Beogradi ka menduar ta trajtojë situatën e krijuar në Kosovë në një frymë tradicionale që e sheh unitetin në sintoni me simbolet fetare. Presidenti i Serbisë, Aleksandër Vuçic, ka zhvilluar një takim me Patrirakun e Kishës Serbe, Porfirije, të cilit iu ndalua hyrja në Kosovë me rastin e Krishtlindjeve. Vuçiç ka sqaruar se "i ka prezantuar patriarkut situatën nga disa kënde”, diçka që nuk ka shumë lidhje me një klerik, cilidoqoftë rangu i tij.

Autoritetet ruse kanë nisur së fundmi procesin e rindërtimit të objekteve publike dhe private në Mariupol, qyteti port i Ukrainës që u bë i njohur për intensitetin e luftimeve. Me 300 civilë të vdekur në mes të luftimeve, qyteti ishte një ndër skenat kryesore të përballjes së nisur pas 24 shkurtit 2022 dhe konsiderohet një ndër simbolet e rezistencës.

Pamjet flasin për nivelin e shkatërrimit dhe ilustrojnë realitetin tragjik të shndërrimit të një operacioni ushtarak në luftë konvencionale në shkallë të gjerë, por edhe faktin se mbi territoret e marra Rusia nuk negocion më asgjë. 

Shqipëri-Kosovë”, “Jetën e japim, Mitrovicën nuk e japim. Kosovë-Shqipëri, ne jemi një!

Këto janë disa thirrje nga protesta e sotme para ambasadës serbe në Tiranë. Protesta e iniciuar nga shoqëria civile risjell të njëjtin rituar të një solidariteti artificial që bëhet i tillë nga ultimatumet që hidhen të parat në qarkullim.

Qytetarët i kanë bërë thirrje Bashkimit Evropian dhe Shteteve të Bashkuara të Amerikës që të trajtojnë me përgjegjësi këtë çështje

Këto ditë në rrjetet sociale janë parë qeveritarë të kombësisë shqiptare të festojnë të lumtur – në dukje – një festë hebreje: Hanukah. 

Rëndësi shtetërore i ka kushtuar Kosova, por edhe mund të kuptohet kjo për shkak të njohjes që Izraeli i dha shtetit në kuadër të marrëveshjes së Uashingtonit. 

Në një opinion të shkruar për “Politico”, Andrew A. Michta i Qendrës Europiane Marshall, e cilëson luftën atuale në Ukrainë, si një luftë për të ardhmen e Europës. Sipas tij kjo përballje do të sjellë rikonfigurimin gjeostrategjik të kontinentit dhe të arkitekturës së tij të sigurisë. Michta thotë se keqllogaritjet e presidentit rus mund të sjellin ndryshime pozitive epokale, duke i dhënë fund një ndarjeje të definuar edhe në antropologjinë politike të Europës, mes Lindjes dhe Perëndimit.

Mediat në Serbi raportojnë se vendet e QUINT-it, i kanë dërguar një ultimatum presidentit serb, Aleksandër Vuçiç për heqjen e barrikadave në veri të Kosovës brenda 24 orëve. Sipas mediave në fjalë ultimatumi i ka bërë të qartë Vuçiç se nëse nuk heq barrikadat, qeverisë në Prishtinë do t’i jepet karta bianca të ndëryjë për të zgjidhur me forcë situatën.

Busti i Mit’hat Frashërit, dëmtuar pak ditë më parë, është rikthyer i restauruar. Lajmin rrufe e bën me dije Zdromsi i kryeqytetit, që përmes një postimi shkruan se: 

Rehabilitohet busti i Mithat Frasherit ne Parkun e Liqenit. Zero tolerance per vandalizimin ne qytetin tone!

Nje pakice e dhunshme dhe ndotese tek Skenderbeu, Ismail Qemali, Monumenti i Pavaresise apo Mithat Frasheri nuk do t'i imponohet kurre shumices qytetare dhe europiane!

Synimi i Perëndimit është të ndajë Rusinë. Rusinë Historike.

Kështu citohet të jetë shprehur në një intervistë të fundit presidenti rus, Vladimir Putin që ka përdorur termin “Rusi Historike” për të nënkuptuar edhe veprimin ushtarak të nisur më 24 shkurt me invazionin ndaj Ukrainës.

National Geographic shkruan për Voskopojën, kishat dhe afresket e saj. 
Dhe ndër të tjera raporton përmes ministres së Kulturës Elva Margariti se qeveria e ka një plan edhe për Rilindjen e Voskopojës. Që në termat e përvojës sonë me të ashtuquajturën Rilindje Urbane, do të thotë se Voskopoja do dhitet. 
NG shkruan se Ministria ka njoftuar një plqn ambicioz për restaurimin dhe zhvillimin e qytetit, plan të cilin e kërkon ta realizojë me para të marra borxh. 

Agjencia “Reuters” shkruan se lufta e re Lindje-Perëndim do të përqendrohet te metalet dhe do të largohet nga rivaliteti për hidrokarburet. Kjo sipas agjencisë lidhet me tregtinë dhe fluksin tregtar që pritet, ndërkohë që lufta në Ukrainë i dha një mësim Europës se edhe me uljen e çmimeve të gazit, duhen marrë masa që varësia nga Kina të reduktohet.