Referenca ndaj Turqisë ishte e qartë në fjalimin e ministrit të Jashtëm, Nikos Dendias, në takimin me homologen kosovare në Athinë.  "Neo-otomanizmi nuk mund të jetë e ardhmja e Ballkanit Perëndimor”, tha Dendias në konferencën që pasoi takimin me ministren e Jashtme të Kosovës, Donika Gervalla-SchWarz, vetëm pak ditë pas vizitës së fundit të presidentit turk, Rexhep Tajip Erdogan, në Shqipëri dhe Serbi.

Themeluesi i Amazon, Jeff Bezos, ka një ëndërr të re: të zhvillojë teknologjinë e pavdekësisë.Bezos po investon në ngritjen e një startup-i kundër plakjes të quajtur Alto Labs, i cili u lançua të mërkurën. Projekti ka rekrutuar kohët e fundit Hal Barron, dikur numri një i gjigantit farmaceutik GlaxoSmithKline, i cili tani është emëruar si CEO i Alto Lab.

Një raport i ri nxjerr në pah heshtjen e Papa Benediktit XVI në lidhje me abuzimin seksual të fëmijëve gjatë kohës kur ishte kryepeshkop i dioqezës së Mynihut dhe Freisingut. Sipas raportit, kryepeshkopi i Mynihut nga viti 1977 deri në 1982, që atëherë njihej me emrin Joseph Ratzinger, ishte në dijeni të faktit se disa priftërinj abuzonin me fëmijët dhe pavarësisht kësaj, abuzuesit mbetën në role aktive nën mbikëqyrjen e tij në kishat e Gjermanisë jugore.

Me anë të një rezolute të miratuar nga parlamenti, Franca e ka cilësuar gjenocid trajtimin që Kina i bën pakicës myslimane ujgore. Vendimi pritet të tensionojë marrëdhëniet midis Parisit dhe Pekinit dy javë përpara Olimpiadës Dimërore.

Denoncimi përmes kësaj rezolute u propozua nga socialistët opozitarë dhe u mbështet edhe nga partia e presidentit Macron, Republique en Marche.

Në rezolutë thohet se Asambleja Kombëtare "njeh zyrtarisht dhunën e ushtruar nga Republika Popullore e Kinës kundër ujgurëve si krime kundër njerëzimit dhe gjenocid".

Agjencia Qendrore e Inteligjencës, CIA, ka më në fund një konkluzion për atë që njihet si sindroma e Havanës. Raporti mbi qindra raste të raportuara të sëmundjes misterioze neurologjike përjashton në shumicën e rasteve një sulm nga një kundërshtar i huaj.

"Ne vlerësojmë se shumica e raportimeve për të tilla incidente anormale shëndetësore mund të shpjegohen në mënyrë të arsyeshme nga kushtet mjekësore ose faktorët mjedisorë dhe teknikë, duke përfshirë sëmundjet e padiagnostikuara më parë", tha një zyrtar i lartë i CIA-s.

Bono Vox nuk është ndonjë fans i madh i muzikës së grupit të tij. Këngëtari irlandez, 61 vjeç, pjesë e U2 për 46 vjet, ka shkruar dhe kënduar shumë nga këngët hit të grupit rock, por kur kthen kokën mbrapa thotë se ndihet i turpëruar.

Në një intervistë në podkastin "Awards Chatter" të Hollywood Reporter, Bono rrëfen se janë vetëm disa këngët për të cilat është krenar.

Raporti i një OJQ-je spanjolle hedh dritë mbi taktikat që përdor Kina për të kthyer në atdhe qytetarët që largohen. "Safeguard Defenders", me bazë në Spanjë, evidenton në raport tre taktika të përdorura nga Pekini për këtë qëllim: arrestimin e të afërmve të të arratisurit si kërcënim, dërgimin e agjentëve jashtë shtetit për të frikësuar personin në fjalë ose për ta rrëmbyer.

Kryeministri i Shqipërisë ka ideuar një nismë të re të cilën e quan Këshillim Kombëtar. Z. Rama do t’u drejtohet shqiptarëve siç thotë me 12 pyetje që sipas tij do të rivendosin bazat e një bashkëqeverisjeje dhe do të zgjidhin sipas tij keqkuptimet e mëdha të politikës. Kryeministri ka dalë përditë për ta promovuar si nismë, e cila ndërtohet me frazën nistore: Ka njerëz që thonë se…

Edhe format e lehta të Covid-19 lënë pas pasoja afatgjata. Një prej tyre është dobësimi i vëmendjes dhe kujtesës gjashtë deri në nëntë muaj pas infektimit. Konkluzioni del nga një studim i Universitetit të Oksfordit në Britani.

Në funksion të studimit, pjesëmarrësve që kishin rezultuar pozitivë për Covid-19 më parë, por nuk raportuan simptoma të tjera tradicionale të gjata të Covid, iu kërkua të kryenin ushtrime për të testuar kujtesën dhe aftësinë e tyre konjitive.

Zhvendosjen e trupave ruse në perëndim të Bjellorusisë, Shtetet e Bashkuara e shohin si një përgatitje për pushtimin e Ukrainës.

Zëvendësministri rus i Mbrojtjes, Alexander Fomin, tha se stërvitjet e përbashkëta me Bjellorusinë do të përfshijnë përgjigjen ndaj kërcënimeve të jashtme, por zyrtarët amerikanë e quajtën situatën "jashtëzakonisht të rrezikshme".