Ambasadori amerikan në Tiranë, Donald Lu, ka zhvilluar sot një sërë takimes me përfaqëues të institucioneve qendrore. Raportohet se Lu është takuar me kryeministrin Edi Rama, me Presidentin, Bujar Nishani dhe në orën 13:30 pritet të takohet me kryetarin e Kuvendit, Ilir Meta. Nuk bëhet e njohur tema e diskutimeve, por këto takime vijnë pak ditë pasi janë bërë të njohura dy draftpropozime për dekriminalizimin.

Kulla Eifel në Paris u mbyll për disa orë të dielën, pasi një njeri i dyshimtë kishte lënë çantën brenda monumentit përpara se të hapej orari zyrtar, thanë zyrtarët. Kulla u rihap në orën 2:45, pasi ishte mbyllur për publikun në mëngjes, bëri me dije zyra për shtyp për organizimet turistike. Përpara se të hapej të dielën në mëngjes, “një individ ishte parë të afrohej me një çantë shpine”, tha një burim anonim për çështjen në fjalë. “Për të hequr të gjitha dyshimet, u dërgua një helikopter për të kryer një inspektim të mirëfilltë të strukturës”.

Si në rastin e operacionit për energjinë elektrike, qeveria ka vendosur të ndjekë të njëjtën praktikë edhe në aksionin e shpallur të luftës kundër informalitetit në ekonomi: Ta nisë ndëshkimin nga “vetja”.

Kryeministri Edi Rama ka nxjerrë një urdhër të vlefshëm për nëpunësit shtetërorë, ku çdo nëpunës që nuk merr kuponin tatimor për çdo blerje që bën do penalizohet deri në largim nga puna.

Në gjithë botën tashmë janë 55 udhëheqës autoritarianë. Njëmbëdhjetë prej këtyre udhëheqësve janë 69 vjeç ose më të moshuar, dhe janë në faza të ndryshme të shëndetit në rënie. Shumica e këtyre diktatorëve në plakje, si Jose Eduardo dos Santos i Angolas (73 vjeç), Nursultan Nazarbayev i Kazakistanit 7(5 vjeç) dhe Robert Mugabe i Zimbvavesë (91 vjeç) janë në pushtet prej dekadash. Me vështrim të parë kjo është një pamje shpresëdhënësve për vëzhguesit e demokracisë, që kanë dokumentuar kohët e fundit një ripërtëritje autoritariste të ngadaltë por të qëndrueshme.

Drejtori i Përgjithshëm i Policisë Rrugore, Mit’hat Tola, sqaron në një intervistëpër gazetën “Shqip” paralajmërimin e bërë për sekustrim të mjetit nëse nuk ke paguar gjobat. Tola thotë se në të vërtetë bëhet fjalë për zbatimin e ligjeve në fuqi, të cilat mesa duket ishin neglizhuar. “Në nenin 203 të Kodit Rrugor (më duhet ta citoj për të mos krijuar “keqkuptime”), sanksionohet fjalë për fjalë: 1. “… Të ardhurat nga masat administrative me gjobë për shkeljet e parashikuara nga nenet e këtij Kodi, paguhen nga kundërvajtësi brenda pesë ditëve nga dita që vendimi ka marrë formën e prerë.

Baneri në fjalë është fotografuar në Greqi. Thirrja, dëshpëruese: Votoni Askushin - Mos votoni njeri. Sepse vetëm kështu do të keni garanci se premtimet mbahen. Në fakt, zgjedhjet provuan se dëshira për të ecur përpara, është më e madhe sesa përballja me realitetin, aq sa gënjeshtrat bashkëjetojnë fare mirë me një kategori njerëzish që i denoncojnë ato. Pas një viti zhvillimesh dramatike në Greqi, shumëkush mund të pyesë: Çfarë ndodhi? Për çfarë u bë e gjithë kjo zhurmë?

Fitorja e Tsiprasit i ka hapur rrugën Greqisë për marrëdhënie të reja me Europën. Mediat greke referojnë informacione, sipas të cilave, pagesa e borxhit të shtuhet sërish. “Greqia dontë fitojë një shtyrje të re të pagesës së kësteve, sipas dy zyrtarëve të partisë së Angela Merkel, CDU”, raporton gazeta greke “Protothema”. Burimi origjinal është gjermania “Die Welt” që shkruan se rishikimi i afateve vjen edhe si pasojë e performancës së mirë në muajt e fundit. Nga çfarë po ndodh aktualisht, ngjan se Greqia humbi një vit kohë për të bërë atë që në fakt e nisi konservatori Samaras.

Shkonim sa para–prapa gjatë gjithë darkës. Po, një i njohuri im e pranoi, planet ekonomike të Jeremy Corbyn – rishtetëzimi i industrisë, vendosja e një “page maksimale” – ishin fantastike. Po, është e vërtetë, simpatitë e Corbyn për njerëzit, të cilët ai i ka përmendur si “miqtë tanë te Hezbollahu”, zor se mund të jenë të shëndosha apo racionale. Dhe, sigurisht, udhëheqësi i ri i Partisë Laburiste mund të mos zgjidhet kurrë kryeministër. Por më pas ai psherëtiu: “Të paktën do të zbavitemi sërish”.

Kohët e lumtura kanë mbaruar mes PS-LSI në të gjitha nivelet. Ilustrimi më i ri, përtej këmbënguljeve së njëpasnjëshme të kryeministrit Rama se koalicioni shkon mirë, është votimi për anëtarët e Këshillit të Qarkut Shkodër dhe ai Gjirokastër. PS ka ndarë votat nga LSI dhe ka votuar kandidaturat e djathta dhe jo kandidaturat e LSI që pretendonin minimumi një anëtar në qark.