Studiuesit i kanë mësuar inteligjencës artificiale të bëjë gjenome artificiale – duke kapërcyer kështu problemin e mbrojtjes së informacionit gjenetik të njerëzve, ndërsa grumbullojnë ADN të mjaftueshme për kërkime. Rrjetet kundërshtare gjeneruese (GAN) vendosin dy rrjete nervore kundër njëri-tjetrit për të prodhuar të dhëna të reja, sintetike, të cilat janë një imitim aq i mirë, saqë mund të merren për të dhëna reale.

Shembuj të ngjashëm ka pasur deri tani, pasi dime se inteligjenca  artificiale mund të gjenerojnë artikuj bindës lajmesh, blogje ushqimore ose fytyra njerëzore.

Kryeministri Edi Rama i është përgjigjur dje pyetjeve të gazetarëve për blerjen e vaksinës ruse apo kineze kundër CoVid-19 për të cilat ka një debat nëse duhen përfshirë në process apo jo. Z. Rama ka zgjedhur të justifikohet në përgjigjen e vet duke fajësuar deri diku mosnjohjen e situatës nga mediat që raportojnë.

Kryeministri hungarez Victor Orban ka deklaruar në një intervistë për portalin gjerman “Focus” se të gjitha vendet duhet të blejnë vaksina kundër CoVid-19 pavarësisht origjinës së tyre.

Në një pandemi është puna e politikanëve të marrin përgjegjësinë dhe mbrojnë shëndetin dhe jetën e qytetarëve. Sepse ata që marrin kohë mund të shpëtojnë jetë dhe rifitojnë lirinë e tyre

është shprehur Orban.

Facebook do të rikthejë faqet australiane të lajmeve pasi të negociojë me qeverinë ndryshimet në projektligjin që detyron gjigantët e teknologjisë të paguajnë për përmbajtjen që mediat postojnë në platformë.

Australia dhe grupi i mediave sociale janë në një ngërç për më shumë se një jave, pasi qeveria prezantoi ligjin që sfidon dominimin e Google në Facebook dhe Alphabet Inc në tregun e përmbajtjes së lajmeve.

Alpha Bank e Greqisë do të shesë një portofol prej 10.8 miliardë euro kredi të zhvlerësuara dhe 80% të ofruesit të shërbimeve të kredisë Cepal Holdings te fondi amerikan Davidson Kempner. Marrëveshja është arritur sot, raporton Kathimerini.

Në SHBA rastet e reja janë në rënie dhe vaksinimet në rritje. Kjo mund t’i bëjë amerikanët të ndihen optimistë për atë që ndihet si një pikë kthese. Por pikërisht në këtë moment, përhapja e pakontrolluar e COVID-19 merr një kthesë tjetër: viruse mutante ose variante, disa prej të cilave po rezultojnë të vështira për t'u kontrolluar.

Jetojmë në kohë interesante dhe njëkohësisht të rrezikshme. Çdo gjë është me tepri. Sidomos kur bëhet fjalë për kërcënimet dhe sfidat, nga Covid-19 te ndryshimi i klimës. Gjithashtu, “mulliri” i informacionit ecën 24 orë në 7 ditë të javës, pa u ndalur. Presioni për të komunikuar është gjithashtu pa ndërprerje. Pasionet e të gjithë atyre që marrin pjesë në debatin publik janë të shfrenuara. Bota e mediave sociale varros çdo gjë që nuk është ekstreme. Nëse kazani i politikës dikur funksiononte, të themi, në 300 gradë, tani është mbi 1 000 dhe vazhdon të nxehet.

Ministrat e Jashtëm të Bashkimit Evropian ranë dakord sot për të vendosur sanksione ndaj katër zyrtarëve të lartë rusë, një përgjigje kjo kryesisht simbolike ndaj burgimit të kritikut të Kremlinit, Alexei Navalny.

Kryediplomatët arritën një marrëveshje politike gjatë takimit të tyre të hënën pasi Franca, Gjermania, Polonia dhe vendet baltike i kërkuan bllokut me 27 anëtarë t'i dërgojnë një mesazh presidentit Vladimir Putin se debati dhe protesta duhet të lejohen në Rusi.

“Ulërima”, një prej pikturave më të famshme të Edvard Munch, fsheh një sekret, i cili është zbuluar së fundmi. Skanimet me rreze infra të kuqe kanë zbuluar një fjali të shkurtër, me germa të vogla në një cep të pikturës.

"Mund të pikturohej vetëm nga një i çmendur", është fjalia e shkruar me laps në këndin e sipërm të majtë. Analizat e kryera nga Muzeu Kombëtar i Norvegjisë kanë konfirmuar se fjalët janë shkruar nga vetë autori, raporton BBC.

Në Kinë nuk janë të paktë influencuesit e huaj që po fitojnë përditë e më shumë fansa në paltformat sociale. Kur francezi Antoine Bunel postoi për herë të parë materiale për gatimin rrjetin Weibo në 2015, ai nuk e mendonte se do të kthehej në njëfarë mënyre në yll.

Ai ka grumbulluar mbi një milion fansa përmes videove dhe recetave të tij të gatimit në gjuhën mandarine në Weibo, platformat video Douyin dhe Bilibili, aplikacionin për gatim Xiachufang dhe kanale të tjera.