Kompjuterët me sistemin e ri të Microsoftit, Windows 10, po vijnë në forma të ndryshme. Këtu përfshihet edhe një version i ri, i cili mund të futet në xhep. “Kangaroo” sjell versionin më të ri të sistemit të Microsoftit, me shumë karakteristika dalluese nga kompjuterët tjerë. I prodhuar nga kompania “InFocus”, “Kangaroo” kushton 99 dollarë. “Kangaroo” vjen me fuqinë e një laptopi, procesor Atom x5, 2GB RAM dhe 32GB hapësirë të brendshme. Ai ka porte HDMI dhe për USB. Pajisja ofron po ashtu “superbateri” që qëndron zgjuar për katër orë me vetëm një mbushje.

Një ngjarje qiellore do të ndodhë këtë javë nga ku do të mund të shndrisin njerëz si dhe qytete të tilla si Nju Jorku. Këtë do ta vini re përgjatë mëngjeseve, për aq kohë sa qiejt do të jenë të pastër mes reve. Të dy planetët e shndritshëm në qiellin e natës, Venusi dhe Jupiteri, si dhe ai qëndron në mes tyre, Marsi, do të shfaqen të kalojnë shumë pranë njëri-tjetrit gjatë gjithë kësaj jave. Ky takim i afërt është quajtur një kombinim i trefishtë planetar dhe nuk do të shohim asnjë tjetër si ky deri në janar të vitit 2021.

Viti 2013 nuk është larg. Në kuptim kalendarik jo. Kanë kaluar vetëm 2 vjet. Por në kuptimin politik e administrativ për Shqipërinë ai mundet të jetë shumë larg. Një qeveri që u votua e rivotua me shumicë, një kryeministër që arriti madje, për pervëersion të vlerave të shoqërisë, të kthehej në gati një model gjithafarësh për një pjesë të shoqërisë, është sot në kuotat më të ulëta. E shpërfytyruar, me imazh të rrënuar, që me heshtjen e vet, po i bën transparencë korruptimit total që e ka metodë por edhe qëllim të ekzistencës së vet.

Demokratët kërkojnë mandatin e Valentina Leskajt, fill pasi denoncuan se konçensionin e segmentit hekurudhir Ballsh-Fier-Vlorë e fitoi djali i saj. Sipas një deklarate të Arben Ristanit, nënkryetarja e Kuvendit është në konflikt interesi pasi fëmija madhor i deputetit specifikohet në ligj që nuk mund të përfitojë nga asetet publike. “Zonja Leskaj është në shkelje të Kushtetutës, në nenin 71 të ligjit themeltar të shtetit”, tha Arben Ristani, sipas të cilit PD do të dorëzojë sot në kuvend një kërkesë për dorëzimin e mandatit të deputetes së Vlorës, Valentina Leskaj.

Në fshatrat e Përmetit ka zbritur një firmë fantazmë që përmes një liçense po pret drurët shumëvjeçarë të Grabovës dhe Argovës. Sipas raportimit të News 24, një firmë ka fituar tenderin e organizuar nga drejtoria pyjore e Qarkut Gjirokastër, për një sipërfaqe pylli 65 ha, duke rrënuar një pasuri të mbrojtur me sakrifica nga vetë banorët.  Kryeplaku i Grabovës Koço Hormoviti ka pohuar se “biznesmenë nga Laçi që as i njohim e as e dimë se ç’janë, vijnë dhe po shfarosin pyjet, me tenderat e ish kryebashkiakut Bujar Ibrahimi. Qeevria thotë se po mbron pyjet, por po i pret pyjet”.

Para disa muajsh, në një intervistë të vetën, Ylli Rakipi, dikur një bashkëpunëtor shumë i ngushtë i Sali Berishës, do të zbulonte diçka për krijesën politike me emrin At Nikolla Marku. “Këtë e zgjodhën ne për t’iu kundërvënë politikave greke. Natyrisht niveli i tij intelektual është jo i plotë...Unë kam qenë një nga iniciatorët e ngritjes së tij...”, tha Rakipi. Pra njeriu që ka mbërthyer një copë tokë në Elbasan dhe përpiqet të bëjë politikë të madhe është një instrument i segmenteve politike shqiptare dhe asgjë më shumë.

Ndriçim Kulla shkruan sot në gazetën “Mapo” një opinion që i dedikohet ministrit të Jashtëm, Ditmir Bushati, të cilin e quan ministër të Përjashtëm. Kulla, që ka punuar vetë pranë Presidentit aktual të Republikës, zbardh në këtë shkrim,mpërveç pikëpamjeve, edhe ndonjë gjë që e di për shkak të punës. Por nuk tregohet shumë i ashpër pasi mjaftohet që ta quajë Bushatin thjesht “të papërshtatshëm”. Përveç faktit se ky i fundit ka një përvojë “vërdallosjen nëpër OJQ”, Kulla mendon se ai është krejt jashtë funksioneve në detyrën e tij.

Gazeta “Panorama” ka publikuar një vendim të Këshillit Kombëtar të Territorit në 9 shtator të këtij viti për ndërtimin e një pallati 13 katësh në hyrje të Liqenit Artificial në krahun e Rrugës së Elbasanit. Vendimi përcakton se në një sipërfaqe të konsiderueshme, aktualisht parkim makinash, do të ndërtohet “Godinë banimi dhe shërbimesh, 2, 7 dhe 13 kate mbi tokë dhe 2 kate parkim nën tokë”. Në fund firma. “Kryetari i KKT, Edi Rama”.  Por sipas Panoramës kjo nuk është godina e vetme.

Nga fondet e Agjencisë për Mbështetjen e Shoqërisë Civile, ka përftuar edhe FRESSH në shkelje të ligjit, por AMSHC u ka dhënë fonde po ashtu shoqatave me projekte të padobishme. Kryetarja e Komisionit të Shëndetësisë, Albana Vokshi, ka publikuar dje listën e organizatave joqeveritare që kanë përfituar fonde, ku spikasin edhe projekte qesharake si një fond 18 milionë lekë për shoqatën IDC, me projektin: “Kariesi nuk është destin për personat me aftësi të kufizuara. Ai mund të luftohet duke krijuar shprehitë e duhura”.