Kryeministri grek, Aleksis Tsipras do të ndodhet në Turqi javën e ardhshme, duke qenë lideri i parë europian që viziton vendin pas fitores së zgjedhjeve nga partia e kryeministrit Davutoglu.
Sipas burimeve të shtypit grek, Davutoglu ka sugjeruar që dy kryeministrat të ndjekin së bashku miqësoren e futbollit Turqi-Greqi, të martën më 17 nëntor dhe pastaj të kalohet në takimet zyrtare.
Nuk dihet se cila ka qenë përgjigjja e zotit Tsipras, ashtu siç mbetet ende e panjohur nëse kryeministri grek do të takohet edhe me presidentin Erdogan.

Ministri i Financave, Shkëlqim Cani, ka deklaruar gjatë një konference për shtyp sot, se Eurobondi do të lehtësojë situatën ekonomike e financiare. “Marrja e eurobondit bëhet për 2 qëllime. Së pari të zëvendësojë eurobondin e vjetër të vitit 2010 prej 300 milionë euro. Së dyti shuma e mbetur prej 150 milionë euro është e mjaftueshme, që ne të tërhiqemi nga tregu i brendshëm. Cani tha se kjo bëhet në mënyrë që të lihet hapësirë për biznesin, që të mund të marrë huanë e nevojshme.

Në mungesë të kreditimit të ekonomisë dhe investimit në letra me vlerë të qeverisë, bankat po preferojnë të vendosin paratë në institucionet jashtë vendit, edhe pse me interesa ndëshkuese…
Totali i aktiveve të sistemit bankar arriti në 1.32 trilionë lekë në fund të 9-mujorit 2015, duke shënuar një rritje me 2.4%, apo me 31 miliardë lekë, në krahasim me dhjetorin 2014, sipas statistikave të publikuara nga Banka e Shqipërisë. Me bazë vjetore, (T III 2015/ T III 2014) aktivet e sistemit janë rritur me 4.1%.

Një ekip ndërkombëtar me arkitektë dhe shkencëtarë kanë pikasur “anomali termale” në piramidat e Gizës, raporton BBC. Kamerat termale kanë pikasur temperatura më të larta në tre gurë pranë e pranë, në fund të Piramidës së Madhe. 

Komisioni Europian ka publikuar sot progres-raportin për Shqipërinë për përmbushjen e 5 prioriteteve kyçe, i cili mbulon një periudhë kohore nga Tetori i vitit të kaluar deri në Shtatorin e këtij viti.
Theksi vihet tek reforma në drejtësi.

Zgjedhjet

“Jemi popull me fat” – shkruan Blushi për shqiptarët tek libri i tij i fundit“Kandidati”. Me fat “ngaqë kemi shpikur të parët ilaçin kundër mendimit”.  E thënë ndryshe: na kanë rrjedhur trutë. Italianët do thoshin: Fuga di cervello. Shqip: arratisja e trurit në drejtim të panjohur.

Thuhet gjithmonë se udhëtimi e bën njeriun më të hapur dhe ta vlerësojë më shumë atë çka të vyer në jetë. Por si për çdo vendim të vështirë në jetë, edhe ideja e të udhëtuarit zakonisht lidhet me financat, ankthin dhe me faktin se gjëra të tjera kanë rëndësi. Një histori, e rrallë në përjetim dhe në konkluzionet e fituara, tregon Sarah Outen në një opinion në “The Guardian” e cila ka udhëtuar 25 mijë milje për 4 vjet. “E dija se udhëtimi im do të ishte i vështirë-do më shtynte në kufijtë e mi fizikë e mendorë e përtej. Doli se mësimi kryesor erdhi nga dështimet dhe ndryshimi i planeve.

Disa kërkues në Institutin e Teknologjisë në Pasadena të Kalifornisë kanë realizuar një zgjidhje  optimale për njerëzit e verbër. Kjo zgjidhje konsiston në një palë syze inteligjente që  kthen imazhet në tinguj  të cilat përdoruesit mund t’i kuptojnë intuitivisht pa ndihmën e dikujt tjetër. Pajisja në fjalë, e quajtur  “vOICe” (OIC  për “Oh! I See(shikoj)”), konsiston në një palë syze të errëta, me një kamera bashkëngjitur, lidhur me një kompjuter. Algoritmi i përpunuar është i njëjtë me atë të zhvilluar në vitin 1992 nga inxhinieri hollandez Peter Meijer.