Një copë e vjetër qeramike e zbuluar në vendbanimin e lashtë kananit në Izrael mendohet se është teksti më i vjetër  i shkruar me shkrim alfabetik. Objekti daton 3 500 vjet më parë. Janë disa tekstet e hershme kananit e që njihen, por ato janë shkruar duke përdorur hieroglifë ose karaktere kuneiforme.

Sot presidenti i Republikës ka deklaruar përmes një konference të jashtëzakonshme se do të udhëheqë mbrojtjen e votave më 25 prill.

Burrat e gratë e Mallakastrës t’i mprehin sfurqet e sëpatat se po u prek një votë e vetme kështu do bëjë gjithë Fieri dhe Shqipëria me në krye Presidentin. Ata duan të krijojnë idenë, siç bënë në Elbasan dhe të krijohet ideja se LSI me porosi të Presidentit të krijojë probleme. Ne e dimë shumë mirë se nga vijnë këto probleme

Në Suedi, për disa dekada, vendasit do të bëhen minorancë. Statistikat në vendin nordik tregojnë një rritje të pandërprerë të imigracionit, i cili karakterizohet nga një numër më i lartë lindjesh, gjë që vë në rrezik vetë kulturën suedeze.

Hulumtimi i fundit akademik që sugjeron se suedezët do të jenë një pakicë në vendin e tyre në më pak se 50 vjet. Dikur kombi më homogjen i Evropës, Suedia mund të bëhet kështu një vend simbol i multikulturalizmit.

Në Emiratet e Bashkuara Arabe janë publikuar rezulatet e një studimi mbi efikasitetin e vaksinës kineze. Vendi ka filluar t’i prodhojë vetë vaksinat “Sinopharm”, për të cilën studiuesit thonë se dy javë pas dozës së dytë, te pacientët është konstatuar më shumë se 93 për qind efektivitet në parandalimin e shtrimit në spital në rast infeksioni, 95 për qind në shmangien e kujdesit intensiv dhe 100 për qind në parandalimin e vdekjes.

Një studim i kryer së fundmi në Universitetin Ben-Gurion të Negev në Izrael ka dalë në një konkluzion të habitshëm: ekspozimi relativisht i lartë ndaj rrezatimit të mjedisit (background radiation) në të vërtetë mund të çojë në jetë më të shëndetshme.

Është drejtues politik i qarkut Tiranë, absolutisht i bindur për fitoren e socialistëve më 25 prill, por Erjon Veliaj nuk vë bast që Basha nuk do të jetë kryeministër.

Nuk vë bast, por duke parë si mbeti Tirana në 4 vitet e Lulit, ku të mbarojë punë në bashki duhej të njihje kunatin. Ne jemi parti e qytetarëve, gjasat e fitores së Lulit janë zero, fitorja jonë do jetë e thellë

Gazeta serbe “Vecernje Novosti” shkruan sot se Palestina ka kërkuar nga Organizata e Bashkëpunimit Islamik që t’u japë fund marrëdhënieve me Kosovën për shkak të qëndrimit të kësaj të fundit për Jeruzalemin. 

Gazeta në fjalë flet për një letër që ministri i Jashtëm palestinez, Riyad al-Maliki i ka dërguar sekretarit të Përgjithshëm të Organizatës, e cila përfshin një kërkesë për dhënien fund të marrëdhënieve me Kosovën. 

Rusia dhe Republika Çeke janë përfshirë së fundmi në një krizë diplomatike për shkak të zbulimit nga Praga të një njësie spiunazhi rus që akuzohet se ka kryer disa operacione, mes të cilave edhe hedhja në erë në vitin 2014 e një fabrike municioni. Pas kësaj akuze, Kremlini mori vendimin e paprecedentë të dëbimit të të paktën 20 diplomatëve çekë, ndërkohë që Praga largoi 18 diplomatë. Hetimet nga pala çeke kanë zgjatur për 7 vjet dhe sipas “Reuters” është arritur të provohet lidhja me agjencinë ruse të zbulimit, GRU me disa akte të kryera në vite, jo vetëm në Çeki. 

Më shumë se tre muaj pasi nisi procesin e vaksinimit, Serbia ka një raport mbi rezultatet e tij. Sipas raportit, detaje të të cilit janë publikuar nga “Blic”, të vaksinuarit janë 50 herë më pak të rrezikuar nga infektimi se ata që presin për t’u vaksinuar. Asnjë prej të vaksinuarve me Pfizer dhe AstraZeneca nuk ka kërkuar asistencë spitalore.

Presidenti i Kinës, Xi Jinping ka bërë thirrje sot për rishikimin e rendit botëror sidomos në kontrollin hegjemonik të strukturave të qeverisjes globale. Duke folur në forumin vjetor Boao Forum për Azinë, Xi ka folur për vende që përpiqen të krijojnë barriera dhe ndasi të cilat sipas tij sjellin vetëm dëme.

Bota do drejtësi, jo hegjemoni. Një vend i madh duhet të duket si i tillë duke dëshmuar se po merr më shumë përgjegjësi