Huawei çeli dje Samitin Global të Analistëve, ku prezantoi qasjen ndaj novacionit dhe ndërtimit të një bote inteligjente e të gjelbër. Samiti mblodhi analistë të industrisë, analistë financiarë, drejtues kryesorë të opinionit dhe përfaqësues të mediave nga e gjithë bota për të mësuar më shumë rreth tendencave të industrisë së ardhshme dhe strategjisë së zhvillimit të Huawei. Ky event do të mbahet për të 19-in vit radhazi nga data 26 deri në datën 27 prill duke përfshirë një gamë të gjerë seancash për aspekte të ndryshme të biznesit të Huawei. 

Nja dy ditë më parë, analisti Lorenc Vangjeli, paralajmëroi se ka të dhëna se për Berishën apo Bashën ka ardhur një dosje në SPAK. Zoti Vangjeli duhet thënë që ka përherë indicie, njësoj si gazetarë të caktuar të kronikës që kanë indicie për vrasje që do ndodhin dhe nuk ndodhin, për mëngjarashë dhe djathtoshë në qarkullim, përherë e më shumë të entuziazmuar nga mënyra sesi zgjidhin çdo enigmë në këtë vend.

Në SPAK paska ardhur bazmataja. Ne mund të pyesim pa të keq, po pse erdhi tani kjo dosje, kur vetë Berisha ka muaj që e kërkon? 

Shtetet e Bashkuara të Amerikës kanë organizuar dhe drejtuar sot një konferencë me 40 vende të ndryshme me synim armatosjen e Ukrainës. Konferenca është zhvilluar në bazën ajrore amerikane të Ramstein në Gjermani, një sinjal ky që tregon ndryshime të mëdha në mjedisin e sigurisë në kontinent. Sekretari amerikan i Mbrojtjes, Lloyd Austin ka deklaruar se synimi është që të ndihmohet Ukraina të fitojë kundër një invazioni të padrejtë të Rusisë. Por edhe për të mundësuar që Ukraina të ndërtojë një mbrojtje efektive për të nesërmen.

Sekretari britanik i Mbrojtjes, Ben Wallace, ka deklaruar se Rusia ka humbur në fushatën ushtarake në Ukrainë, 15 000 trupa në vetëm 9 javë.

Vlerësimi ynë është se rreth 15 000 trupa ruse janë vrarë gjatë ofensivës së tyre

citohet Wallace.

Elon Musk ka marrë në kontroll Twitter. Pas lajmeve të para se Këshilli Administrativ kishte refuzuar ofertën e sipërmarrësit amerikan, mediat raportojnë se tashmë çdo gjë ka ndryshuar. Rrjeti social ka njoftuar se ka pranuar ofertën e miliarderit. 
44 miliardë dollarë është oferta e Musk i cili ne fundjavë u ka detajuar planin e vet aksionerëve të tjerë. Çmimi i një aksioni ishte 54.20 dollarë, ndërkohë që në bursë aksionet u rritën me 6%. 

Bashkimi Europian dhe India kanë përuruar bashkëpunimin në fushën e teknologjisë, përmes një marrëveshjeje që rregullon edhe krijimin e një Këshilli të Tregtisë dhe Teknologjisë. Në deklaratën e përbashkët pas takimit të presidents së KE-së, Ursula von der Leyen dhe kryeministrit të Indisë, Narendra Modi, marrëveshja cilësohet si strategjike.

Ky mekanizëm i koordinimit strategjik do tu lejojë partnerëve të gjurmojnë sfidat në nyjen e tregtisë, teknologjisë së sigurtë dhe sigurisë duke thelluar kështu bashkëpunimin në këto fusha

Turqia ka kundështuar planet e SHBA për krijimin e një force ushtarake të Detit të Zi.

I komunikuam Rumanisë dhe Bullgarisë të mos veprojnë me nxitim

është shprehur ministri turk i Mbrojtjes, Hulusi Akar.

Nëse do bënim një javë kulturore për thashethemet, do ishte një javë ku Shqipëria do mbante flamurin e kryesuesit të aftësisë prodhuese. Procesi i zgjedhjes së Presidentit, simulon maksimalisht thashethemet, përfshihen gjithfarë emrash dhe njerëzish, në shumicën e rasteve edhe pa dëshirën e tyre. Përgjigjia ime është negative se nuk ka asnjë të vërtetë

Njerëzit përqafonin njëri-tjetrin dhe këndonin “Macron”. 
Kështu e përshkruan ndër të tjera agjencia “Reuters” rizgjedhjen e Emmanuel Macron si president të Francës. 58.2% të votave në raundin e dytë i kanë siguruar Macronit një mandat të dytë që është celebruar në mënyrë militante në Paris.

Një ekran i madh vendosur në kullën “Eifel”, tubim njerëzish. Të duket se turma ka strehën e vet në çdo qoshe të planetit. Është e çuditshme të shohësh festë për rizgjedhjen e dikujt që është provuar se çfarë di të bëjë e si di ta bëjë.

Presidenti turk, Recep Tayyip Erdogan, ka bërë një lëvizje diplomatike në drejtim të Armenisë, me të cilin Turqia ka një konflikt të vjetër. Ai i ka dërguar një mesazh patriarkut të armenëve të Turqisë, Sahak Mashalyan me rastin e 24 prillit kur kujtohen armenët që humbën jetën gjatë Luftës së Parë Botërore.

Unë përkujtoj otomanët armenë që humbën në luftë. Le të ndërtojmë të ardhmen në vend të madhështisë së vuajtjes