Franca nuk do t’i bashkohet bojkotit diplomatik të Lojërave Olimpike të Pekinit të vitit 2022, të propozuar nga dissa vende përëndimore. Ministri i Arsimit të Francës, Jean – Michel Blanquer ka dhënë njoftimin, që është pasuar nga një deklaratë e ministrit të Jashtëm, Jean – Yves Le Drian që ka bërë të qartë se Parisi do të kërkojë një qëndrim të përbashkët të BE-së në këtë drejtim.

Autoriteti i Konkurrencës në Itali ka gjobitur me 1.1 miliardë euro (1.3 miliardë dollarë) gjigantin e shitjeve online, Amazon. Kompania e Jeff Bezos është ndëshkuar për abuzimin me pozitën e saj dominuese në logjistikën e tregtisë elektronike. Gjoba shënon masën më të fundit që një vend i BE-së merr kundër teknologjisë së madhe amerikane në kontinentin e vjetër.

Jeta dhe karriera e Michelangelo Merisit, i njohur botërisht si Caravaggio, pasurohet me detaje falë një dorëshkrimi që ka dalë në dritë së fundmi. Detaje të reja zbulohen në shkrimet e Gaspare Celios, në përmbledhjen e “Jetëve të Vasarit”, një tekst i cituar nga disa autorë të shekullit të shtatëmbëdhjetë, gjurmët e të cilit kishin humbur. Teksti është gjetur në bibliotekën e Kolegjit Stonyhurst, në Lancashire, në Britani.

Ministria greke e Shënetësisë ka propozuar së fundmi një amendament sipas të cilit vlefshëmria e pasaportës së vaksinimit kundër CoVid-19 reduktohet në tre muaj. Aktualisht dokumenti ka vlefshmëri 6 mujore çka hap rrugën për doza shtesë në çdo tre muaj.

Greqia është vendi i parë që propozoi pasaportën e vaksinimit dhe një ndër vendet me politikën më agresive në këtë drejtim.

Komisioneri i Lartë i OKB-së për të Drejtat e Njeriut del kundër vaksinimit me detyrim. Duke folur në një seminar të Këshillit të të Drejtave të Njeriut, Michelle Bachelet paralajmëroi se të drejtat e njeriut duhen marrë parasysh përpara se vaksinimi të bëhet i detyrueshëm.

Çdo "detyrim për vaksinim duhet të jetë në përputhje me parimet e ligjshmërisë, domosdoshmërisë, proporcionalitetit dhe mosdiskriminimit", tha ajo.

Komenti i një mbështetësi në një nga takimet elektorale të Marine Le Pen i dha zë pyetjes që mund t’u ketë lindur shumë francezëve

“Sikur të martoheshe me Eric”, tha një mbështetës i esktremit të djathtë ndërsa liderja e Bashkimit Kombëtar takohej me votuesit e saj në qytetin Vesoul.

Le Pen vuri buzën në gaz me idenë e martesës me kandidatin tjetër të ekstremit të djathtë, Eric Zemmour.

Shkencëtarët ka një shpjegim të ri për atë që gjeneroi jetën në Tokë. Sipas një studimi të ri, era diellore mund të jetë një nga forcat përgjegjëse që ka bërë të mundur sigurimin e molekulave të ujit, të nevojshme për të krijuar oqeanet, lumenjtë dhe liqenet e Tokës.

Luke Daly, lektor i Gjeoshkencës Planetare në Universitetin e Glasgow, doli në këtë përfundim, i cili është botuar në Nature Astronomy. Sipas Daly, era diellore luajti një rol vendimtar në sjelljen e molekulave të mjaftueshme të ujit në planetin tonë.

Ajo që është cilësuar deri tani si vaksina më e mirë, nuk garanton mbrojtje nga varianti Omicron. Ky i fundit mund të infektojë një person, pavarësisht se ai mund të jetë vaksinuar me dy dozat e vaksinës Pfizer. Konkluzioni ka dalë pas një studimi të kryer në Afrikën e Jugut, ku u shfaq për herë të parë varianti i ri. Rezultatet e studimit u bënë të ditura nga Alex Sigal, shefi i kërkimit në një prej laboratorëve vendas.

Ukraina është sheshi i betejës mes Rusisë dhe SHBA teksa Perëndimi nuk duket të ketë më vendosmërinë e dikurshme për të përparuar strategjikisht drejt Lindjes. Gjatë një takimi virtual prej dy orësh, presidenti amerikan Joe Biden dhe ai rus Vladimir Putin, kanë parashtruar pikëpamjet e tyre duke bërë të qartë interesin e secilit shtet.

Një pllakë e vogël balte që daton 3500 vjet më parë dhe që përmban një pjesë të Epit të Gilgameshit, e cila u grabit nga një muze i Irakut 30 vjet më parë u gjet pak kohë më parë në Shtetet e Bashkuara, u kthye zyrtarisht në Irak të martën.

Pllaka kuneiforme me vlerë 1.7 milionë dollarë, e njohur si pllaka e ëndrrave të Gilgameshit, është një nga veprat më të vjetra të letërsisë në botë dhe një nga tekstet më të vjetra fetare. Ajo u gjet në 1853 si pjesë e një koleksioni me 12 tableta në rrënojat e bibliotekës së mbretit asirian, Assur Banipal.