Një ikonë ku shfaqet Stalini ka hapur një debat të ri në Gjeorgji. Ikona e paraqet ish-liderin komunist ndërsa bekohet nga Shën Matrona e Moskës, një vizionare dhe shëruese ruse e shekullit XX.

Por Kisha Ortodokse Gjeorgjiane ka rezerva për vërtetësinë e asaj që paraqet ikona e vendosur në një katedrale të Tbilisit.

Patriarkana e Gjeorgjisë thotë se nuk ka shumë prova që mbështesin faktin se Stalini dhe shenjtroja janë takuar ndonjëherë dhe për këtë arsye u ka kërkuar dhuruesve të bëjnë ndryshime në të.

Ish-zëvendës Komandant i Forcave Detare, Artur Meçollari, thotë se dy prona të tjera të ushtrisë pritet t’i jepen privatit. Në studion e MCN, ai dha detaje për dy raste që nuk janë bërë ende publike, por që përbëjnë shkelje flagrante të ligjit. Meçollari tha se ka dijeni se deri më 28 janar, nga Rinasi duhet të lëvizë si komanda e Forcës Ajrore, edhe Policia Ushtarake.

Gjithë këto lëvizje bëhen vetëm për ta çliruar këtë pronë. Bëhet fjalë për komandën e Forcës Ajrore ku gjendet jo vetëm komanda, por edhe qendra e komandimit të NATO-s.

Mediat italiane raportojnë ndarjen nga jeta të Ovidio Marras, një bari i thjeshtë 93-vjeçar në Sardenja, i kthyer në simbolin e rezistencës ndaj gjigantëve italianë të ndërtimit dhe financës. Ai ia doli të mbante larg tokës së tij në bregdet grupe të mëdha të ndërtimit si Caltagirone, Mercegaglia, Toti, Benetton e Montepaschi.

Këshilli Qeveritar Kombëtar i SIgurisë në Greqi ka vendosur ndryshime në drejtimin ushtarak të vendit.

Gjeneral lejtnant Dimitrios Houpis, ish-komandant i Komandës së Luftës Speciale, merr rolin e Shefit të Shtabit të Përgjithshëm të Mbrojtjes Kombëtare Helenike. Gjeneral Lejtnant Georgios Kostidis cakohet Shef i Shtabit të Përgjithshëm, ndërkohë ish-nënadmirali i Marinës Helene, Dimitrios Kataras merr pozicionin e Shegit të Shtabit të Përgjithshëm të Marinës. 

Presidenti turk Recep Tayyip Erdogan ka gjetur një tjetër argument për të akuzuar Perëndimin dhe kryesisht SHBA me Britaninë e Madhe. Sipas tij, përdorimi disproporcional i forcës ndaj lëvizjes rebeel Houthi në Jemen, proret ta kthejë Detin e Kuq “në një det gjaku”.

Ata përdorin forcën në mënyrë disproporcionale dhe përpiqen ta kthejnë Detin e Kuq në një det gjaku. Izraeli po bën të njëjtën gjë në Palestinë. Ne po marrim informacione se Houthi po krijojnë një përgjigje të suksesshme

Një nip i Napoleon Bonapartit ka lënë mbrapa një kontribut jo të vogël në studimin e gjuhës galike.

Princi Louis Lucien Bonaparte udhëtoi nëpër Skoci në vitin 1858, duke mbledhur informacione mbi gjuhën galike dhe skocezët.

Rob Ó Maolalaigh, profesor i gjuhës galike në Universitetin e Glasgout, thotë se Bonapartit të ri i duhet njohur kontributi në studimin e gjuhëve, përmes punës në terren.

Qeveria ka miratuar një rregullore të re për projektet që duhet t’i nënshtrohen oponencës teknike. Rregullorja e re e hartuar nga Ministria e Infrastrukturës dhe Energjisë shfuqizon atë të vitit 2010 dhe synon të kontrollojë ndërtimet e reja në fazën e miratimit të projektit dhe atë të zbatimit. Projektet e reja do t’i nënshtrohen oponencës teknike, e cila verifikon paraprakisht zbatimin e standardeve të ndërtimit dhe ligjeve në fuqi.

Kreu i Partisë Demokratike, Lulzim Basha, u pyet gjatë një konference shtypi në lidhje me rikthimin në politikën aktive vetëm pasi Sali Berisha u vendos në arrest shtëpie. Basha e justifikoi mungesën në publik me punën në prapaskenë për strukturimin e partisë.

Nuk do t’i lidhja dy ngjarjet me njëra tjetrën, ne kemi punuar për strukturimin e Partisë Demokratik. Personalisht kam qenë në 250 takime anë e mbanë gjithë Shqipërisë për të lidhur telat e këputur nga PD me hallet e njerëzve dhe njerëzit.

Ndihmës-Sekretari amerikan për çështje të Evropës dhe Euroazisë, James O’Brien gjatë një brifingu me gazetarë ka thënë se SHBA-ja e ka bërë të qartë se nuk do të lejojë përsëritjen e një sulmi të ngjashëm si ai në Banjskë më 24 shtator. Në sulmin terrorist në Banjskë u vra zyrtari policor Afrim Bunjaku.

“Dyja palët e kanë të qartë se s’do të lejohet të ndodhë më”, tha O’Brien.

Ai u ka bërë thirrje Kosovës e Serbisë që t’i kthehen dialogut me përgjegjësi, ndërsa u ka bërë thirrje edhe t’i shmangin veprimet provokative.

Kryeministri Edi Rama ka njoftuar se ka ndërmend të shtojë edhe në ministri të re e me këtë rast edhe një ministre.

Në këtë fazë të re zhvillimi të vendit dhe në kushtet kur Shqipëria po punon për kapitujt e negociatave për anëtarësim me Bashkimin Europian, pasi sapo ka hedhur me sukses hapin e parë të tyre, kërkohet një qasje e re ndaj administratës publike…