Presidenti i Rusisë, Vladimir Putin, ka deklaruar gjatë një fjalimi në Valdai Club, se koha e dominimit perëndimor global po i kalon historisë. Ai ka cilësuar se pretendimi perëndimor për të kontrolluar të gjitha burimet e globit, jo vetëm nuk është realist për nga raporti i forcave, por kërcënon stabilitetin e shoqërisë njerëzore si të tillë.

Deri më dje lexonim se Meta dhe Berisha kanë një konflikt mes tyre, se Berisha e injoroi, madje sabotoi protestën e kreut të PL-së në Sharrë. Madje madje, Meta po izolonte Berishën ca kohë. 

Sot, teza ka ndryshuar, sot opozita u bashkua por na u përça Partia Demokratike. Sipas analistëve të PS-së Sali Berisha braktisi Enkelejd Alibeajn dhe Agron Gjekmarkajn për Petrit Vasilin. Këtë të fundit e dimë si hyri në politikë, edhe në Parlament. Gjekmarkajn jo, edhe pse ky i fundit ka ndërruar qëndrime sa herë. Pra Berisha mori në qafë PD-në sapo u bashkua me Metën. 

Grupimi i vendeve të industrializuara G7 ka ofruar miliarda dollarë ndaj Vietnamit, Indonezisë dhe Indisë për të zëvendësuar përdorimin e qymyrit, por ka hasur në rezistencë. 

“La Civiltà Cattolica” publikonte disa kohë më parë një ekspoze të Enrico Cattaneo për leksionet e Papa Gregorit të Madh për Komunikimin. Shkruar shekuj më parë, në kushtet e një komunikimi direkt, pa ndërmjetësinë e teknologjisë, leksionet veprojnë edhe sot si një udhëzues i përkryer për të ndarë nevojën e edukimit të audiencës përtej nevojës për të krijuar tubime.

Ambaadori amerikan në Turqi, Jeff Flake, ka postuar një fotografi duke vrapuar mbi çatitë e Pazarit të Madh në Stamboll, një skenë që imiton atë nga James Bond, "Skyfall". 

Kryeministri armen, Nikol Pashinyan, ka deklaruar në Parlamentin e vendit të tij se ai shpreson që traktati i paqes me Azerbajxhanin për Nagorno-Karabakun të nënshkruhet para fundit të këtij viti.

Sinqerisht, dua që traktati të firmoset përpara fundit të këtij viti. Sa realiste është kjo? Do t’i përgjigjem kësaj pyetjeje në këtë mënyrë: qeveria dhe unë do të bëjmë gjithçka për ta bërë realitet

citohet ai. 

Takimi i sotshëm mes Ilir Metës dhe Sali Berishës me vendimin për të bashkuar përfaqësimin elektoral rrëzon të gjitha hamendësimet e deritanishme për marrëdhënien në kampin opozitar.

Jo se relacionet janë ideale dhe as duhet të jenë, por vendimi i sotshëm konfirmon mbizotërimin e racionales në dyshen PD-LSI.

Aq më shumë merr vlerë kjo aleancë kur mban parasysh përpjekjen për diversion që u bë me ligjin për dosjet, apo faktorizimin artificial në këtë kuadër të njerëzve pa identitet politik, tubuar tek i ashtuquajturi “Grupi Alibeaj”.

Rusia ka propozuar një draft rezolutë në Këshillin e Sigurimit të Organizatës së Kombeve të Bashkuara, përmes së cilës kërkon ngritjen e një komisioni hetimor për aktvitetet bioushtarake të SHBA në Ukrainë.

Sipas agjencisë “Tass”, drafti pritet të shqyrtohet në seancën e 27 tetorit dhe ajo kërkon që komisioni të përbëhet nga të gjithë anëtarët e Këshillit të Sigurimit për të verifikuar shkelje që sipas saj bien ndesh me Konventën për Armët Biologjike në kontekstin e aktiviteteve të laboratorëve biologjikë në Ukrainë.

Mediat hollandeze raportojnë për identifikimin e të paktën dy stacioneve ilegale  policore të Kinës në territorin e Hollandës. Sipas mediave në fjalë, stacionet janë aty të paktën që nga viti 2018 dhe ato merren me presionin ndaj disidentëve kinezë. Raportimi është bërë nga një viktimë, Wang Jingyu, sipas të cilit ai u largua nga Kina drejt Hollandës pas kritikave ndaj regjimit në mediat sociale.

Në një intervistë për Zërin e Amerikës, zv.ndihmës Sekretari i Shtetit për Euroazinë, Gabriel Escobar, ka shpjeguar se pse ish-kryeministri Sali Berisha u shpall non grata. 

Vendimi për ta përcaktuar atë ishte një vendim institucional. Nuk ishte një vendim individual dhe nuk ishte një vendim politik. Ishte një vendim që ne e morëm për shkak të korrupsionit që gjetëm. Unë do t’u bëja thirrje institucioneve në Shqipëri ta shqyrtojnë këtë.