Presidenti lituanez, Gitanas Nauseda ka deklaruar gjatë samitit të fundit të NATO-s, se Rusia po përpqiet të gëlltisë Bjellorusinë.

Bjellorusia po humbet elementët e fundit të pavarësisë dhe këto prirje janë shumë të rrezikshme. Do të prisja që presidenti amerikan Biden të dërgojë një mesazh të qartë rreth vendosmërisë  dhe unitetit të NATO-s dhe se do të reagojë me mesazhe shumë të qarta për atë që po ndodh

Parlamenti izraelit i dha sot votëbesimin një qeverie të re koalicioni, duke shënuar kështu largimin e Benjamin Netanjahut pas më shumë se një dekade në drejtimin e vendit. Megjithëse me mbështetjen minimale të Parlamentit (60 pro, 59 kundër dhe 1 abstenim), qeveria e re e kryeministrit Naftali Bennett merr detyrën.

Yair Lapid (aktualisht ministër i Jashtëm), një lider centrist, do të zërë vendin e z. Bennett pas dy vitesh, nëse qeveria e dy aleatëve do të qëndrojë në këmbë deri atëherë.

Komisioni Evropian ka ndërmarrë hapa ligjorë ndaj Gjermanisë, pas një vendimi që ka dhënë Kushtetuesja në këtë vend në lidhje me blerjen e bonove. Në maj të vitit 2020, gjykata më e lartë e Gjermanisë, me seli në Karlsruhe, vendosi që Banka Qendrore Evropiane (BQE) kishte tejkaluar kompetencat së saj me blerjet e bonove.

Por Gjykata Evropiane e Drejtësisë ndërkohë i kishte hapur dritën jeshile blerjes së bonove nga BQE-ja, pasi kishte dalë në përfundimin se programi i blerjes së obligacioneve të BQE ishte në përputhje me ligjin e BE.

Një raport i World Wide Fund for Nature paralajmëron se Mesdheu po shkon drejt shndërrimit në një det tropikal. Temperaturat në detin ku hyn edhe vendi ynë po rriten 20% më shpejt sesa mesatarja botërore çka ka sjellë për pasojë e ndryshimin e regjimit migrator të peshqve. Barrakuda p.sh, një peshk i Mesdhut jugor ka lëvizjr drejt veriut, ndërkohë që nga Kanali i Suezit kanë hyrë 1000 specie invazive që kanë zëvendësuar speciet origjinale. 

Ndërsa liderët e G7-s po përpiqen të arrijnë në një qasje të unifikuar ndaj Kinës, kjo e fundit kundërpërgjigjet. Pekini ka zgjedhur zëdhënësin e ambasadës kineze në Londër, për t’iu përgjigjur krerëve të 7 ekonomive më të mëdha të botës.

Sot socialistët shqiptarë, apo më saktë shqiptarët socialistë, kanë dhënë një shfaqje të denjë për sojin dhe kulturën e tyre politike. Shfaqjen e dorëheqjes së Gramoz Ruçit sipas parimit “një për të gjithë e të gjithë për një”.

Gramozi më tregoi vendimin e tij për tërheqjen nga mandati, pata ndjesinë e këputjes së krahëve. Duke njohur atë, nga ai çast, akoma sot nuk e gjej se si do mbushet boshllëku i largimit të tij.

Një nga figurat më të vjetra të PS dhe kryetar i Parlamentit aktual, Gramoz Ruçi, njoftoi sot tërheqjen nga të gjitha funksionet në PS. Ruçi zgjodhi Kongresin e PS-së për të bërë publik vendimin e tij.

Kryeministri Rama ia ka rinisur avazit të qeverisjes siç di ai: video, promo, like dhe share, takime online dhe patjetër, reforma. Reformat nuk kanë të sosur në këtë vend që duket se ka një reformë/km2.

Sot është prezantuar një nismë e re…dixhitale kuptohet: Nëpunësi dixhital.

Gati për Shqipërinë, është emri i artit të kësaj nisme që synon të inkuadrojë në administatën publike shqiptare, qytetarë shqiptarë me banim jashtë të kontribuojnë në distancë.

Bordi i çmimit kryesor për gazetarinë në SHBA, Pulitzer, ka vlerësuar këtë vit një adoleshente amerikane, Darnella Frazier, e cila filmoi me celularin e vet arrestimin dhe mandej vdekjen e George Floyd, amerikanit me ngjyrë që provokoi aq shumë reagime. Bordi ka cituar në mënyrë të posaçme adoleshenten Frazier duke shënuar kështu një rast shumë të rrallë që një juri e specializuar njeh meritat e dikujt pa formim gazetaresk dhe që nuk e ushtron profesionin.

Sekretari i Përgjithshëm i Organizatës së Kombeve të Bashkuara, Antonio Guterres ka paralajmëruar vendet e pasura se po humbasin atë që ai e quajti një “mundësi të pafalshme” për të adresuar krizën klimaterike. Guterres ka folur për “The Guardian” pak para takimit të samitit të G7 duke theksuar se megjithë pandeminë e CoVid-19, vendet e pasura kanë investuar miliarda dollarë më shumë në industrinë e hidrokarbureve sesa në energjinë e pastër, shenjë kjo e qartë për drejtimin e botës.