Mospërfshirja e të gjashtë shteteve të Ballkanit Perëndimor në “Ballkanin e Hapur” e bën nismën jofunksionale. I dërguari amerikan për Ballkanin Perëndimor, Gabriel Escobar, thotë se iniciativat rajonale duhet të jenë të hapura për të gjitha shtetet në mënyrë të barabartë.

“Mbështetja për Open Balkan do të bëhet në bazë të kushteve që nisma të jetë hapur për të gjithë. Duhet anëtarësim i barabartë dhe jo shpërqendrim nga aspiratat evropiane”, tha ai gjatë konferencës për “Ballkanin e Hapur” që u mbajt në Kuvendin e Serbisë, përmes një lidhjeje live.

Një gjykatë britanike ka gjetur si të pambështetura pretendimet e publikuara në librin e gazetares Catherine Belton sipas të cilave miliarderi rus, Roman Abramovich u urdhërua nga Kremlini për të blerë klubin e futbollit “Chelsea”. Libri u publikua në vitin 2020 dhe ai ka në qendër ngritjen në pushtet të Putin, rrethin e tij të bashkëpunëtorëve nga KGB-ja dhe pasurimi pas vitit 1999.

Nëse është fjala për arkëtimet, një film kinez thyen rekordet e “Agjentit 007” dhe "Fast and Furious". “Beteja e liqenit Changjin", një film epik 176-minutësh me aktorin kinez Wu Jing, nuk është vetëm filmi me fitimin më të madh në mbarë botën deri më tani për vitin 2021, por është bërë edhe filmi më i suksesshëm në historinë e Kinës -- duke lënë pas edhe "Wolf Warrior 2" të 2017, në të cilin luan sërish Wu -- sipas platformës së biletave Maoyan Entertainment.

Pas dy shekujsh rritjeje të paprecedentë, popullsia njerëzore do të fillojë të tkurret pas vitit 2064. Përfundimi del nga një studim i kryer nga një ekip i madh studiuesish në Institutin për Metrikën dhe Vlerësimin e Shëndetit (IHME) në Shkollën e Mjekësisë të Universitetit të Uashingtonit. Gjetjet e studimit u botuan së fundmi në revistën shkencore “The Lancet”.

Barbados, ish-koloni britanike, do të këpusë javën e ardhshme edhe lidhjen e fundit me Britaninë për herë të parë pas 400 vitesh nga dita kur anija e parë angleze mbërriti në ishullin e Karaibeve. Në vend, festimet kanë nisur. Dita e fundit e nëntorit shënon largimin e mbretëreshës Elizabetë nga detyra e kreut të shtetit dhe emërimin e presidentes Sandra Mason.

Shtetet e Bashkuara të Amerikës kanë vendosur të hedhin në treg rreth 50 milionë barrela naftë nga rezervat e veta strategjike, një sasi që është ekuivalente me 2.5 ditë konusmi për këtë vend.

Pas Luftës së Dytë Botërore, fituesit krijuan një sërë institucionesh mbi të cilat që atëherë është mbështetur rendi botëror. Ndërsa këto institucione shpesh janë kontestuar, ato janë dëshmuar shumë elastike. Por kjo nuk do të thotë se ata janë të paprekshëm. Përkundrazi, efektiviteti i tyre mund të gërryhet gradualisht – veçanërisht kur ato përdoren si pengje gjeopolitike.

Kufizimet në karrierë po përdoren si formë për të nxitur vaksinimin në radhët e ushtrisë amerikane. Ata që refuzojnë vaksinën nuk do të mund të përfitojnë përtej gradës që kanë.

Në një memo që mban firmën e sekretares së Ushtrisë, Christine Wormuth, ushtarët në detyrë aktive, rezervistët dhe gardistët që refuzojnë vaksinën nuk do të kenë mundësi të riregjistrohen, të promovohen dhe shkollohen.

Afrim Qëndro, ish-drejtori i Autoritetit Rrugor është emëruar së fundmi në detyrën e Prefektit të Tiranës. Një njeri që drejtonte një ndër entet më të përfolura në Shqipëri, Qëndro mori drejtimin e PS-së në Qarkun Vlorë ku e “tregoi veten” në zgjedhjet e fundit.

Presidenti amerikan, Joe Biden, synon një mandat tjetër pas përfundimit të të parit. Pikëpyetjeve të ngritura shpesh lidhur me një mandat të dytë, duke u nisur kryesisht nga mosha e presidentit, u ka dhënë përgjigje sekretarja e shtypit e Shtëpisë së Bardhë, Jen Psaki.

"Ky është qëllimi i tij", u tha Psaki gazetarëve, duke konfirmuar raportimet sipas të cilave Biden u ka thënë këshilltarëve dhe stafit se planifikon të kandidojë përsëri në 2024.