Tërmeti në Japoni solli 600 viktima. Ai kishte magnitudë prej 6.5 ballësh me epiqendër në Kumamoto. Tërmeti ka provokuar dëme të mëdha materiale dhe këto pamje nga ajri dëshmojnë forcën e tij që është vërtet e frikshme.

Gjykata e Krimeve të Rënda ka shtyrë për të mërkurën dhënien e masës së sigurisë për Emiljano Shullazin, Blerim Shullazin dhe Gilmando Danin. Për këta persona “Prokuroria e Krimeve të Rënda ka Sipas Prokurorisë, ka ngriturr akuzat e “shkatërrimit të pronës me eksploziv”, ndaj shtetasit Jani Zaka (Arjan Zika), me qëllim kanosjen e tij për fitimin e pasurisë në mënyrë të padrejtë. Prokuroria përmend edhe një rast tjetër të referuar nga Shërbimi Informativ në Prokurorinë e Durrësit për përfshirjen e Emiljano Shullazit në pronësinë e ish-hotel “Vollgës”.

Partia Demokratike kërkoi në Komisionin e Medias shtyrjen e zgjedhjeve për Rektorin e Universitetit të Tiranës. Kreu i komisionit, Genc Pollo tha se kandidatja për rektore Klodeta Dibra është e politizuar dhe se në arsim ka ndërhyrje “Shullaziko-politiko” Ndërsa, deputeti demokrat, Luçiano Boçi tha se zgjedhjet kanë rënë dhe ministrja Nikolla duhet të gjejë zgjidhje. Sipas Boçit, studentët dhe pedagogët janë të pasigurtë për të votuar, ndaj zgjedhjet duhet të shtyhen. Në fund të mbledhjes, shumica në komision rrëzoi kërkesën e PD-së për të thirrur në seancë dëgjimore ministren e Arsimit.

Taulant Balla është një prej kandidatëve që mund të marrë drejtimin e Asamblesë, së Partisë Socialiste, post të cilin aktualisht e mban Gramoz Ruçi. Siç raporton gazeta "Shqip" Balla është një prej deputetëve më aktivë në PS, ku së fundmi ka qenë edhe zëri kryesor në përgjigje të pyetjeve dhe shqetësimeve të ngritura nga deputeti Ben Blushi për çështje të brendshme të partisë. Përveç Ballës, një tjetër deputet që lakmon këtë post është Koço Kokëdhima, i cili madje kishte përgatitur edhe një platformë për mënyrën e riorganizimit të PS-së të konceptuar si “Stina e re në PS”.

“Për kë terrorizëm flet Rama? Po na dënoni për t’i bërë qejfin Amerikës se nuk ju jep viza”, akuzoi ai. “Kërkoj prova të reja dhe që çështja të rihapet”-deklaroi Gerti Pashja në seancën ndaj imamëve të Unazës së Re që akuzohen për nxitës të urrejtes fetare dhe rekrutim të luftëtarëve në Siri.

Disa shkencëtarë italianë mendojnë se kanë gjetur një përgjigje shteruese për një nga misteret më të mëdha arkeologjike – strukturat dhe gjeoglifet masive në Peru. Në Nazca janë identifikuar gjeoglife masive të cilat paraqesin kafshë dhe bimë si dhe rreth 900 forma gjeometrike të krijuara mbi sipërfaqen e tokës. Këto janë artifakte të para nga ajri për herë të parë në vitin 1927 dhe për të cilat nuk dihet se përse janë realizuar.

Arkeologu Sandro de Maria nga Universiteti i Bolonjës propozon që për Butrintin të ndiqet e njëjta praktikë si me Pompein në konservimin e zbulimeve të bëra deri më tani. "Siti ka nevojë të studiohet, të dokumentohet, të monitorohet. Nuk duhet gërmuar më për të mos krijuar probleme të reja konservimi. Dalin në dritë struktura të reja, por ka probleme me ndërhyrjet e konservimit. Ndaj për mua është më mirë që më parë të studiojmë ato që janë gërmuar tashmë, të shihet se çfarë duhet restauruar e më pas mbase të bëhen kërkime të reja" thotë ai në një intervistë për Gazeta Shqiptare.

Asnjë argument bindës nuk gjendet për çdo prezantim shtesë të fesë në shkollë. Nuk i shërbejnë progresit as pritja me entusiazëm e këtij lajmi të qeverisë shqiptare nga Obama, nuk qëndron as justifikimi se kjo lëndë do mbrojë fëmijët nga viktimizimi xhihadist, i theksuar nga Rama; as ngërçet e stërkëmbsheve të krijuara nga besimet, nuk zgjidhen me këtë përkedhelje të re politike të tyre.

Një emigrant i kthyer nga Italia ka denoncuar në emisionin investigativ “Fiks Fare” drejtuesit e Bashkisë së Himarës për dhënien e një leje ndërtimi provizore në plazh, në këmbim të rryshfetit. Emigranti rrëfeu për emisioin sesi në Bashkinë e Himarës, përveç dokumentacionit i kërkuan të dorëzonte edhe dy zarfe me parà. Ai ka regjistruar bisedën me inxhinierin e bashkisë, Sokray Kreku, i cili luante dhe rolin e sekserit.

Kinostudio ka realizuar një film artistik mbi Enver Hoxhën në vitin 1985. Ky fakt është bërë publik nga regjizori Kristaq Mitro në rubrikën “Emocione” të shoë “E diell” në “Top Channel”. Mitro ka rrëfyer se filmi u realizua bashkë me regjizorin tjetër Ibrahim Muço dhe skenaristin Vath Koreshi.