Policia ka konfiskuar një Bibël që vlerësohet të jetë 1,000 vjet e vjetër në qytetin qendror turk të Tokatit, raporton ‘The DailySabah’ Policia arrestoi tre të dyshuar të cilët janë përpjekur të shesin Biblën, të shkruar në gjuhën e vjetër Assyriac, tek agjentë të maskuar të policisë. Nuk dihet origjina e Biblës. Policia ka thënë që libri kishte vetëm 51 faqe të mbetura dhe kopertina ishte shumë e dëmtuar megjithëse fotografitë e bëra nga gjethet e arit me motive religjioze brenda Biblës ishin të paprekura.

Video shock në SHBA. Disa studentë të një shkolle në Karolinën e Jugut filmuan një video në klasë, ku një polic i bardhë pasi kap për fyti studenten afroamerikane, e përplas në dysheme, dhe pasi e ngre peshë e përplas sërish në dysheme. Autoritetet e Karolinës së Jugut kanë nisur hetimet. 

Kuvendi nuk ka miratuar propozimin e qeverisë për ndryshimin e Kodit Penal, që parashikonte dënimin deri në tre vjet burg për bizneset që nuk regjistrohen, apo që nuk lëshojnë kupon tatimor. Deputetët e maxhorancës e kanë quajtur si masë shumë të rëndë që të dënohen me burgim bizneset për moslëshim të kuponit, duke kërkuar që kjo masë të ishte administrative e më pas penale. Relatorja e projektligjit, Vasilika Hysi, ka theksuar se në nenin 13 të ndryshimeve në Kodin Penal, moslëshimi i kuponit tatimor është vepër administrative dhe më pas penale.

Pas kallëzimit të sotshëm, KOASH ka rishpërndarë këtë material si përgjigje ndaj priftit të Elbasanit.

3.4 milionë dollarë ka akorduar qeveria shqiptare si pjesë e fondit për familjet në nevojë. Fond që do të shkojë për pajisjen e këtyre familjeve me dekodera dixhitalë. Për çfarë jepet ndihma për familjet në nevojë? Jepet për nevojat jetike që kanë këto familje, për të cilat kemi rënë dakord të paguajmë të gjithë. Por qeveria mendon se “moshën e internetit” familjet shqiptare në nevojë kanë nevojë edhe për të parë Digitalbin, Tring apo ndonjë operator tjetër që ofron shërbime të tilla.

Nëse edhe ju dëshironi të humbni në peshë, por edhe ta përmirësoni pasqyrën e gjakut, nuk do të bënit keq po ta provonit këtë recetë që vjen nga Tajvani, që është menduar nga shkencëtarët. Një grup i femrave – për gjashtëdhjetë ditë rresht, për çdo ditë, kishin marrë nga një lëng të domates. Ekspertët kanë sqaruar se kemi të bëjmë edhe me humbjen e lëngjeve nga organizmi, por edhe me shkrirjen e shtresave dhjamore.

Një destrojer i drejtuar nga Shtetet e Bashkuara kaloi 22 kilometra pranë një pjese të Detit të Kinës së Jugut, që është pushtuar dhe mbi të cilën ka shprehur pretendimet Kina, duke shkaktuar një protestë të menjëherëshme nga Pekini. “Zëri i Amerikës” trasmeton se misioni u krye pa incidente, tha një burim i ushtrisë amerikane. Kina njoftoi se e kishte vëzhguar dhe ndjekur USS Lassen dhe tha se e kishte paralajmëruar anijen amerikane që të largohej nga ujrat kineze, pjesë e arkipelagut të debatueshëm Spratly.

Ditën e sotme Këshilli Kombëtar i Punës ka miratuar në parim draft-ligjin e përgatitur nga Ministria e Mirëqenies Sociale dhe Rinisë “Për punëkërkuesit e papunë”. Thuhet se drafti synon të frenojë dembelizmin dhe të stimulojë të papunët që të pranojnë të punojnë në vendet e punës që ofron biznesi apo edhe institucionet shtetërore.

Nxitja për këtë nismë ishte paradoksi aktual ku nga njëra anë ekzistojnë 150 mijë kërkesa për punë në zyrat e punës, dhe nga ana tjetër ka 26 800 vende pune që kërkojnë punëtorë.