Agjencia gjermane e lajmeve, Deutsche Ëelle, citon sot kancelarin gjerman, Olaf Scholz, të jetë shprehur në Parlament se Shqipëria dhe Maqedonia e Veriut duhet të trajtohen në varësi të reformave që kanë bërë lidhur me procesin e anëtarësimit në BE.

Kreu I Republikës Srpska, njëherazi anëtar i presidencës boshnjake, Milorad Dodik, ka deklaruar se do të votojë në zgjedhjet e 17 dhjetorit në Serbi dhe se vota e tij do të jetë për partinë e Aleksander Vuçiç. Sipas tij, Vuçiç është presidenti i parë i Serbisë që vendosi forma konkrete ndihme për Republikën Srpska.

Ke njerëz që vazhdimisht flasin dhe punojnë kundër Serbisë, që financohen nga Perëndim për shkak se nuk u vjen përshtat kur ajo është stabël dhe e fortë…Kjo është pse do të shkoj në zgjedhjet në Serbi dhje do të votoj Partinë Progresiste

Kryetarja e Dhomës së Lartë të Parlamentit rus, Valentina Maviyenko, ka deklaruar në një intervistë për agjencinë “TASS” se në momentin e tanishëm baza kushtetuese e vendit nuk mund të rishikohet. Sipas saj përcaktimet e Kushtetutës së vitit 1993 mbetet ende aktuale dhe rregulluese të mira të marrëdhënieve politike të Rusisë me rajonet e tjera duke hedhur poshtë sugjerime që duket se vënë në diskutim sistemin federative.

Diplomati kryesor i Bashkimit Europian Josep Borrell ka paralajmëruar se do të propozojë sanksione ndaj kolonëve ekstremistë siç i quajti ai në Brekun Perëndimor në Izrael.

Ne do të punojmë për të vendosur sanksione kundër kolonëve ekstremistë në Bregun Perëndimor. Do t’ua propozoj një gjë të tillë vendeve anëtare

është shprehur ai gjatë një konference për shtyp.

Mbështetësit kryesorë të Kievit në BE i shohin fondet jashtë buxhetit të bllokut si një mënyrë për të mbështetur Ukrainën. Kjo strategji do të shërbejë për të kapërcyer pengesën që ka ngritur Hungaria, e cila kundërshton ndihmën prej 54 miliardë dollarësh për Ukrainën nga buxheti i BE-së.

Komisioni Evropian po kërkon të sigurojë financimin gjatë katër viteve të ardhshme nëpërmjet programit të posaçëm për Ukrainën.

Hungaria, e cila ka qenë shumë kritike ndaj qasjes së Brukselit ndaj krizës në Ukrainë, kërcënon me veto në samitin e liderëve që mbahet të enjten.

SPAK ka kërkuar sot arrest shtëpie për Sali Berishën për aferën e kompleksit “Partizani”. Masa është disi e çuditshme qëkurse z. Berisha ka detyrim paraqitjeje në SPAK dhe nuk e ka penguar asgjë në hetimin e tij.

Vendimi erdhi ndërkohë që paradite Monika Kryemadhi akuzoi Erjon Veliajn si kryepërgjegjës për aferën e inceneratorit të Tiranës. Kryemadhi vetë është e hetuar nga SPAK dhe për të përflitet arrestimi.

Po sot, Berisha deklaroi se Veliaj po përpiqet të arratiset dhe u ka bërë thirrje vendeve në Perëndim të mos pranojnë kërkesën për azil.

Imagjinoni një skenë të nxehtë seksi, ku përfshihen një grua dhe një burrë nga seriali ose filmi juaj i preferuar. Ka të ngjarë që të dyja palët të arrijnë në orgazëm. Por kjo nuk pasqyron realitetin.

Në realitet, gjatë raporteve heteroseksuale, femrat përjetojnë shumë më pak orgazma sesa meshkujt. Ky quhet hendeku i orgazmës. Dhe është dokumentuar në literaturën shkencore prej më shumë se 20 vjetësh.

  Ka patur sot disa raportime për largimin e Alabarit nga Shqipëria. Bëhet fjalë për investitorin arab në Durrës që premtoi një investim 2 miliardë dollarësh për ndërtime dhe porte jahtesh. Informacioni duhet verifikuar por vetë vt  i tij dëshmon se për çfarë lloj marrëdhëniesh bëhet fjalë në Shqipëri. 

Vite më parë, në të njëjtën ditë kur në Parlament kalohej reforma në drejtësi, ndryshimet kushtetuese, parlamenti miratonte hapjen e negociatave për negociimin e një investimi 5 miliardë dollarësh në Karpen. Ku është investimi? 

BE do të vijojë të ndërmjetësojë dialogun Prishtinë-Beograd, por në takime të veçanta. I dërguari i posaçëm i BE-së për dialogun, Miroslav Lajçak konfirmoi se diskutimet e ardhshme në Bruksel do të bëhen veçmas me kryenegociatorin e Beogradit dhe veçmas me atë të Prishtinës.

Armenia po kthehet në një fuqi të teknologjisë, falë filialeve që kanë hapur atje kompanitë e mëdha dhe një ekosistemi të favorshëm për kompanitë start-up.

Pavarësisht se politikisht mbetet e afërt me Rusinë dhe Iranin, si kundërpeshë ndaj fqinjëve armiqësorë në perëndim (Turqia) dhe në lindje (Azerbajxhani), sektori i tij privat i Armenisë mban lidhje të forta me Perëndimin, veçanërisht Shtetet e Bashkuara, ku jeton një diasporë prej 1 milion armenësh.