Pamjet dhe videot e shpërndara sot dokumentuan fundin e një përballjeje 20 vjeçare. Talebaët morën Kabulin, ngritën flamurin e tyre dhe hynë në pallatin presidencial prej nga ky, presidenti Ghani kishte ikur drejt Taxhikistanit. Episodi pati edhe një aspekt disi komik: ministri i Brendshëm në detyrë i Afganistanit, Abdul Sattar Miszakwal deklaronte sot se:

Afganistani do të ketë një transferim paqësor të pushtetit drejt një qeverie tranzitore të drejtuar nga Talibani

Turqia ka njoftuar sot se muri 295 km i gjatë në kufirin me Iranin është drejt përfundimit. Ministri turk i Mbrojtjes, Hulusi Akar ka vizituar kufirin dhe që andej ka bërë të ditur se pjesa më e madhe ka përfunduar dhe se janë gërmuar 150 km llogore. Ai ka shtuar se në administrimin e murit dhe për realizimin e veprimeve mbikëqyrëse do të instalohen pajisje termike për shikim natën, 1000 mjete lokalizuese.

Ne do të intensifikojmë punën tonë, do të përforcojmë kuptimin e parimit se “kufijtë tanë janë të pakalueshëm”

Qeveria e Kosovës, presidentja e saj, Vjosa Osmani, kanë bërë të qartë se kanë pranuar kërkesën e Shteteve të Bashkuara të Amerikës për strehimin e afganëve që po ikin nga regjimi i talebanëve që sot hyri në Kabul. Pa asjë mëdyshje, bota politike shqiptare është rreshtuar në krah të SHBA në këtë moment dëshpërues kur sheh sesi fuqia kryesore në botë që i bën moral mbarë botës, detyrohet të kërkojë një konvikt për njerëzit e vet. Ashtu qoftë!

7 tetor 2001. Presidenti amerikan George Bush njoftonte se kishte urdhëruar nisjen e veprimeve ushtarake kundër regjimit të talebanëve në Afganistan. Bush deklaronte se ndërhyrja kishte për qëllim eliminimin e objektivave ushtarakë dhe neutralizimmin e Afganistanit si një bazë terroriste. Ish-presidenti njoftonte se në veprim ishin 40 vende dhe se aksioni ushtarak:

mbështetej nga vullneti kolektiv i botës

Ish- kreu i Administratës amerikane për Ushqimin dhe Barnat, Scott Gottlieb ka deklaruar se CoVid-19 është duke u shndërruar në një sëmundje endemike pas kalimit të fazës kulmore të epidemisë së variantit Delta të Sars-Cov-2.

Ne po kalojmë nga një pandemi në një virus që është më tepër endemik, të paktën këtu në SHBA dhe me gjasë në tregjet perëndimore. Do të vazhdojë të jetë pandemi në shumë pjesë të botës ku nuk kemi shkallë të lartë vaksinimi

Amerika iku nga Afganistani dhe tani po shohim se talebanët po marrin atë që humbën dikur. Me armë e humbën, me armë e morën. A është kjo humbje për SHBA? A është ky Vietnami i dytë? T’ia lëmë kinemasë ta përcaktojë, meqenëse SHBA është një vend ku historia vlen më pak se kinemaja. Por shifrat flasin për një dështim spektakolar dhe ilustrojnë se në SHBA nuk ka më asgjë ideale. As në dukje.

Adriatik Kelmendi publikon sot një shkrim përmes të cilit shtron pyetjen: Kujt i konvenojnë përçarjet Kosovë-Shqipëri?

Teza në fjalë i bën jehonë një psike disi të vjetër që presupozon se vëllazaria kombëtare është një njësi që lidhet në mënyrë emotive vetëm. Mbi këtë premisë vërdalloset sot e gjithë ditën edhe diskutimi politik në internetin shqip. Teksa pyet kështu Kelmendi e hap shkrimin me një aksiomë:

Afganistani është një vend ku cinizmi perëndimor po shembullizon më së miri karakterin aventuresk të politikës demokratizuese. Sot ministri britanik i Mbrojtjes, Ben Wallace, citohet të jetë shprehur ndër të tjera se:

Jam absolutisht i shqetësuar se Afganistani po bëhet një shtet i dështuar ku grupe terroriste përfshirë al-Qaedan mund të rikthehen dhe të përbëjnë rrezik drejt vendeve perëndimore. Shtete të dështuara po bëhen tokë pjellore për këta lloj njerëzish

Mediat në rajon raportojnë për një valë arrestimesh sot në Malin e Zi të personave që dyshoheshin se kishin në plan të vrisnin disa zyrtarë publikë. Urdhëri i arrestit është dhëë nga Zyra e Prokurorit Special të Shtetit cituar nga televizioni shtetëror malazez.

Sipas gazetës “Vijesti” personat e arrestuar janë pjesë e një grupi të afërt me klanin Skaljar, që u vu nën akuzë para disa ditësh nga presidenti serb, Aleksander Vuçiç, si përgjegjës për disa vrasje.

Agjencia Europiane e Kufijve, Frontex, raporton se në shtatë muajt e parë të vitit 2021 kanë nyrë ilegalisht në BE 82 mijë njerëz, një shifër 59% më e lartë sesa ajo e një viti më parë.