Presidenti i Rusisë, Vladimir Putin, ka njoftuar mobilizimin e pjesshëm në vend që përfshin angazhimin në Ukrainë. Përtej këtij akti, të cilin zyrtarë të Ukrainës e kanë cilësuar si të pritshëm, Putin ka konfirmuar atë që është raportuar më herët nga analistë në Perëndim se arritja e marrëveshjes së armëpushimit u minua nga perëndimi, kryesisht Britania e Madhe.

Presidenti i Iranit, Ebrahim Raisi, ka dhënë së fundmi të parën intervistë për një media të Perëndimit, CBS News. Intervistuesja, Lesley Stahl, ka raportuar në formën e një reportazhi dhe interviste takimin me kreun politik iranian, cilësuar nga Perëndimi si konservator dhe subjekt i sanksioneve të ShBA. 

I pyetur për marrëveshjen bërthamore të hedhur poshtë nga Trump, Raisi tha se ajo ishte një marrëveshje e mirë që u braktis në mënyrë të njëanshme nga amerikanët. 

Europol njofton se më 12 shtator të këtij viti është arrestuar në Malaga të Spanjës një prej pastruesve më të mëdhenj të parave në Europë. Emri i personit nuk bëhet i ditur ndërkohë që ndalimi ka qenë rezultat i një hetimi të Spanish Guardia Civil, British National Crime Agency, Dutch National Police, Irish Garda (An Garda Síochána), në koordinim me European Financial and Economic Crime Centre të Europol.

Mediat greke raportojnë për kapjen në portin e Pireut të një sasie kokaine me vlerë 6 milionë eurosh. Sipas të dhënave, sasia e drogës vinte nga Afrika e Jugut dhe konsiston në 173 kg e 450 gramësh të ndarë në 160 njësi në muret e kontenierëve. Kapja e sasisë së drogës u bë në kuadër të një operacioni të përbashkët mes policisë antidrogë të Greqisë dhe Byrosë Amerikane të Luftës kundër Drogës në ambasadën amerikane në Athinë.

Frrok Çupi, që ndoshta nuk gabojmë të themi se ka marrë çmim në qeverisjen e Berishës, ka vendosur të flasë më vete. Në një shkrim të sotmin të tij, që ja boton gazeta “Tema” online, Çupi thotë se në Vlorë më 1997-n Sali Berisha dërgoi mercenarë iranianë. Këtë gjë se ka thënë kush deri më tani, ndaj kemi përfundimin se Çupi flet me vete deri sa ky version të provohet. Konkretish zotëria thotë se:

Ky bën kështu sepse nuk ka Opozitë.

Ja një tezë që ka gjetur vend dhe me të cilën shumëkush shpjegon spiralen e korrupsionit të qeverisë aktuale. Është një lloj alibie që duket se kënaq si shpresë e fundit pathyeshmërinë politike të Edi Ramës, e cila është në fakt fitore në fushën bosh. 

Brekët e të ashtuquajturit shtet shqiptar kanë dalë sheshit. Dhe poshtë tyre nuk ka asnjë befasi. E njëjta e pëgërë që shihet jashtë. Megjithatë Porkuroria ka vendosur sot që të ndalojë publikimin e të dhënave të marra nga hakerat dhe të penalizojë sipas Kodit Penal këdo që publikon këto të dhëna.

Dakord kjo, por njoftimi mbyllet me kërkesën për mirëkuptim dhe paralajmërimin se:

cenohet rëndë rendi publik dhe siguria kombëtare

Ndër materialet që dalin në sipërfaqe nga publikimi i korrespondencës së ish-drejtorit të Policisë, Gledis Nano, është edhe një material për ndjekjen e Frederik Ymerit, ish-zyrtar i Shërbimit Informatik Shtetëror, që pak muaj më parë u përfol në media të ndryshme si person i përfshirë në aktivitet spiunazhi. Nga materiali shihet se Ymeri me dy subjekte të tjera ka qenë në përgjim telefonik, prej nga ku dalin biseda me karakter informativ por që nuk implikojnë asgjë për ndonjë përfshirje në aktivitet spiunazhi siç u servir në media.

Media greke “Kathimerini” raporton se marina ushtarake amerikane ka shprehur interes për portin e Alexandropouli, që ndodhet në verilindje të vendit

Sipas gazetës, zyrtarë të lartë të ushtrisë amerikane kanë propozuar zgjerimin dhe thellimin e portit me perspektivën e akomodimit në të të destrojerëve të klasit "Arleigh Burke". Anije të këtij klasi janë të pajisura me raketa të drejtuara dhe kanë kapacitete të zgjeruara për luftë elektronike.

Ish-presidenti amerikan, Bill Clinton, ka hedhur poshtë mendimin e qarkulluar së fundmi se një ndër shkaqet e luftës aktuale në Ukrainë është zgjerimi i NATO-s gjatë kohës kur ai ishte në pushtet. 

Mendoj se bëmë gjënë e duhur në kohën e duhur. Dhe nëse nuk do ta bënim, kjo krizë mund të kishte ndodhur më herët

tha Clinton në një intervistë për Fareed Zakaria.