“Ndonjëherë njerëzit kanë paragjykime dhe nuk e kuptojnë se nga vijnë. unë besoj se është gjithmonë e nevojshme ta njohim historinë, në mënyrë që të ecim përpara”. Këto janë disa nga fjalët e shprehura nga futbollisti i njohur francez Lilian Thuram gjatë një bisede në Panairin e Librit që po mbahet në Pallatin e Kongreseve.

I pranishëm në Tiranë për të prezantuar librin e tij “Mendimi i bardhë”, i cili është pëkthyer në shqip, Thuram trajton në veprën e tij tema kundër diskriminimit.

Gjok Vuksani, pedagog në Universitetin Bujqësor, thotë se toka bujqësore në Shqipëri është shkatërruar, si pasojë e veprimit dhe mosveprimit. Gjatë një diskutimi në studion e lajmeve të MCN Tv, Vuksani ka shpjeguar disa problematika që lidhen me tokën bujqësore. 

Katër muaj krizë politike në Spanjë kanë marrë fund me rizgjedhjen në krye të qeverisë të Pedro Sanchez. 179 parlamentarë kanë mbështetur Sanchez nga 350 vende që ka gjithësej legjislativi spanjoll, mes të cilëve votë pro dhanë edhe shtatë ligjvënës katalanas.

Kundër kanë votuar mbështetësit e Alberto Núñez Feijóo, i qendrës së djathtë që ka marrë 171 vota.

Pas propozimit të deputetit socialist Erjon Braçe që periudha e ciklit menstrual për femrat të njihet si sëmundje e paguar, ministret gra të qeverisë kanë dalë me propozim ligjor që në zyrat shtetërore të drejtuara nga gratë të mbahet portreti i z. Braçe. Kjo në shenjë respekti për vëmendjen e treguar ndaj një problemi kaq akut për femrën shqiptare. 

Kina dhe SHBA kanë rënë dakord të rivendosin kanalet e komunikimit ushtarak mes tyre. Kjo është vendosur mes dy presidentëve, Biden dhe Xi Jinping në takimin e tyre në kuadër të samitit të përbashkët mbajtur në SHBA. Të dy krerët e shteteve kanë biseduar për katër orë dhe ndër pikat e dakordësuara është edhe heqja dorë nga Kina e pordhimit të përbërësve të fentanilit që konsiderohet një drogë epidemike në SHBA.

Ka nisur sot në Bruksel raundi i ri i negociatave mes Kosovës dhe Serbisë. Mediat raportojnë se me ndërmjetësinë e Miroslav Lajçak, negociatorët Besnik Bislimi dhe Petar Petkoviç kanë nisur diskutimin dhe bëhet e ditur se Beogradi ka nisur në Bruksel ekipin më të madh të ekspertëve deri më tani që mbulojnë çështje të tilla si Asocacioni, të humburit dhe energjia.

Mediat në Kosovë raportojnë se shqiptarë të ndryshëm me banim në Luginën e Preshevës i janë drejtuar Gjykatës Kushtetuese serbe për të kundërshtuar fshirjen e tyre nga adresari. Në dy dëshmi të deklaruara pranë mediave flitet për një veprim që duket i qëllimshëm nga autoritetet serbe për shkak se banorët thonë se nuk janë larguar nga vendi.

Jam gati të shkoj deri në Strasburg

citohet një shqiptare e Serbisë Jugore. 

Ish-kreu i Inteligjencës së Mbrojtjes së Izraelit (AMAN), gjeneral major Amos Yadlin, thotë se pas 7 tetorit, objektivi i Izraelit është të shkatërrojë Hamastanin, një neologjizëm ky që po përdoret në vendin e tij për sundimin e Hamasit në Rripin e Gazës.

Rreth 4000 banorë të qytetit Grindavík janë zhvendosur pas lëkundjeve të provokuara nga rreth 600 tërmete të regjistruar. Pamjet me dron tregojnë në detaje dhe si asnjëherë më parë atë që po ndodh me vullkanin në fjalë. 

Në Ganë po mbahet një samit global për të lehtësuar dialogun dhe për të finalizuar një plan veprimi të udhëhequr nga Afrika për të kërkuar dëmshpërblime për padrejtësitë historike që datojnë që nga epokat e tregtisë së skllevërve dhe kolonializmit.

Konferenca katërditore e Reparacioneve në kryeqytetin e Ganës kërkon dëmshpërblimin financiar nga Perëndimi, për të cilin ai argumentoi se ishte shumë i vonuar si kompensim për tmerret e tregtisë së skllevërve.