Detaje të klasifikuara të tankut më të rëndësishëm të betejës që ka Ushtria Britanike, Challenger 2, u bënë publike krejt rastësisht. Përveçse pjesë e armatimit të rëndë britanik, tanku në fjalë ekziston edhe virtualisht si element i lojës “War Thunder”. Pjesë e kësaj loje online është bërë edhe një person, i cili thotë se ka drejtuar një tank të tillë dhe ka qenë instruktor në ushtrinë britanike. Ai pretendon se dizajnerët e lojërave nuk kanë arritur ta "modelojnë siç duhet".

Muzetë dhe galeritë e Italisë hapën dyert me synimin për të rikuperuar 190 milionë euro (225 milionë dollarë) të ardhura që munguan vitin e kaluar. Por rihapja për vizitorët vjen me një risi: një projekt i ri  të dhënash që pritet t’i ndihmojë kuratorët të kuptojnë se cilat piktura dhe skulptura marrin vëmendjen më të madhe. Një ekip kërkimor në agjencinë e teknologjive të reja në Itali, ENEA, ka zhvilluar një sistem të bazuar në pajisje që mund të llogaritin se sa kohë dhe nga sa afër e vëzhgojnë një vepër vizitorët e muzeut.

Në Malajzi, policia asgjësoi 1069 aparatura për prodhimin e kriptomonedhave. Operacioni i koordinuar mes policisë dhe kompanisë së energjisë elektrike Saeawak Energy në qytetin e Miri. Pajisjet e sekuestruara nga policia përgjatë periudhës shkurt-prill u asgjësuan duke u shtypur me makineri të rënda.

Në total, kostoja e pajisjeve të shkatërruara arrin vlerën 1.25 milion dollarë.

Ndërsa Sarawak Energy pretendon se ka humbur energji me vlerë afërsisht 2 milionë dollarë në këto pajisje.

Një kamion autonom u testua me sukses në një udhëtim që zgjati 14 orë. Distanca nga Arizona në Oklahoma e përshkuar nga automjeti pa shofer provoi se edhe kamionët mund të lëvizin pa problem, njësoj si makinat autonome.

Kamioni është prodhuar nga kompania teknologjike TuSimple, raporton Vice News.

https://www.gazetatema.net/2021/07/18/keshilltaret-izraelite-te-lulzim-b...

Në fund të vitit 2015, Presidenti serb Aleksandar Vuçiç, në atë kohë kryeministër, ishte i ftuar në televizionin kombëtar, RTS. Kur u pyet nga moderatorja Olivera Joviceviç pse kinezët janë të interesuar të investojnë në Serbi, Vuçiç u përgjigj në mënyrën e tij tipike: “Sepse ata kanë interesat e tyre. Për shkak se ata duhet të mbyllin një pjesë të fabrikave të tyre të farkëtimit dhe çelikut. Mendoj se kjo bëhet për shkak të ajrit të pastër, për të cilin nuk kam njohuri të mjaftueshme, të jem i sinqertë. Dhe pse duhet të shqetësohem për këtë?”

Qendra Evropiane për Parandalimin dhe Kontrollin e Sëmundjeve parashikon pesëfishim të prevalencës së Covid-19 përgjatë javëve të ardhshme. Në shifra, ky parashikim përkthehet në 420 raste për çdo 100 000 banorë deri më 1 gusht.

Në raportin javor të publikuar të premten, Qendra Evropiane për Parandalimin dhe Kontrollin e Sëmundjeve (ECDC) bëri një parashikim shqetësues në lidhje me rritjen e Covid-19 në vendet e BE-së, Norvegji dhe Islandë.

Dinozaurët ishin në një fazë rënieje kur asteroidi që goditi Tokën 66 milionë vjet më parë i zhduku ata në mënyrë përfundimtare. Në këtë konkluzion del një studim i botuar së fundmi në revistën “Nature Communications”. Fabien Condamine, paleontolog në Institutin e Shkencës Evolucionare të Montpellier në Francë dhe autori kryesor i studimit, thotë se në kohën kur asteroidi goditi planetin tonë, larmia e dinozaurëve ishte në rënie.

Numri i të vdekurve nga përmbytja katastrofike në Evropën Perëndimore arriti sot në mbi 150. Sipas autoriteteve gjermane, më shumë se 90 viktima janë konfirmuar në rajonin Ahrweiler në perëndim të vendit, një nga zonat më të goditura. Të premten, bilanci i viktimave në këtë rajon ishte 63.

43 persona të tjerë u konfirmuan të vdekur në shtetin fqinjë të Rhine-Westphalia, më i populluari në Gjermani. Transmetuesi belg RTBF njoftoi se numri i të vdekurve në Belgjikë arriti në 27 të shtunën.

Një plan i ri i BE propozon taksimin e karburantit bazuar në përmbajtjen e energjisë dhe jo në vëllim, duke synuar t'u japë fund incentivave për benzinën ​​dhe naftën dhe të mbështesë përdorimin e biokarburanteve miqësore me mjedisin, hidrogjenit të rinovueshëm dhe karburanteve sintetike.

Komisioni Evropian paraqiti një rishikim të direktivës së taksës së energjisë 2003, të mërkurën (14 korrik), si pjesë e një përpjekjeje më të gjerë të BE për të shkurtuar me 55% emetimet e gazeve serë deri në 2030, krahasuar me nivelet e 1990-s.