Sali Berisha shkruan sot se kryeministri i vendit, Edi Rama, është përpjekur të korruptojë me një dosje pronësie, presidentin Bujar Nishani. Lajmësi i kësaj oferte ka qenë sipas Berishës, Engjëll Agaçe, sekretar i Përgjithshëm i Kryeministrisë. Dështimi i kësaj përpjekjeje, që qenka denoncuar nga Nishani në organet përkatëse, është bërë shkak sipas Berishës që Edi Rama të bojkotojë pritjen e Presidentit me rastin e festës kombëtare.

Gjykata Kushtetuese e Shiqipërisë ka rrëzuar një kërkesë të Gjykatës së Lartë për dekriminalizimin e prostitucionit. Gazeta “Dita” bën me dije se Gjykata Kushtetuese është shprehur kundër kërkesës për të shfuqizuar paragrafin e parë të nenit 113 të Kodit Penal që parashikon dënimin nga gjobë deri në 3 vjet burg për çdo person që ushtron prostitucion. “Gjykata e Larta pretendonte se ky nen nuk është në përputhje me Kushtetutën dhe se diskriminon femrat karshi meshkujve. Por, ndryshe mendojnë anëtarët e Gjykatës Kushtetuese, të cilët thonë se pretendimi është i pabazuar.

Thomas Piketty gjurmon një shprehje të re të pasojave që mund të sjellë pabarazia në të ardhura. Një shkrim i tij në francezen “Le Monde” është rimarrë në vështrim nga “Washington Post”, që cilëson se argumentet e ekonomistit francez janë kontroversale. Sipas tij, pabarazia në Lindjen e Mesme është faktori kryesor pas terrorizmit, përfshirë këtu sulmet e ISIS në Paris.

Skandali i ambulancës në ndeshjen Tërbuni-Teuta ka sjellë shkarkimin e shoferit nga ministri i Shëndetësisë, Ilir Beqja. Gjatë ndeshjes u dëmtua një futbollist i Tërbunit, por ambulanca që duhet të bënte transportin ngeci në vend. Ca më keq, në pamje duket shoferi që ndodhej në tribunë dhe zbret me vrap drejt ambulancës. Një skandal-çudi më vete(http://www.lapsi.al/lajme/2015/11/30/skandali-me-autoambulancën-në-pukë-beqaj-pezullon-shoferin-video#.VlxrneOQ0gE).

Bankers Petroleum ka deklaruar se do të ndërpresë punimet nëse shteti shqiptar nuk zhbllokon llogaritë e saj. Vendimi i Gjykatës së Arbitrazhit i dha të drejtë kompanisë kanadeze, e cila operon në shfrytëzimin e puseve të naftës dhe prodhimit të saj në zonën e Patos Marinzës. ““Bankers” thotë se javën e kaluar ajo eksportoi vetëm 85 për qind të sasisë së prodhuar, pasi nuk mund të financonte më tepër transportin për shkak të bllokikmit të llogarive nga Tatimet.

Bashkia e Tiranës ka vendosur që t’i shkojë deri në fund nismës për higjenë në Tiranë, kur njofton se përmes një nisme ka menduar të lyejë muret e hapësirave publike me një bojë që “kthen mbrapsht urinën”. Thotë me këtë rast kryetari Erjon Veliaj: “Bashkia e Tiranës ka vendosur t’i përgjigjet ndotësve sipas mënyrës së saj. Është koha që qyteti të marrë hak. Me ndihmën e kompanisë Dekoll lyem të gjitha muret me një lloj boje superhidrofobike e cila bën të mundur kthimin prapsht të urinës menjëherë sapo ajo prek sipërfaqen e lyer me bojë.

Artan Lame iluminon sot popullin shqiptar të Facebook me pasionin e tij prej koleksionisti. Poston nja ca medalje duke shtuar se ajo që ndodhi në 70-vjetorin e Çlirimit është një praktikë botërore. Thotë koleksionisti-politikani-polemisti dhe drejtoro-historiani Lame: "Me tej, me rastin e pervjetoreve, ne te gjithe Evropen vijuan te emetohen medalje te ngjashme, me rastin e 10-vjetorit te mbarimit te Luftes, pastaj te 20-vjetorit, 30-vjetorit e keshtu me rradhe.

Shqiptarët kanë nevojë të njihen me qëllimin e vërtetë që ka mazhoranca në pushtet: atë të të bërit shtet. Kjo do t’u përcillet atyre derë më derë e shtëpi më shtëpi, nëpëmjet organizatave socialiste. Këtë praktikë të re që do të ndjekë Partia Socialiste në komunikimin me qytetarët e lajmëroi vetë kreu i saj gjatë takimit në Berat, ku tha se e majta duhet të hapet me njerëz të punës. “Për të bërë këto reforma është e domosdoshme që të kemi një PS të modernizuar në përbërjen e strukturës sociale të organizatës.

Kishte vendosur t’i jepte fund jetës nga dëshpërimi dhe vetmia. Sinead O'Connor, këngëtarja e njohur irlandeze, e bërë e famshme me këngën «Nothing Compares 2 U»,  tentoi vetëvrasjen të dielën në mbrëmje, duke lënë edhe një mesazh për miqtë në rrjetin facebook.

Sa herë që flitet për terrorizmin vijnë dëshmi që lidhen me periudhën e tranzicionit ku gjetën strehë persona me influence fetare dhe financiare nga vendet e Lindjes. Ish-kreu i Shërbimit Informativ, Fatos Klosi, zbulon ndoshta pa dashje edhe mënyrën partizane me të cilën Shqipëria e luftoi terrorizimin, ndonëse nuk ka patur ndonjë kërcënim real që lidhej drejtëpërdrejtë më të. Në një interviostë për gazetën “Shekulli” ai thotë se Shqipëria injoroi konventat ndërkombëtare për ekstradimin e elementëve të dyshuar si terroristë.