Një ndër drejtuesit e Partisë Socialiste, Taulant Balla, ka deklaruar sot se drafti për ligjin kundër shpifjes është tërhequr.

E para, dua tju them se ndryshimet në ligjin për median, që kanë të bëjnë me shpifjen janë tërhequr nga propozuesi. Dua tju rikonfirmoj se ne e kemi tërhequr ato ndryshime ligjore që janë bërë para tre vitesh.

Presidenti i Afrikës së Jugut, Cyril Ramaphosa ka deklaruar se Arabia Sauidte, një vend kryesor për furnizimin me naftë në botë, ka shprehur interes për t’iu bashkuar organizatës BRICS, e cila përfshin Brazilin, Rusinë, Indinë, Kinën, Afrikën e Jugut. Deklaratat u bënë pas vizitës së Ramaphosas në Riad dhe takimit të tij me princin e Kurorës, Mohammad bin Salman Al Saud.

Një numër vendesh po i qasen organizatës dhe ne u kemi dhënë atyre të njëjtën përgjigje që do të diskutohet me partnerët në BRICS dhe më pas do të merret një vendim

Presidenti ukrainas, Volodymyr Zelenskiy, ka deklaruar se vetëm javën e kaluar, Rusia ka shkatërruar 30% të impianteve të energjisë. Në dritën e këtij sulmi mbi infrastrukturën kritike të vendit, Zelenskiy ka bërë të qartë se:

Nuk ka mbetur hapësirë për negociim me regjimin e Putinit

ExxonMobil ka njoftuar daljen nga tregu rus i energjisë pas dekreteve të Presidenti Vladimir Putin që urdhëronte shpronësimin e aseteve të kompanisë.

Negociatat me qeverinë ruse përfshinin shitjen e 4 miliardë dollarëve asete bashkë me investimin kryesore në Rusi, 30% të aksioneve të fushanë naftëmbajtëse Sakhalin – 1.

Zëdhënësit e kompanisë nuk kanë sqaruar nëse kanë marrë kompensim për daljen nga tregu ndërkohë që asetet e tyre I janë kaluar Rosneft.

Rusia ka paralajmëruar Izraelin se synimi i tij për të furnizuar me armë Ukrainën do të shkatërrojë marrëdhëniet dypalëshe. Zv. Kryetari i Këshillit rus të Sigurisë Kombëtare, Dmitry Medvedev ka vlerësuar se ky vendim do të dëmtojë të gjitha marrëdhëniet ndërshtetërore.

Komenti pason një deklaratë të Ministrit izraelit të Çështjeve të Diasporës, Nachman Shai sipas të cilit Izraeli duhet të ndjekë shembullin e SHBA dhe aleatëve të NATO-s në luftën në Ukrainë.

Ministri i Jashtëm i Turqisë Mevlut Cavushoglu ka deklaruar gjatë një fjale të mbajtur në Takimin e Jashtëzakonshëm të Organizatës së Shteteve Turke se stabiliteti global është nën kërcënim.

Sot ne do të konsiderojmë këto zhvillime dhe vlerësojmë hapat që do të hedhim së bashku

ka thënë ai.

Gjykata e distriktit Basmanny në Moskë ka arrestruar tre persona të dyshuar për sulmin në urën e Krimesë.

Alexander Bylin, Oleg Antipov dhe Dmitry Tyazhelykh, janë personat e ndaluar si pjesë e një hetimi të nisur nga autoritetet ruse.

Goditja e urës së Krimesë ndodhi në mëngjesin e 8 tetorit, teksa një kamion shpërtheu duke shkaktuar katër të vrarë dhe disa të plagosur. Një komitet hetimor i ngritur rreth kësaj çështjeje, ka deklaruar se në atentat janë përfshirë 12 persona.

Stavros Tzimas i gazetës greke “Kathimerini” ka publikuar sot një opinion mbi atë që e quan “vallëzimi i çuditshëm i Edi Ramës me Erdoganin”. Shkak është fjalimi i kryeministrit të Shqipërisë në KiE gjatë të cilit ka rënë në sy mbrojtja që z. Rama i ka bërë presidentit turk. Asgjë nuk e ka pishur humorin e të pranishmëve lidhur me raportin e Dick Martyt, sipas Tzimas ka qenë avokatia e Edi Ramës për Erdogan që ka çuar në refuzimin e darkës së punës të thirrur prej tij.

Në qytetin veriperëndimor turk të Bursës është ndërtuar një varr përballë një shtëpie, akt ky që ka provokuar reagime.

Varri raportohet se i përket një vajze që ishte e dashuruar me burrin që jeton në atë shtëpi, një fabul kjo që ka shtuar kuriozitetin e njerëzve.

Çështja erdhi në vëmendje pas një person ngarkoi videon e varrit në mediat sociale, video e cila është parë me miliona herë. Mbi këtë legjendë dashurie ka shumë reagime.

Sali Berisha i gënjeu prapë. Gënjeu demokratët e të gjitha llojeve, gjinive, sekseve, krahinave, pasi ide vështirë të gjesh aty. I gënjeu sepse nuk bëri protesta siç tha. Kështu ankohen nëpër media. Zhgarravisin lloj-lloj ankesash.

E vërtetë. Besohet. Pyetja është: sa herë do gënjehen këta intelektualë dhe njerëz të zgjedhur për të kuptuar që nuk janë për këtë punë? Një herë, dy herë, 10 herë, gjithë jetën? Duhet ta sqarojnë njëherë e mirë që ta dijë edhe njerëzia që te PD ka një Sali dhe një kope tuhafësh të cilëve ai u ka gjetur festen.