Tranguj, mollë, lëkura portokalli, lakër, kore buke, rrepka, patëllxhan, janë vetëm disa nga përbërësit e përdorur nga arkitektja e tryezës së shijshme Ioana Vanc në një lugë. Çdo krijim mund t’i marrë deri në tetë orë punë.

Në Shqipëri ka rreth 400 mijë të punësuar në punë të zezë. Krahasimi i të dhënave të Anketës së Forcave të Punës së INSTAT për numrin e të punësuarve në tremujorin e dytë të vitit 2015 nxjerr në pah faktin se një pjesë e mirë e të punësuarve nuk kontribuojnë në skemën e sigurimeve. Numri i të punësuarve të moshës 15-64 vjeç aktualisht është 1.048.908 persona, kurse kontribuues në skemën e detyrueshme të sigurimeve shoqërore janë 654 563 vetë. Ky numër ulet nëse heqim personat me ndihmën ekonomike dhe kategori të tjera që kontributet ua paguan shteti.

“Mosrealizimi i të ardhurave nga administrata fiskale për periudhën 8 mujore është rezultat i politikave të gabuara të qeverisë, si dhe rritjes së evazionit dhe kontrabandës”. Ky është dhe thelbi i asaj që shprehën Suzana Guxholli dhe Dorian Teliti. Gjatë prononcimeve për “Tv Scan”, dy ekspertet thanë se rritja e taksave dhe represioni ndaj biznesit, ishin dhe modeli ekonomik që po çon në negativë të gjithë treguesit ekonomikë të vendit dhe jo vetëm ata fiskalë.

Përballë akuzave se ka përfshirë në grupin e deputetëve njerëz që vijnë nga bota e krimit, të konfirmuara nga ngjarja e rëndë ku një deputet socialist u përfshi në një përleshje me armë në prani të policisë në Laç, kryeministri Edi Rama u mbrojt me zakonin e sulmeve ndaj kundërshtarit. Në një deklaratë të lexuar nga deputetja Olta Xhaçka u tha se “…ka marrë fund koha kur djali i kryeministrit qëllonte me armë dhe nuk prekej, ka marrë fund kultura e pandëshkueshmërisë që ndërtoi Berisha…”

Rama është denoncuar sërish nga Partia Demokratike që nëpërmjet zëdhënëses së saj Orjela Nebijaj thotë se Kryeministri do të shpërblejë me 5 milionë dollarë një mik e klient të vjetër të tij. “Pas pak orësh, sipas porosisë së Edi Ramës, OSHEE do hapë zarfet për të shpërblyer me 5 milionë dollarë një mik e klient të vjetër të kryeministrit me të cilin ai ka marrie e dhënie që në kohën kur drejtonte Bashkinë e Tiranës”.

Ka mundësi që Hungaria të përfundojë ndërtimin e murit kufitar me Serbinë në ditët e para të tetorit, i cili do të jetë i gjatë 175 km. Kjo është deklaruar nga Zv/Kryeministri hungarez Janosh Lazar, sipas të cilit ka pengesë, pasi është kritikuar fuqishëm nga Franca dhe Gjermania. Sipas Lazar, "kufiri do të jetë i mjaftueshëm për të mbrojtur vendin, veçanërisht në qoftë se policia do të patrullojnë në anën tjetër".

I nxehti ka krijuar një vrimë në akullnajën Alpine. Për shkak të temperaturave të larta të verës, një vrimë e madhe u shfaq në akullnajën Ferpecle, në luginën e Hérens, në Alpet zvicerane, jo shumë larg nga kufiri me Valle d'Aosta. Fenomeni është fotografuar nga gjeologu Gerard Stampfli dhe imazhet spektakolare janë publikuar nga e përditshmja zvicerane Le Nouvelliste.

Viktima e fundit, vetëm pak javë më parë, ishte i Marcy Borders, e reja me pseudonimin "Zonja Pluhur" sepse është fotografuar e mbuluar me hi pas rënies së një prej kullave të Qendrës Botërore Tregtare. Ajo vdiq nga kanceri si shumë nga të mbijetuarit e tjerë të 11 shtatorit 2001: në mesin e tre prekurve që u shënuan nga 2500 deri 3700.

Deputetja e PD, Mesila Doda, thotë për gazetën “Shqip” se një nga arsyet se përse nuk u pranua drafti i saj dhe Shpëtim Idrizit të PDIU për lustracionin, është se spiunët janë kudo në administratë dhe politikë. “Spiunët në politikën shqiptare dhe administratën e lartë shtetërore janë kudo dhe gëzojnë mbrojtje speciale. E kotë të bëjnë sot politikanët dhe shoqëria civile sikur nuk interesohen, sepse e pamë shqetësimin e tyre dhe sulmin e gjithanshëm kur depozituam ligjin që i hiqte xhelatët nga politika dhe ekzekutivi.

Agjencia e lajmeve AFP raporton se Bashkimi Evropian dhe Kuba mbyllën një fazë të re diskutimesh në kuadër të afrimit të tyre, me zhvillime vendimtare përsa i përket tregtisë dhe bashkëpunimit, ndërkohë që BE-ja përshëndeti progreset thelbësore në çështjet delikate politike. “Pothuajse përfunduar pas 48 orëve bisedimesh, marrëveshjet për tregtinë dhe bashkëpunimin do të mbyllen gjatë raundit të ardhshëm të bisedimeve, parashikuar në fund të muajit nëntor në Bruksel”, njoftuan dy delegacionet.