7 punë në 7 ditë. Ndryshimi, rilindja, konsultimi, bashkë me qytetarët, pedonale, gjelbërimi. Këto fjalë që bëjnë pjesë në “PS-Cloud” të ulur këmbëkryq në Bashkinë e Tiranës i kemi dëgjuar prej muajsh tashmë. Artikulues i tyre është Erjon Veliaj, kryetar i Bashkisë së kryeqytetit, i cili është aty si zëdhënës i Edi Ramës, literalisht i tillë, por edhe në rolin e një imituesi perfekt, jo pse adhuron shefin, por ndoshta sepse modeli i shefit të sukesesshëm në Bashki duhet mbajtur gjallë, si kundërpeshë ndaj katastrofës në qeverisjen qendrore.

Deputeten shqiptare të Maqedonisë, Ermira Mehmeti, e kapën lotët teksa ishte duke folur në Kuvendin e Shqipërisë ku zhvillohej një Konferencë për Barazinë Gjinore. Aty merrnin pjesë deputete femra nga rajoni dhe Mehmeti, po fliste për rastin e vet, atë që quhet si skandali i përgjimeve erotike. “Më futën në baltën e të dënuarës. U dënova në mënyrë kolektive, pa gjyq. Deshën të më shkatërronin për pesë minuta. Përgjimi ishte diçka e montuar tërësisht. Pas 15 vitesh në politikë, po marr një goditje vetëm pse guxova të flas hapur. Kam kritikuar politikat e një qeverie jodemokratike.

Kryeministri vlerësoi pozitivisht zgjedhjet në universitete, edhe pse në  proces u implikuan emra të botës së krimit.

Shifrat e punësimit në Shqipëri janë më të debatuarat, kjo edhe për shkak të premtimit nga qeveria për hapjen e 300 mijë vendeve të punës. Përkundër kritikave të opozitës, kryeministri është shprehur se në Shqipëri nuk mungon puna, por profesionistët e fushave. Në fakt këtë tezë të kryeministrit e mbështet edhe një investigim i Fiks Fare, i cili zbuloi se në Shqipëri operojnë 12 studio të seksit virtual, ku vajza çatojnë on line duke plotësuar kërkesat e klientëve. Në një garsoniere në Qytetin Studenti punojnë me turne disa vajza.

Propozimi i Sali Berishës për të armatosur qytetarët shqiptarë, vazhdon ende të mbledhë nën armë Partinë Socialiste, qeverinë, aksesorët e tyre mediatikë dhe propagandistikë, për të ngritur një furtunë të vërtetë në gotën që vetë Berisha ua serviri. Po kërkohet hetimi, dënimi, përjashtimi, kallëzimi, demaskimi, shpartallimi i ish-kryeministrit si luftënxitës, që po bën thirrje antikushtetuese. Po cilësohet fashist e hitlerian dhe po i kërkohet prokurorisë të veprojë.

123 milionë euro është dëmi që i është shkaktuar buxhetit të shtetit nga sektori i tatimeve dhe doganave. Peshën më të madhe të dëmit e zë sektori i Tatim-Taksave në vlerën e 92 milionë eurove, ndërsa doganat kanë shënuar 31 milionë euro abuzime. Kontrollit i Lartë i Shtetit ka konstatuar një trend në rritje të dëmit ekonomik në këto sektorë krahasuar me vitin 2014.

Revista greke “Proneës” i ka dedikuar një artikull ndikimit të gazsjellësve në marrëdhëniet gjeostrategjike mes Greqisë dhe Rusisë, duke analizuar në veçanti ndikimin që pati gazsjellësi TAP në marrëdhëniet greko-ruse.

Sonte natën dolën rezultatet (pothuajse të plota deri në këtë moment, siç duket amerikanët kanë nevojë për QKR-në tonë) e garës republikane dhe asaj demokrate në SHBA. Për momentin fitorja e Hillary Clinton në kampin demokrat duket e sigurtë ndërsa ajo e Trump ndër republikanët duket në konfirmim e sipër. Duhet pasur parasysh që Trump akoma nuk gëzon mbështetjen e "establishmentit" të Partisë Republikane. Por ai po avancon në votimet, sidomos në dy javët e fundit, duke fituar Neë York para një jave dhe sonte, 5 shtete nga 5 që ishin në garë.

Në vitin 1993 në një shpellë në Lamalunga  në zonën e Barit të Italisë, u gjetën mbetje skeletore të një Neandertali që kishte jetuar aty të paktën 130 mijë vjet më parë. Tani, dy paleoartistë, Adrie dhe Alfons Kennis, të cilët kanë realizuar edhe riprodhimin e mumjes së Oetzi të akullnajës Similaun,  kanë realizuar një model në madhësi natyrale të individit që u gjet, e që së shpejti do të ekspozohet në muzeun e zonës. Mbetjet u gjetën në një kompleks karstik, mes të cilave kafka e inkastruar mes stalaktiteve çka e ka bërë të vështirë marrjen e mostrës pa e dëmtuar.

Revista më e re shqiptare, e botuar në anglisht – Follow Business Albania (http://www.followbusinessalbania.com/) – më komisionoi sondazhin periodik ALBANIAN BUSINESS BAROMETER, edicionin e parë të të cilit e zhvillova në periudhen janar-mars. I përmbledhur në një fjali, ky sondazh tregon se në biznesin shqiptar, mbizotëron pesimizmi për vitin në vazhdim. Le ta zbërthejmë me më shumë fjalë këtë fjali.

Parashikimet për punësimin