Në kuadër të Planit të ri të Menaxhimit të Butrintit, që parashikon edhe zhvillim turizmi, bëhet e ditur se në Kalanë e Vivarit, në derdhje të kanalit me të njëjtin emër, parashikohet të ndërtohet një pikë ulje-ngritje hidroplanësh.

Sipas të dhënave për redaksinë e “Të Kripura” në funksion të kësaj pike të re që parashikohet të sjellë në vend një kategori tjetër turistësh, do të ndërtohet një njësi karburanti, në afërsi më kalanë në fjalë që është disa qindra metra nga Parku Arkeologjik.

Komisioni Europian ka njoftuar se do të zhvillojë në muajin mars një konferencë donatorësh për pasojat e tërmetit në Turqi. Njoftimi është dhënë nga kryetarja e KE-së, Ursula von der Leyen dhe kryeministri suedez, Ulf Kristersson, pasi Suedia mban presidencën e radhës së BE-së. Von der Leyen ka bërë të ditur se deri më tani, në kuadër të Mekanizmit të Mbrojtjes Civile të BE-së janë dërguar në Turqi 31 ekipe kërkimi dhe pesë ekipe mjekësore nga 23 vende.

Gazeta “Tema” përcjell sot një lajm disi ndryshe. Në Vlorë është protestuar pro qeverisë dhe kundër shoqatave ambientaliste që kundërshtojnë ndërtimin e aeroportit. Argumenti i dikujt që citohet pa emër, por që referohet si pjesë Unionit Turistik të Vlorës është karakterial:

Në radhët e protestuesve nuk ka asnjë protestues vlonjat, duke lënë qartazi të kuptohet se protestat ‘kryeqytetase’ nxiten nga qarqe të tjera ekonomike.

Ambasadori britanik  Alastair King Smith ka deklaruar nga Elbasani se do të ketë sanksione të reja për ata që minojnë demokracinë dhe bëjnë korrupsion. Të paktën kështu e raporton gazeta “Tema” diplomatin në fjalë që duhet thënë se po shkon pak skiç me formatin e deritanishëm të diplomatit britanik në vendin tonë.

“Politico” shkruan për atë që e quan një plan i sauditëve për të blerë Kupën e Botës në futboll. Pra të drejtën e organizimit të saj në vitin 2030. Sauditët raportohet se i ofruan Greqisë dhe Egjiptit ndërtimin e stadiumeve të reja në këmbim të votës pro për organzimin e kampionatit botëror në vitin 2030.

Agron Neza caktohet në krye të Byrosë Kombëtare të Hetimit. Lajmi bëhet i ditur për redaksinë e “Të Kripura” nga burime diplomatike në Tiranë.

Neza, një njohës i shërbimeve sekrete, biznesmen, njeri me kontakte në mjedise të ndryshme, së fundmi burim i deklaruar i FBI-së është parë si kandidatura më e përshtatshme për drejtimin e BKH-së që është krijuar në partneritet me SHBA.

Neza u fol se ka mbërritur në Tiranë disa ditë më parë. Ai del si person kyç në denoncimin e shkeljeve të Charles McGonigal dhe konsiderohet si njeri kyç në kontaktin mes të dyja vendeve.

Sa plasi skandali McGonigal, Berisha u çel. Sepse i erdhi zogu në dorë, ia sollën vetë. Budallallëqet e liderit.

Tani që të kuptojmë shkallën e degradimit ku jemi: Kryeministri fshihet, fshihet duke qeshur kot, pa lidhje siç ishte qeverisja e tij.

Në skenë dalin të gjithë me radhë: Frroku, Ngjela, Fatos Klosi, rihapet Gërdeci, përmendet Shkëlzeni, sjellin Stelën nga Austria, more po dalin të gjithë me një palë llastiqe e gjuajnë.

Si dikur në mbledhje Fronti apo kur prokurori jepte pretencën, me vdekje: Duatrokitje.

Skandali i korrupsionit që përfshiu përfaqësues të Parlamentit Europian, po kanalizohet në funksion të intresit politik, duke dëmtuar kështu klimën për drejtësi. Sekretari i Partive Popullore Europian, grupim që mbledh parti të qendrës dhe të djathta, Thanasis Bakolas, është shprehur në një intervistë për "Politico" se :

Ky është një problem i socialistëve