Qeveria gjermane ka për qëllim të reduktojë në mënyrë drastike qasjen në përfitimet e mirëqenies sociale për emigrantët nga vendet e tjera të Bashkimit Evropian,  duke sinkronizuar hapat me Britaninë. Drafti, i cili është kritikuar me forcë nga opozita parashikon që emigrantët evropianë në Gjermani të cilët janë të papunë nuk mund të marrin ndihmë sociale nëse ata nuk kanë pesë vjet qëndrimi të ligjshëm në vend.

Anatole Kaletsky, kolumnist i njohur i “Times”, “The Economist”, “Reuters” etj., si dhe autor i një libri me ndikim me titull: “Capitalism 4.0: Lindja e një Ekonomie të Re si Rezultat i Krizës”, trajton në një opinion të vetin në “Project Syndicate” temën e lidershipit në Europë. Kaletsky i bashkohet zërave kritikë ndaj politikave gjermane të Angela Merkel, që i cilëson “dogmatike dhe konservatore”, duke shkuar më tej në përfundimin se rendja pas kursit gjerman do të çojë drejt shkatërrimit të Europës.

Presidenti i Republikës, Bujar Nishani ka zhvilluar sot një takim me sekretarin e Përgjithshëm të NATO-s, Jens Stoltenberg. Në njoftimin për shtyp që Aleanca ka shpërndarë thuhet se roli i Shqipërisë në misionet e NATO-s në Afganistan, Kosovë dhe si mbështetëse në Ukrainë, janë shumë të rëndësishme. Po kështu, Stoltenberg ka vlerësuar angazhimin e Shqipërisë në Irak, me pajisje dhe me trajnues të forcave speciale, ndërkohë që në planin politik, qëndrimi i vendit tonë në kuadër të Kartës së Adriatikut po ndihmon përfshirjen e Malit të Zi në aleancë.

Dobësia e Shqipërisë është proverbiale dhe nga kjo nuk e shpëton dot asnjë përpjekje për rregullim imazhi. “Politico” ka publikuar një hartë të forcës së vendeve të ndryshme, liderëve politikë, ambasadorëve të tyre në BE, duke marrë si kriter disa pika: stabiliteti i qeverisë, pasja e një strategjie, suksesi në një drejtim. Në këtë hartë Shqipëria renditet e fundit krahas Malit të Zi, bashkë me Kryeministrin Edi Rama dhe ambasadoren Suela Janina. Për ambasadorët janë dy kritere që vlejnë shumë: çfarë përvoje sjell dhe a janë përzgjedhje profesionale, apo besnikë politikë?

Zgjedhjet për rektorin e ri të Universitetit të Tiranës, u shoqëruan nga një situaë e rëndë dhe e paparashikuar. Kandidati për rektor, Mynyr Koni, u kërcënua dhe sipas denoncimit publik të ish-kryeministrit Sali Berisha, kërcënimin ndaj tij e kishte realizuar shtetasi Emiljano Shullazi. Që këtej edhe gjithë logoreja e deklaratave që solli arrestimin e shpejtë të Shullazit dhe një situatë të pakëndshme. Mirëpo sot, Koni, tashmë rektor i zgjedhur i Universitetit, ka dëshmuar në Prokurori, ku ka deklaruar se “nuk e mban mend fytyrën e kërcënuesve”, pasi “isha shumë i trembur”.

Dhoma e Përfaqësuesve në Shtetet e Bashkuara të Amerikës ka kaluar dje me konsensus Aktin mbi Privatësinë e E-mail-it. Ai u miratua në mënyrë unanime duke i kthyer në një nga aktet më konsensuale të Kongresit. Akti është një hap përpara në ruajtjen e privatësisë në komunikimin elektronik që mund të hapë një dritare për përshtatjen e tij edhe në vende të tjera, ku përgjimi, survejimi dhe aksesi në të dhëna është kthyer një problem real.

Në maj të vitit 2014 ishte shtrirë mbi Serbinë, Bosnje - Hercegovinën, Kosovën, Shqipërinë dhe Ballkanin fusha e presionit të ulët atmosferik "Ivet". Shiu binte pa ndërprerë... vërshimet katastrofale shkaktuan humbje prej miliarda eurosh në disa vende të Ballkanit. Ka pasur edhe viktima në njerëz.

Ndërsa në Shqipëri hapja e negociatave të anëtarësimit me  BE projektohet si një sukses dhe objektiv që varet vetëm nga një reformë, në Britani diskutohet bllokimi i anëtarësimit të disa vendeve që konsiderohen të rrezikshme, mes të cilave edhe Shqipëria.  Ministrja e  Brendshme e Britanisë, Theresa May u pyet nëse Britania duhet të lejojë vende si Shqipëria, Maqedonia, Mali i Zi, Serbia dhe Turqia të bëhen anëtare me të drejta të plota të Bashkimit Evropian.