Në një dialog të famshëm në romanin “Dhe lind dielli”, Ernest Heminguej shkruante: "Si falimentove?", pyeti Billi. "Në dy mënyra," tha Majk. "Gradualisht, pastaj krejt papritur." "Gradualisht" dhe "krejt papritur” gjen zbatim edhe për «shpërthimin» e arsimit të lartë. 

 Gjatë një diskutimi para disa ditësh rreth librit mbi Skënderbeun të Aurel Plasarit, aktivitet ku merrte pjesë edhe kryeministri Edi Rama, autori i veprës ndër të tjera sqaroi edhe sesi gadishullit tonë i mbeti emri aktual. Pra Ballkan. 

Z. Plasari e lidh këtë emërtim me një gjeograf gjerman, i cili u nis nga kriteri gjeografik – vargmalet – për ta quajtur Ballkan, sipas emrit turqisht për Mal. Për Plasarin kjo proçkë e inskenuar mbi një studim në vitin 1811 i paska bërë një dëm të madh kulturor dhe politik rajonit tonë. 

Sot pasdite u njoftua se nesër kryetari i Grupit Parlamentar të PS-së, Taulant Balla, do të ketë një konferencë për shtyp. Pa spekulluar, është e arsyeshme të hamendësosh se konferenca do të ketë si temë audiopërgjimet e përfolura në media sot për 21 janarin. 

Do kërkohet hetim nga SPAK, po do paralajmërohet heqja e imunitetit për aq vlerë sa ka e kështu me radhë, të gjitha yçklat e socialistëve të këtij vendi që po buxhetojnë të ardhmen e vet me Berishën si gogol. 

Një fakt i ri që bërtet për Drejtësi

Me këtë status shpërndante sot në Facebook kryeministri Edi Rama, një deklaratë të Elisa Spiropalit që recitoi akuzën për 21 janarin nisur nga raportimi se ka një audio ku presupozohet se jepet urdhër për të qëlluar.  Qeverisë i duhej diçka, dhe ajo I doli, sidomos tani që plehrat e saj kanë dalë sheshit se na kanë kushtuar më shumë se të gjitha të marra bashkë.

Zëdhënësi i Këshillit të Sigurisë së Shtëpisë së Bardhë, John Kirby ka deklaruar se Departamenti i Thesarit do të deklarojë së shpejti grupimin “Wagner” që Lufton në formën e njësive sepciale në Ukrainë, si organizatë të rëndësishem të krimit transnacional.

Ky përcaktim sipas Kirbyt do të lejojë administratën amerikane të vendosë sanksione më të rënda dhe të shtrëngojë aftësinë e grupit për biznes në botë.

Presidenti i Serbisë Alekandër Vuçiç ka deklaruar pas takimit me përfaqësusit e Perëndimit se ka patur një diskutim shumë të vështirë. E vetmja gjë që ai ka zbuluar ka qenë fakti se të gjitha palët kanë rënë dakord se konfliktet e ngrira nuk mund të quhen zgjidhje.

Kur ke një konflikt të ngrirë është çështje kohe që individë të papërgjegjshëm do të rrezikojnë paqen dhe stabilitetin në Ballkan

është shprehur ai.

Kandidati i opozitës për zgjedhjet vendore në Tiranë, Belind Këlliçi, ka nisur sot takimet me bazën. Me njerëzit. Në një status të vetin në Facebook, Këlliçi shprehet ndër të tjera se: 

Ju them me zemrën plot se nisa turin e parë të dëgjesave me bashkëqytetarët. Për fillim tek Njësia 7 dhe në vijim në çdo njësi administrative.

Do të flisni ju për Tiranën, për realitetin ku jetoni, për shqetësimet që keni dhe për kritikat që nuk ju jepet hapësira publike t'i shprehni

Mediat serbe raportojnë se pesë përfaqësuesit e Perëndimit që po shkojnë sot në Beograd pas takimeve në Prishtinë do të dorëzojnë një ultimatum.

Gjithnjë sipas tyre kërkesa e përfaqësuesve të BE-së, SHBA, Italisë, Francës dhe Gjermanisë do të jetë që ose Serbia të pranojë planin franko-gjerman, ose të përballet me pasojat mes të cilave përmenden edhe sanksionet.

Ka ndërruar jetë në moshën 80 vjeçare mjeku i njohur endokrinolog, Isuf Kalo. Një specialist i njohur për sëmundjet endokrine dhe trajtimin e diabetit, Kalo hyri në skenën publike si mjeku i Enver Hoxhës dhe një njeri i afërt apo me njohje me familjen e tij.

Në lëmin profesional ai kë lënë gjurmët e veta: diplomuar në Tiranë më 1964, më pas drejtues katedrës dhe repartit të endokrinologjisë dhe sëmundjeve metabolike në Fakultetin e Mjekësisë dhe në Spitalin Universitar të Tiranës.

Parlamenti Europian ka miratuar një rezolutë që parashikon krijimin e gjykate për Ukrainën. Dokumenti përcakton se synimi i gjykatës do të jetë «krimi i agresionit ndaj Ukrainës”. Pro saj votuan 472 eurodeputetë, kundër 19 dhe 33 abstenime.