Kryeministri Rama ia ka rinisur avazit të qeverisjes siç di ai: video, promo, like dhe share, takime online dhe patjetër, reforma. Reformat nuk kanë të sosur në këtë vend që duket se ka një reformë/km2.

Sot është prezantuar një nismë e re…dixhitale kuptohet: Nëpunësi dixhital.

Gati për Shqipërinë, është emri i artit të kësaj nisme që synon të inkuadrojë në administatën publike shqiptare, qytetarë shqiptarë me banim jashtë të kontribuojnë në distancë.

Bordi i çmimit kryesor për gazetarinë në SHBA, Pulitzer, ka vlerësuar këtë vit një adoleshente amerikane, Darnella Frazier, e cila filmoi me celularin e vet arrestimin dhe mandej vdekjen e George Floyd, amerikanit me ngjyrë që provokoi aq shumë reagime. Bordi ka cituar në mënyrë të posaçme adoleshenten Frazier duke shënuar kështu një rast shumë të rrallë që një juri e specializuar njeh meritat e dikujt pa formim gazetaresk dhe që nuk e ushtron profesionin.

Sekretari i Përgjithshëm i Organizatës së Kombeve të Bashkuara, Antonio Guterres ka paralajmëruar vendet e pasura se po humbasin atë që ai e quajti një “mundësi të pafalshme” për të adresuar krizën klimaterike. Guterres ka folur për “The Guardian” pak para takimit të samitit të G7 duke theksuar se megjithë pandeminë e CoVid-19, vendet e pasura kanë investuar miliarda dollarë më shumë në industrinë e hidrokarbureve sesa në energjinë e pastër, shenjë kjo e qartë për drejtimin e botës.

Kosova do të mbetet në premumbëln e Kushtetutës së Serbisë që pritet të ndryshojë në kuadër të atij që quhet si Plani i Veprimit për Kapitullin 23. Lajmi është bërë i ditur nga ministrja serbe e Drejtësisë, Maja Popoviç gjatë një interviste në Tv Prva ku ajo ka folur për krijimin e një sistemi të sigurisë juridike.

Në konferencën e parë pas shkarkimit nga Parlamenti, presidenti Ilir Meta mohoi përfshirjen në fushatë, një pretendim mbi të cilin u ngrit komisioni hetimor, i cili e finalizoi punën me vendimin e së mërkurës.

“Unë s’jam përfshirë në fushatë, kam bërë fushatë të hapur për mbrojtjen e zgjedhjeve. Janë ftuar të gjitha forcat politike që të bashkëpunojnë”, tha Meta.

Tre vjet pasi interneti nisi të përdoret në smartfonët e kubanëve, Havana do të lançojë telefonët e vet inteligjentë. Deri në fund të qershorit, Kuba do të ketë pajisjen e tij të parë "socialiste", siç është pagëzuar nga rrjeti smartfoni i parë i prodhuar në vend. Aparati është prodhuar nga kompania shtetërore Gedeme dhe do të përdorë NovaDroid, një version i sistemit operativ Android, i modifikuar për të përmbushur nevojat e qytetarëve kubanë, të cilët nuk mund t’i përdorin të gjitha shërbimet teknologjike.

Në Greqi, një ndërhyrje e re në zonën e Akropolit është pritur me shqetësim nga një pjesë e admiruesve të kulturës helene. Fjala është për një rrugicë të shtruar me beton, e cila supozohet t’ua bëjë më të lehtë kalimin personave me aftësi të kufizuara. Por nuk mjafton vetëm rrugica që zbret përgjatë kodrës.

E ashtuquajtura sindroma e Havanës mund të jetë pasojë e përpjekjes për të mbledhur informacion nga pajisjet elektronike të punonjësve të qeverisë amerikane. Së fundmi, nën administratën Biden, inteligjenca amerikane ka hetuar intensivisht, por nuk ka arritur të shpjegojë dëmtimet e trurit të diplomatëve dhe zyrtarëve të tjerë brenda dhe jashtë vendit.

Brenda radhëve të punonjësve të inteligjencës nuk ka konsensus lidhur me "teknikën, qëllimin, kush është në shënjestër dhe atë që mund të ketë qenë thjesht një rastësi".

Arabia Saudite po i kthen sytë nga burimet e energjisë që nuk dëmtojnë mjedisin. Ministri i Energjisë, Princi Abdulaziz bin Salman, njoftoi së fundmi se Arabia Saudite nuk është më një vend prodhues i naftës.

"Arabia Saudite nuk është më thjesht një vend nafte, është një vend që prodhon energji," i tha ai S&P Global Platts këtë javë.

Ambiciet e reja të Arabisë Saudite përfshijnë prodhimin e gazit, burimet e rinovueshme dhe hidrogjenin.

“Unë e nxis botën ta pranojë këtë si një realitet. Ne do t’ia dalim në të gjitha këto aktivitete".