Ministri e Financave njoftoi sot dhënien e një shërbimi të ri me koncesion, që synon të përmiresojë mbledhjen e TVSH-së. Gjatë një takimi informal me gazetarët ministri i Financave Shkëlqim Cani ka deklaruar se TVSH do të mblidhet nga kompani private. Pritet që së shpejti të shpallet tender ndërkombëtar për përzgjedhjen e kompanisë. Ministri Cani ka theksuar se ky vendim vjen si partneritet publik-privat dhe se qëllimi është mbledhja e më shumë të ardhurave.

Gjatë fjalës së tij në konferencën e donatorëve “Smart City, Go Tirana”, kreu i bashksië së Tiranës, Erion Veliaj duke iu referuar projekteve që ai ka për ta transformuar qytetin, deklaroi se bashkia ka nevojë për ndihmë në sektorin e transportit publik që sipas tij, të realizojë ëndrrën që edhe të pasurit të hipin në autobusë.

Autoritetet norvegjeze dëbuan në Rusi, 60 emigrantët e parë sirianë, të cilët kishin mbërritur në Norvegji, vjeshtën e vitit të kaluar. Sipas vendimit të qeverisë së Oslos, që u mor nëntorin e vitit të kaluar, janë 5500 azilkërkues që do të kthehen mbrapsht në Rusi.Vendimi u kritikua nga Organizata e Kombeve të Bashkuara, sepse bie ndesh me Konventat për Refugjatët.

Njësia Task-Forcë e Prokurorisë kërkoi dje zyrtarisht nga Ministria e Shëndetësisë dosjet e tri koncesioneve të dhëna nga ky institucion, me vlerë të përgjithshme 306 milionë dollarë.Objekt i hetimi janë koncesioni I Check up-it falas me vlerë rreth 120 milionë euro, sterilizimi i pajisjeve kirurgjikale në spitalet e vendit, me vlerë 100 milionë dollarë dhe koncesioni i shërbimit të hemodializës, me vlerë 86 milionë dollarë.

Ka nisur një agresion i jashtëzakonshëm i disa mediave dhe njerëzve të afërt me të majtën, pasi “ResPublica” bëri publik lajmin se Sali Berisha, Doktori, do të publikonte librin e tij të vetëm: “Qytetari Dixhital – Publishing Inbox”.

Thuhet se, meqenëse nuk e dinë ende përmbajtjen, disa njerëz që Doktori i cilëson shpesh si Salla Operative në Kryeministri, u lëshuan me komente gjithfarëshe, duke u “dhënë mundësi” disa mediave që të flisnin për marrëzinë e tij. Në artin ushtarak kjo njihet si zbulim me luftim.

Fjala është për një tunel hekurudhë ku mjeti lëviz me shpejtësi rreth 1000 km/orë dhe me konsum energjetik minimal.

Përveç rikonstruksionit të disa shkollave nga Bashkia e Tiranës në fillim të vitit shkollor, që solli probleme me procesin mësimor, ngrohja po shfaqet si problem tjetër jo i vogël. “Top-Channel” raporton se nga një vëzhgim i kryer rezulton se 40% e shkollave të Tiranës nuk kanë ngrohje, çka ka sjellë reduktim të orëve të mësimit. “Më shumë se 40% e shkollave publike në kryeqytet nuk kanë sistem ngrohjeje, duke bërë që procesi mësimor të zhvillohet në kushte të vështira. Në vitin 2013, për kthimin e kaldajave nga djegie me naftë në kaldaja me pellet, do të punonte Drejtoria Nr.

Prej muajsh tashmë flitet për reformën në drejtësi, me përqendrimin te gjyqësori. Ambasadorët, kryeministri etj., janë hedhur në sulm ndaj korrupsionit në gjykata dhe sidomos ndaj korporatizmit në këtë pushtet, duke paralajmëruar shkundje të ekuilibrave. Eksertët e Partisë Socialiste kanë parashikuar ndryshime institucionale të mëdha, kryqëzim kompetencash dhe më e rëndësishmja, mandate 9 vjeçare apo edhe 12 vjeçare që në raport me legjislativin do të thotë “stabilitet” dhe kontroll për 3 mandate.

Motivimi për të shkruar këto radhë ishte mjaft i fortë, pasi u njoha me shqetësimet e specialistëve të energjetikës për problemin, që lidhet me domosdoshmërinë strategjike të ndërtimit të  HEC Skavicës shumë më parë se sa ndërtimi i HEC Katundi i ri, që do të dëmtonte sipas mendimit të tyre në mënyrë të pakthyeshme të gjithë zhvillimin afatgjatë të kaskadës mbi lumin Drin. 

Ministri i Mjedisit Lefter Koka ka deklaruar në Komisionin Parlamentar të Veprimtarive Prodhuese se në tetë vite janë zhdukur 20% e pyjeve të Shqipërisë. “Vetëm në 8 vjet janë dhënë 2600 e ca leje shfrytëzimi pyjesh. Të kuptohemi, në 120 ditë pune që ka një administratë shtetërore i binte mesatarja çdo ditë të jepeshin 3 leje për shfrytëzim pyjesh. Në dy vjet janë dhënë 24 lejeshfrytëzimi, nga të cilat 9 janë në pyje private. Ministria e Mjedisit nuk ka dhënë asnjë leje në rrethin e Kolonjës. Janë dhënë ankande për 2014-2015, nuk është bërë asnjë.