Europa është gati të ndryshojë dokumentin e ardhshëm të strategjisë ushtarake. Situata e krijuar në Ukrainë e ka detyruar BE-në të hartojë një dokument të ri. Drafti, të cilit i referohet EURACTIV, duhet të miratohet nga udhëheqësit e BE-së në mars, nën presidencën franceze të Këshillit të BE-së.

Pasi sovrani ia shkundi votën partive, burime diplomatike bëjnë me dije se do të kemi keto zhvillime: 

1. Ambasada amerikane shpall zgjedhje të reja në PD. 

2. Kandidon për kryetare, Yuri Kim.

3. Departamenti Amerik(O)n i Shtetit heq Vorën nga lista e fshatrave proamerikanë.

4. PD-ja ftohet të anëtarësohet në NATO. 

PS: Lulzim Basha filmohet duke parë filxhanin në Fushë Krujë. 

Shaptilografisti

Kryetari i Konferencës së Peshkopëve Katolikë Gjermanë, Peshkopi Georg Bätzing, i ka kërkon Kishës Katolike të ndryshojë predikimet mbi moralin seksual, duke këmbëngulur se seksi mes njerëzve të së njëjtës gjini nuk e dëmton marrëdhënien e një individi me Zotin.

“Marrëdhëniet e të njëjtit seks nuk kanë asnjë problem”, i tha Peshkopi Bätzing revistës gjermane “Bunte” në numrin e saj të 4 marsit, "për sa kohë që ato kryhen me besnikëri dhe përgjegjësi".

Qyteti Lviv në Ukrainë u “zhvesh” nga veprat e artit nga frika e shkatërrimit që mund të sjellë lufta.

Statuja e Krishtit Shpëtimtar u hoq nga katedralja armene - së bashku me vepra të tjera arti nga qyteti - dhe u dërgua në një bunker të sigurt.

Vendimi u mor nga autoritetet komunale, në bashkëpunim me ato të kulturës, për të mbrojtur trashëgiminë arkitekturore dhe artistike të qytetit në rast të një sulmi nga rusët.

Statujat e sheshit të tregut, në zemër të qytetit, u ‘ambalazhuan’ më pas për t’i shpëtuar nga çdo vale të mundshme goditëse.

Ndërkohë që lufta në Ukrainë ka kthyer në vëmendje statusin e vendeve të Europës Qendrore, ose më mirë kërkesën e Rusisë për neutralitetin ushtarak të tyre, ish-kryeministri i Finlandës, Alecander Stubb deklaron në një intervistë për gazetën greke, “Kathimerini” se i vetmi vend që thotë se Finlanda është neutral, është Rusia.

Si një partner aktiv i Aleancës, Finlanda ka në themel gjithçka si detyrim, përveç nenit 5

Kryeministri i Britanisë së Madhe, Boris Johnson, ka deklaruar se perspektiva e një anëtarësimi të Ukrainës në NATO nuk është e afërt.

Ne nuk kemi armiqësi me popullin rus dhe nuk kemi dëshirë të vëmë në diskutim të një komb të madh dhe një fuqi botërore. Ukraina nuk ka një perspektivë serioze të afërt anëtarësimi në NATO

ka shkruar Johnson në një opinion të publikuar në Neës York Times.

Presidenti ukrainas, Volodymyr Zelenskiy ka paralajmëruar se trupat ruse po përgatiten të bombardojnë Odesën, porti më i madh i Ukrainës.

Ata po përgatiten të bombardojnë Odesën. Rusët kanë ardhur përherë në Odesa, kanë ndjerë vetëm ngrohtësi këtu, vetëm sinqeritet. Dhe tani çfarë? Bomba kundër Odesës? Artileri? Raketa? Do të jetë një krim lufte, një krim historik

ka thënë ai në një videokonferencë.

Analistë të ndryshëm po vlerësojnë se trupat ruse do të ndërmarrin sulme ushtarake ndaj Kievit, Kharkivit, Mykolayv dhe ndoshta Odesës në 24-48 orët e ardhshme. Instituti për Studimin e Luftës nënvizon se në datën 5 mars, trupat ruse mund të kenë bërë një pauzë, ndërkohë që drejt qyteteve kryesore nuk ka patur asnjë ofensivë të madhe.

Sanksionet e vëna Rusisë me rastin e nisjes së agresionit ndaj Ukrainës, duket se kanë efekt të dyfishtë. Ato kanë nxjerrë nga tregu një aktor shumë të madh sa për t’u injoruar nga logjika e biznesit.

Ndonëse, në pamje të parë, solidariteti ngjan të jetë uniform, shenjat e para të lëkundjes po shfaqen. Kompania e njohur “Shell” njoftohet se ka blerë një ngarkesë nafte krudo nga Rusia, vetëm pak ditë  pasi bëri me dije se do të kufizonte marrëdhëniet e biznesit me këtë vend.

Kryeministri izraelit Naftali Benett ka zhvilluar një vizitë në Moskë, ku sipas raportimeve zyrtare thuhet se ka zhvilluar një takime tri orësh me presidentin rus, Vladimir Putin.

Sipas deklarimeve izraelite në takim është folur për situatën në Ukrainë si dhe për situatën e krijuar nga luftimet për komunitetin hebraik.

Nuk është shumë e qartë se çfarë konteksti praktik ka kjo vizitë, por mediat në Izrael vënë në dukje se në këtë vend ka shumë njerëz që vijnë nga Rusia si imigrantë, çka afirmon një lloj afërsie mes të dyja vendeve.