Ne i kemi shfrytëzuar burimet natyrore në maksimumin e tyre që në fillesat e njerëzimit. Qindra mijëra vite më parë, njeriu i hershëm gjuante kafshët më të mëdha për t’u ushqyer. Pas shfarosjes së këtyre të fundit, ata kaluan te kafshët më të vogla, për t’u zhvendosur më pas te bujqësia, e cila shënoi edhe fillesat e qytetërimit.

Një detaj që mund të kishte ndryshuar historinë e një prej filmave më të preferuar të të gjitha kohërave. Një bisedë e ndodhur në fillim të viteve ’80 do të bëhej shkaku që Al Pacino të shkëlqente më pas në rolin e Toni Montanës. Por, ky rol mund të ishte luajtur për pak edhe nga Robert de Niro. Detajet dalin në një intervistë për GQ.

Kosova dhe Danimarka kanë arritur një marrëveshje për burgjet. Në bazë të saj, Danimarka do të paguajë një tarifë vjetore prej 15 milion €  për një periudhë fillestare prej pesë vjetësh dhe njëkohësisht do të ndihmojë në financimin e energjisë së gjelbër në vend.

Në qelitë e marra me qira do të qëndrojnë të dënuar nga vendet joanëtare të BE-së që do të dëbohen nga Danimarka pas dënimit.

Pavarësisht se do të shfrytëzohet hapësira, në qelitë në fjalë do të zbatohen ligjet daneze.

Kosova ka rreth 700-800 qeli të papërdorura.

Ashtu si një javë më parë, Sali Berisha u kthye në selinë e Partisë Demokratike për mbledhjen e radhës. I shoqëruar nga Komisioni i Rithemelimit, i cili doli nga Kuvendi i 11 dhjetorit, Berisha mbajti një mbledhje në një nga sallat e selisë, ndërsa pak metra më tutje Basha kishte mbledhur deputetët demokratë.

Para mediave Berisha tha se qëllimi i mbledhjes ishte që të njihej me vendimin e referendumit Lulzim Basha.

Davos bie në gjumë sërish. Takimi i shumëpritur vjetor i Forumit Ekonomik Botëror, i planifikuar për t’u mbajtur në një resort në malet e Zvicrës, më 17-21 janar, është anuluar për të dytin vit radhazi, duke u zëvendësuar nga një seri diskutimesh online.

Shtyrja - për shkak të shfaqjes së Omicron - është e fundit në një seri përpjekjesh të dështuara nga WEF (Forumi Ekonomike Botëror) për t'u kthyer te takimet personale gjatë pandemisë Covid-19 dhe ushtron presion financiar mbi organizatën, me dhjetëra miliona dollarë të ardhura.

Ngrohja globale ka përshpejtuar ritmin e shkrirjes së akullnajave në majën më të lartë të botës. Një studim i kryer së fundmi konkludon se akulli në Himalaja po shkrin me një ritëm të tillë që rrezikon furnizimin me ujë të miliona njerëzve në Azi.

Pas Zvicrës, edhe Britania e Madhe do të ndalojë gatimin e krustaceve dhe cefalopodëve të gjallë, duke e cilësuar këtë praktikë një mizori të pajustifikuar. Dispozita do të bëhet pjesë e ligjit në diskutim për mbrojtjen e mirëqenies së kafshëve. Propozimi ka ardhur pas një studimi të kryer nga Qendra për Filozofinë e Shkencave Natyrore dhe Sociale të Shkollës Ekonomike të Londrës. Studimi ka konkluduar se këto kafshë ndiejnë dhimbje.

Gabriel Boriç pritet të marrë drejtimin e presidencës në Kili, pas një fitoreje të qartë përballë rivalit Jose Antonio Kast. Me një diferencë prej të paktën 10%, ai është shpallur fitues dhe do të marrë zyrtarisht detyrën më 11 mars 2022.

Boriç vjen nga e majta dhe është zotuar se do të luftojë kundër projekteve të dëmshme për mjedisin, ndër të cilat janë minierat e bakrit dhe arit, raporton CNN. "Duke shkatërruar botën, ne po shkatërrojmë veten. Ne nuk duam më projekte që po shkatërrojnë vendin tonë, komunitetin tonë," tha ai.

Lira turke vijon rënien e lirë. Kjo e fundit u thellua akoma më shumë sot, pasi Presidenti Rexhep Tajip Erdogan përmendi fenë myslimane si shkak për mosngritjen e normave të interesit për të stabilizuar monedhën.

Erdogan e ka shtyrë bankën qendrore të ulë ndjeshëm kostot e huamarrjes pavarësisht se norma vjetore e inflacionit është rritur në më shumë se 20 për qind.

Ekonomistët besojnë se kjo politikë mund të çojë në rritjen e çmimeve të konsumit me 30 përqind ose më shumë në muajt e ardhshëm.

Libani mund të dalë nga kriza nëpërmjet mbështetjes së Fondit Monetar Ndërkombëtar. Marrëveshja pritet midis janarit dhe shkurtit, bëri të ditur televizioni libanez, Al Jadeed, duke cituar zëvendëskryeministrin.

Saadeh al-Shami citohet të ketë thënë se komiteti ministror ka rënë dakord me guvernatorin e bankës qendrore për një shifër prej 69 miliardë dollarësh për humbjet në sektorin financiar.

FMN do ta shqyrtojë këtë kërkesë, një hap ky që shihet vendimtar për qeverinë e Libanit, e cila kërkon të negociojë një program mbështetjeje.