Çfarë do të linte mbrapa njerëzimi nëse zhduket? Copëza qytetesh? Apo Statujën e Lirisë, si te “Planeti i Majmunëve”?

Një ekip studiuesish ka menduar për këtë. Një kuti e stërmadhe dhe e pashkatërrueshme që do të regjistrojë të dhëna shkencore, që do t’u bënin të qartë qytetërimeve pasuese arsyet e kolapsit të njerëzimit.

Hyrja e Eric Zemmour në garën presidenciale të Francës u shoqërua me vëmendje të madhe mediatike brenda dhe jashtë vendit. Duket se kjo është e destinuar ta shoqërojë për shkak të profilit të tij, por edhe premtimeve që ka nisur të shpalosë. Një nga figurat më të zëshme të ekstremit të djathtë, Zemmour prezantoi të dielën nismën e tij politike, Reconquete (ripushtimi), një emër që evokon periudhën historike të njohur si Reconquista, kur forcat e krishtera dëbuan sundimtarët myslimanë nga Gadishulli Iberik.

Islanda ka sistemin më të mirë të pensioneve në botë. Megjithatë, edhe kjo e ka një problem. Kursimet për pensionistët e ardhshëm janë grumbulluar në masë të tillë saqë po tejkalojnë dyfishin e madhësisë së ekonomisë së ishullit të Atlantikut të Veriut.

Qeveria islandeze po konsideron të lejojë menaxherët e investimeve të diversifikohen duke blerë më shumë letra me vlerë jashtë vendit. Kjo ka sjellë paralajmërimin e bankës qendrore, e cila kërkon që, siç parashikojnë rregulloret, pjesa e zotërimeve jashtë shtetit në asetet e pensioneve të mos i kalojë 50%.

Liderja e Mianmarit, Aung San Suu Kyi, është dënuar me katër vjet burg. Ajo po përballet me drejtësinë e vendit të saj për një sërë akuzash dhe është shpallur fajtore për dy prej tyre: nxitje konfliktesh dhe thyerjes të rregullave anti-Covid, në kushtet e një ligji për fatkeqësitë natyrore. Procese të tjera gjyqësore mund të finalizohen me dënime në të ardhmen.  

Në Bruksel, kjo fundjavë shënoi protestat e dhunshme të radhës kundër kufizimeve që qeveria ka vendosur për të frenuar përhapjen e virusit. Disa mijëra protestues marshuan paqësisht përmes qendrës së kryeqytetit belg drejt lagjes ku ndodhet selia e institucioneve të Bashkimit Evropian, ku pati përplasje me policinë, e cila hodhi gaz lotsjellës.

Demonstruesit protestuan kundër rregullores së vendosur në tetor, që i detyron qytetarët të tregojnë pasaportën e vaksinimit për të hyrë në bare dhe restorante.

Presidenti i Kroacisë, Zoran Milanoviç, është ndër të paktët zyrtarë të lartë në Europë që del kundër vaksinimit me detyrim. Qeveria kroate ka paraqitur disa amendamente në projektligjin për sëmundjet infektive. Propozimet e shumicës në pushtet parashikojnë gjoba për personat që nuk respektojnë pajisjen me certifikatën e vaksinimit kundër COVID-19. “Nuk janë ligj, por akt terrori”, tha të enjten presidenti Zoran Milanoviç.

Fakti që Françesku është vetëm i dyti në listën e papëve që kanë vizituar Athinën, pas Gjon Palit II në 2001, tregon kompleksitetin e marrëdhënieve dhe thellësinë e ndarjes që ndodhi midis dy kishave në vitin 1054.

Dialogu i nisur nga Patriarku Athenagoras dhe Papa Pali VI në vitin 1964 ende ngjall armiqësi në seksione të klerit, manastireve dhe shoqërisë greke. Këtë armiqësi e trashëgoi Patriarku Bartolomeu, i cili ka kontribuar në forcimin e marrëdhënieve midis dy kishave gjatë 30 viteve që ai ka qenë në Fronin Ekumenik.

Donald Trump po përpiqet të rikthehet në mediat sociale, pas largimit nga Tuiter, Facebook dhe Youtube. Por për shkak të vendimit përfundimtar për largimin e tij nga këto dy platforma, do të duhet një media e re sociale për të. Për këtë, ai u është drejtuar investitorëve.

Franca dhe Arabia Saudite do të angazhohen në dialogun mes Libanit dhe shteteve të Gjirit.

Ministri libanez i Informacionit, George Kordahi, dha dorëheqjen të premten për të lehtësuar një përplasje diplomatike me Arabinë Saudite, pas komenteve që ai bëri në tetor duke kritikuar rolin e Arabisë Saudite në luftën në Jemen, gjë që e nxiti Riadin të ndalonte importet libaneze.

Në një raport të "Klubit të Romës“ të vitit 2016 shkencëtarët Graeme Maxton (*1960) dhe Jørgen Randers (*1945) hodhën idenë e shpërblimit të grave perëndimore që nuk kishin sjellë në jetë asnjë, ose kishin lindur një ose dy fëmijë. Arsyeja e vetme ishte problemi i rritjes së numrit të popullsisë në botë të  cilët e shihnin si një kërcënim serioz kundrejt natyrës, klimës dhe mirëqenies njerëzore.