Rusia paralajmëron SHBA-të për raketat supersonike në Europë. Në një postim në Tuiter, Ambasada Ruse në SHBA shprehet se vendosja e këtyre raketave në Europë do të çonte në një konflikt të paqëllimtë.

Do të donim t’i kujtojmë @PentagonPressSec se vendosja e mundshme e çdo rakete hipersonike (flamur amerikan) në Evropë do të ishte jashtëzakonisht destabilizuese. Koha e tyre e shkurtër e fluturimit do t’i linte (flamur rus) pak ose aspak kohë për të marrë vendime dhe do të shtonte gjasat e një konflikti që ne nuk duam ta nisim.

Presidenti turk, Erdogan, do t’i propozojë homologut amerikan, Joe Biden, ngritjen e një ekipi të përbashkët që do të punojë për njohjen e pavarësisë së Kosovës. Erdogan tha sot se do t’ia paraqesë kërkesën presidentit amerikan në Asamblenë e Përgjithshme të Kombeve të Bashkuara në shtator të këtij viti.

Fotoja përbri është postuar në Facebook nga një shoqatë që trajton historikun e Sarandës dhe shoqërohet me këtë teskt:

Sarande 1851, pejsash nga Edward Lear.

Ne plan te pare eshte Kalaja e Sarandes me 24 kulla e cila ekzistonte deri ne vitet 20 -te te shekullit te kaluar

A performojnë më mirë punëtorët mediokër kur punojnë nga shtëpia apo kur janë në zyrë? Kjo nuk është një pyetje për të cilën kam menduar ndonjëherë shumë përpara pandemisë, megjithëse nëse do ta kisha bërë, mund të kisha menduar që kjo kategori do të donte të punont nga shtëpia.

Kryeministri Edi Rama shpërndan në faqen e vet në Facebook një mesazh promocional titulluar: Eja në shtëpi! Videoja i drejtohet emigrantëve që pritet të vijnë të pushojnë në Shqipëri gjatë verës dhe në të shfaqen personazhe të ndryshëm që bëjnë thirrjen: eja në shtëpi, nën muzikën popullore dhe pamjet e kuruara nga gjeografia e vendit.

Australia dëboi komentatoren politike britanike, Katie Hopkins, për shkelje të masave anti-Covid. Autoritetet vendase thanë se Hopkins kishte shpërfillur rregullat e karantinës në hotel.

Detaje të klasifikuara të tankut më të rëndësishëm të betejës që ka Ushtria Britanike, Challenger 2, u bënë publike krejt rastësisht. Përveçse pjesë e armatimit të rëndë britanik, tanku në fjalë ekziston edhe virtualisht si element i lojës “War Thunder”. Pjesë e kësaj loje online është bërë edhe një person, i cili thotë se ka drejtuar një tank të tillë dhe ka qenë instruktor në ushtrinë britanike. Ai pretendon se dizajnerët e lojërave nuk kanë arritur ta "modelojnë siç duhet".

Muzetë dhe galeritë e Italisë hapën dyert me synimin për të rikuperuar 190 milionë euro (225 milionë dollarë) të ardhura që munguan vitin e kaluar. Por rihapja për vizitorët vjen me një risi: një projekt i ri  të dhënash që pritet t’i ndihmojë kuratorët të kuptojnë se cilat piktura dhe skulptura marrin vëmendjen më të madhe. Një ekip kërkimor në agjencinë e teknologjive të reja në Itali, ENEA, ka zhvilluar një sistem të bazuar në pajisje që mund të llogaritin se sa kohë dhe nga sa afër e vëzhgojnë një vepër vizitorët e muzeut.

Në Malajzi, policia asgjësoi 1069 aparatura për prodhimin e kriptomonedhave. Operacioni i koordinuar mes policisë dhe kompanisë së energjisë elektrike Saeawak Energy në qytetin e Miri. Pajisjet e sekuestruara nga policia përgjatë periudhës shkurt-prill u asgjësuan duke u shtypur me makineri të rënda.

Në total, kostoja e pajisjeve të shkatërruara arrin vlerën 1.25 milion dollarë.

Ndërsa Sarawak Energy pretendon se ka humbur energji me vlerë afërsisht 2 milionë dollarë në këto pajisje.

Një kamion autonom u testua me sukses në një udhëtim që zgjati 14 orë. Distanca nga Arizona në Oklahoma e përshkuar nga automjeti pa shofer provoi se edhe kamionët mund të lëvizin pa problem, njësoj si makinat autonome.

Kamioni është prodhuar nga kompania teknologjike TuSimple, raporton Vice News.