Kryeministri i Luksemburgut, Xavier Bettel, njoftoi heqjen dorë nga diploma e marrë në vitin 1999, pas akuzave për plagjiaturë.

Greqia ka hedhur poshtë kërkesën e Turqisë për demilitarizimin e ishujve grek të Egjeut.

Lidhur me akuzat e fundit të zyrtarëve turq për statusin e ishujve të Egjeut, ne i hedhim poshtë ato në tërësinë e tyre. Këto akuza akuza jo vetëm që nuk përputhen me parimet bazë të ligjit ndërkombëtar, por ato shkojnë përtej logjikës së thjeshtë. Pozicioni grek mbi këtë çështje ka qenë shprehur vazhdimisht dhe publikisht

Ish-ambasadori i SHBA në NATO, Kurt Volker deklaron në një intervistë për “Kathimerini” se lufta në Ukrainë është e pashmangshme.

Rusia dhe Bjellorusia nisën sot stërvitjet e përbashkëta ushtarake, një hap që ka ngritur prej kohësh shqetësime në vendet perëndimore me frikën se Moska po planifikon një përshkallëzim të madh në konfliktin në Ukrainë.

Stërvitjet, të cilat do të vazhdojnë deri më 20 shkurt në Bjellorusi, fokusohen në "shtypjen dhe zmbrapsjen e agresionit të jashtëm", ​​tha në një deklaratë Ministria ruse e Mbrojtjes.

Kompania mëmë e Facebook, Meta, paralajmëroi këtë javë se mund të mbyllë operacionet e Facebook dhe Instagram në Evropë, nëse nuk i lejohet më të ruajë të dhëna për përdoruesit evropianë në SHBA.

Por ligjvënësit evropianë reaguan duke e quajtur këtë thjesht një bllof.

Parku i shtëpisë së pavarësisë po merr formë si një hapësirë e re surprizuese për Vlorën e Rilindur turistike

Tani edhe monotonia e sintaksës e bën të panevojshëm prezantimin e autorit të statusit në fjalë. Shtëpia e pavarësisë në Vlorë do të jetë pjesë e aseteve turistike. 

Suedia hoqi pothuajse të gjitha kufizimet e mbetura të pandemisë dhe ndaloi shumicën e testimeve për COVID-19, pavarësisht paralajmërimeve të disa shkencëtarëve.

Qeveria e Suedisë, e cila gjatë gjithë pandemisë ka pasur një qasje tjetër nga ajo e pjesës më të madhe të vendeve të botës, njoftoi javën e kaluar se do të hiqte kufizimet e mbetura - duke e shpallur në mënyrë efektive pandeminë të përfunduar - pasi vaksinat dhe varianti më pak i rëndë Omicron kanë zbutur rastet e rënda dhe kanë ulur numrin e vdekjeve.

Ndonëse Gjykata Kushtetuese ka ende në proces shqyrtimi vendimin për shkarkimin e tij, presidenti Meta është i bindur se mandatin do ta çojë deri në fund. Në një konferencë për mediat sot në mesditë, kreu i shtetit ripërsëriti 24 korrikun si finishin e mandatit të tij, ndërsa gjeti rastin edhe për të ironizuar Lulzim Bashën.  

Nuk do të ketë asnjë bravë shtesë në institucionin e presidentit. Nuk do të blindohet asgjë. Më 24 korrik ju kam premtuar që do të bëj një festë e më pas aty është populli i dy marsit, është shtuar shumë kohët e fundit

OBSH-së i duhen edhe 16 miliardë dollarë për të financuar planin e saj kundër pandemisë COVID-19. Shumën e mbetur, OBSH e kërkon nga vendet e pasura.

"Shkenca na dha mjetet për të luftuar COVID-19; nëse ato ndahen globalisht në solidaritet, ne mund t'i japim fund COVID-19 si emergjencë shëndetësore globale këtë vit", tha drejtori i Përgjithshëm i OBSH-së, Tedros Adhanom Ghebreyesus.

Një sulm kibernetik nxorri jashtë funksionit shumicën e shërbimeve të Vodafone në Portugali, duke prekur të paktën 7 milionë abonentë. Sulmi ndodhi gjatë natës së të hënës dhe u shtri mbi rrjetin 4g/5g, TV, shërbimet zanore dhe shërbimet SMS. Kompania ia doli të rikthente shërbimet 3G, port ë tjerat mbetën të prekura. Madje, sulmi ka prekur edhe rrjetin e ATM-ve të disa bankave të mëdha të lidhura me rrjetin Vodafone 4g.