Afganistani mund të qeveriset nga një Këshill ndërkohë që në krye të tij mund të jetë lideri taleban, Haibatullah Akhundzada. Të paktën këtë raporton agjencia “Reuters” që referon një zyrtar të grupit që mori pushtetin në Afganistan. Sipas të njëjtit burim thuhet se talebanët po përpiqen të krijojnë një forcë ushtarake ku do të pranohen edhe ushtarët aktualë afganë nëse do të kenë dëshirë.

Edi Rama ka kapur çastin dhe po përpiqet ta shfryëtzojë në maksimum. Partizanllëkur për pranimin e afganëve është kuptuar mirë në SHBA dhe z. Rama ka ndërmend të shkojë më tutje. Redaksia e “Të Kripura” mëson se qeveria shqiptare ka ndërmend të krijojë Fondin për Solidaritetin XXI, në krye të të cilit do të vihet një prej qytetarëve afganë që do të mbërrijnë në vendin tonë. Fondi synon mbledhjen e parave për diasporën e re afgane, sensibilizimin e komunitetit ndërkombëtar dhe shndërrimin e Tiranës në një qendër veprimi në aspektin humanitar.

Në Kinë, presidenti Xi Jinping mendon se ka ardhur koha për rishpërndarje të pasurisë. Në një takim të Komitetit Qendror të Partisë për Çështjet Financiare dhe Ekonomike, Xi theksoi se prosperiteti i përbashkët duhet të jetë tipar thelbësor i modernizimit të stilit kinez. Qeveria duhet ta promovojë këtë objektiv duke ruajtur zhvillimin me cilësi të lartë, citohet ai nga agjencia shtetërore e lajmeve, Xinhua.

Një nga skeletet e ruajtura më mirë, të zbuluara deri tani në Pompei, ka dalë në dritë në nekropolin e Porta Sarnos, duke konfirmuar edhe diversitetin gjuhësor të kohës, 79 vjet para lindjes së Krishtit.

Në varrin e Porta Sarnos është gjetur një kafkë me tufa flokësh të bardhë dhe pjesë të një veshi, si dhe eshtra dhe fragmente pëlhure. Gjetja përshkruhet si "një nga skeletet e ruajtura më mirë që është gjetur ndonjëherë në qytetin antik". Ajo hedh dritë mbi jetën kulturore të qytetit para se të shkatërrohej nga shpërthimi vullkanik i malit Vezuv.

Një studim i kryer së fundmi ka rritur të shpjegojë si u ka rezistuar mijëvjeçarëve Stonehenge në jug të Anglisë. Gurët e vendosur në këmbë në formë rrethore janë në një pozicion të tillë prej mëse 5 mijë vjetësh dhe nuk janë prekur nga fenomenet atmosferike.

Për të kuptuar arsyet e kësaj rezistence, studiuesit e Universitetit të Brighton-it analizuan strukturën e një mostre shkëmbi të marrë nga Stonehenge.  

Charles Leslie mund të ketë koleksionin më të veçantë të artit në shtëpinë e tij. Kjo e fundit, në sipërfaqe 167 m², është në njëfarë mënyre një galeri e vërtetë arti, veprat e të cilës bashkohen të gjitha në një element: forma falike. Veprat janë mbledhur për gati gjysmë shekulli me radhë nga Leslie dhe partneri i tij, tashmë i ndjerë, Frtiz Lohman.

Ato përfshijnë vepra që fillojnë nga një e vitit 300 para Krishtit e deri te veprat e Andi Warhol apo Keith Haring. 

Ambasadori amerikan në Kosovë, Philip Kosnett ka vlerësuar publikisht qeverinë e Kosovës për vendimin e saj për pranimin e afganëve që ikin nga talebanët.

Në emër të Shteteve të Bashkuara, falënderimet e mia më të thella për Qeverinë dhe popullin e Kosovës për gatishmërinë tuaj për t'u ofruar strehë partnerëve tanë afganë në udhëtimin e tyre drejt një jete të re. Edhe një herë, Kosova demonstron lidership në skenën globale

Një studim që hedh dritë mbi ndryshimet që ka pësuar fusha magnetike e Tokës është kryer nga studiues të Universitetit të Tel Avivit, Institutit Kombëtar të Gjeofizikës dhe Vullkanologjisë në Romë dhe Universitetit të Kalifornisë, San Diego. Gjetjet e publikuara në revistën “Pnas” pasqyrojnë fushën magnetike në Lindjen e Mesme të 10 000 - 8000 vjet më parë.

Zelanda e Re i rikthehet karantinës, pas zbulimit të një rasti me Covid-19. Vendi hyn në nivelin 4 të alarmit 4 - niveli më i lartë i bllokimit - për të paktën tre ditë duke filluar nga mesnata e së martës. Ndërkohë në rajonet e Auckland dhe Coromandel, karantina do të zgjasë nga katër deri në shtatë ditë.

Mendohet se rasti në fjalë i përket variantit Delta.

Kryeministrja Jacinda Ardern tha se karantina mbetet i vetmi mjet për  të kundërshtuar efektet e përhapjes së variantit të ri.

Rënia e Kabulit ishte e pashmangshme. Shënon fundin e një fantazie perëndimore post-imperiale. E megjithatë reagimi i Perëndimit nuk është i besueshëm. Vëri emrin që do; katastrofë, poshtërim, një gabim katastrofik. I shkon. Të gjitha tërheqjet e perandorive janë të rrëmujshme. Kjo e tanishmja mori 20 vjet, por të paktën fundi ishte i shpejtë.