt ballkanik për një proces që presupozohet se do të mënjanojë apo zgjidhë ato. Për procesin e negociatave, së fundmi, Gjermania në cilësinë e drejtueses së KE-së, do të prezantojë të ashtuquajturin “Pozicion të Përgjithshëm të Dakordësuar të BE-së”, që do të shenjojë hapjen formale të negoiatave.

Sëmundja e diplomatëve dhe zyratrëve të CIA-s në vende të ndryshme të botës, duke se po zbërthehet nga hetuesit amerikanë si një sulm i mirëmenduar nga vende kundërshtare të SHBA. Për ta rikujtuar, sëmundja në fjalë, ende e pashpjeguar se çfarë e shkakton, u njoftua fillimisht nga diplomatët amerikanë në Kubë dhe Kinë me simptoma të tilla si dhimbje koke, marrje mendsh, parehati, apo edhe zhurma në vesh.

Sipërmarrësi i njohur amerikan Elon Musk ka deklaruar së fundmi se ai shpreson të përfundojë ndërtimin e një ngulimi – qyteti në Mars brenda vitit 2050. Sipas tij, planeti do të popullohet dhe furnizohet duke përdorur anijet e kompanisë së tij, ende në zhvillim, Starship, që janë projektuar për të dërguar njerëz në Mars dhe sjellë ata pas.

Miqtë janë arma sekrete e Amerikës

Një incident i sikletshëm para kompjuterit i ka kushtuar jo pak gazetarit Jeffrey Toobin. I gjendur vetëm në zyrë, duke mos qenë në dijeni se platforma Zoom ishte aktive, Toobin ka vendosur të relaksohet. Nga ana tjetër kanë qenë të shumtë “spektatorët”, kolegë të tij, që kanë parë shkrimtarin e New Yorker dhe analist ligjor i CNN teksa masturbohej.

"Mendova se nuk më shihte njeri. Mendova se e kisha mbyllur videon". Ndërkohë, New Yorker, për të cilin ai ka punuar për 25 vjet, e ka pezulluar nga detyra. Të njëjtën gjë ka bërë edhe CNN.

Teksa këtë të mërkurë pritej që dosja në ngarkim të zv.kryebashkiakut Arbian Mazniku dhe biznesmenit Shkëlqim Fusha të kalonte në SPAK, një vendim suprizë vjen nga Gjykata e Tiranës. Dhoma penale ka vendosur ta pushojë çështjen ndaj tyre, me argumentin se dy te pandehurit nuk kanë kryer vepër penale. Aleanca për Mbrojtjen e Teatrit dhe përfaqësuesja ligjore e artistëve, Adriana Kalaja, shprehu zhgënjimin për vendimin e gjyqtarit Tona. Për këtë, Kalaja paralajmëroi kallëzim penal në SPAK, për gjyqtarin e Tiranës, Sokol Tona.

Studiuesit e Universitetit McMaster, që analizuan mijëra dokumente që mbulonin një hark 300-vjeçar të shpërthimeve të murtajës në Londër, Angli, kanë vlerësuar se sëmundja u përhap katër herë më shpejt në shekullin e XVII sesa kishte në shekullin e XIV.

Anija kozmike amerikane OSIRIS-Rex(Origins, Spectral Interpretation, Resource Identification, Security, Regolith Explorer – Sonda eksploruese e Regoliteve, sigurimit, identifikimit të burimeve dhe interpretimit spektral dhe të origjinës) është ulur për 10 sekonda në sipërfaqen e asteroidit Bennu.

Anija kozmike amerikane OSIRIS-Rex(Origins, Spectral Interpretation, Resource Identification, Security, Regolith Explorer – Sonda eksploruese e Regoliteve, sigurimit, identifikimit të burimeve dhe interpretimit spektral dhe të origjinës) është ulur për 10 sekonda në sipërfaqen e asteroidit Bennu. Lajmi është shpërndarë nga agjencia amerikane e hapësirës që ka bërë me dije se sonda ka mbledhur mostra nga shtresa sipërfaqësore e trupit qiellor që ndodhet 334 milion km nga Toka në rripin e asteroidëve.