Pas tragjedisë së Orlandos, ku në një lokal gaysh, u vranë 50 veta nga një person me origjinë afgane, në SHBA po diskutohet më së shumti për deklaratta e kandidatut republikan Donald Trump. Ky i fundit foli për radikalizimin islamik, për përjashtimin e myslimanëve etj., diçka që detyroi edhe drejtuesit e Partisë Republikane të distancohen. Por nuk është vetëm ky problemi. Nga një qasje “biblike” e artikuluar nga pastori Roger Jimenez i Kishës Baptiste të Sacramento-s në California, vrasjet janë të dobishme, pasi kemi të bëjmë me Sodomitë.

Shqipëria po merr pjesë në Ministerialin e Brukselit, ku ministrat e Mbrojtjes të vendeve të NATO-s po diskutojnë “mbi projektimin e stabilitetit përtej kufijve të NATO-s”. Ministrja e Mbrojtjes së Shqipërisë, Mimi Kodheli ka premtuar se vendi ynë do të dyfishojë numrin e trupave shqiptare që marrin pjesë në misionin e NATO-s në Afganistan “Resolute Support”. Po kështu ministrja ka përsëritur gatishmërinë e Shqipërisë për të marrë pjesë në operacionet në Egje me mjetet detare të vendit tonë.  

Dy anëtarët e grupit të njohur muzikor, “Led Zeppelin”, kitaristi Jimmy Page dhe këngëtari Robert Plant, do të japin shpjegimet e tyre para një gjykate në Los Angeles sa i përket këngës së njohur “Stairway to Heaven”. Ata janë paditur nga një fondacion që operon në emër të themeluesit të një grupi tjetër “Spirit” se kanë vjedhur notat hyrëse të këngës nga një këngë e tyre: “Taurus”, e publikuar në vitin 1967. Avokati i dyshes deklaroi se ata e krijuan “Stairway to Heaven” në mënyrë krejt të pavarur. Madje sipas tij, nuk ka të dhëna nëse ata e kishin dëgjuar ndonjëherë “Taurus”.

Sot paradite u bë e njohur se kryeministri i vendit Edi Rama ka kryer një vizitë në zyrën e aleatit të tij, Ilir Meta. Zyrtarisht shtë raportuar se është diskutuar për reformën, ndonëse mes dy parnerëve në koalicion nuk ka mbetur më çfarë të diskutohet për këtë çështje, pasi PS-ja dhe LSI-ja kanë rënë dakord për draftin. Çfarë është negociuar apo diskutuar mes të dyve? Kjo mbetet e panjohur.

Ardian Çipa, zv/drejtori i Përgjithshëm të Policisë së Shtetit për seksionin e Krimeve të Rënda, kërcënon prokurorët. Kështu pretendon ish-kryeministri Sali Berisha, i cili gjatë një bashkëbisedimi me gazetarët ka kërkuar nga Prokuroria që të nisë hetimet ndaj Çipës. “I bëj thirrje Prokurorisë të nisë menjëhërë hetimet kundër Ardian Çipës, një mercenar i ndyrë që kërcënon njëlloj si Shullazi, prokurorë të këtij vendi. Çështja tjetër e dënueshme ëshë ajo e një mercenari ndaj të cilit ligji duhet të veprojë me urgjencë: Ardian Çipa.

Kryetari i Bashkisë së Tiranës Erjon Veliaj, ka bërë sot një analizë të punës një vjeçare në krye të institucionit. “Rikthyem vlerësimin dhe besimin tek gjërat publike. Bilanci është transparencë për qytetarët tanë. Tirana pas një viti është shumë më e pastër dhe e gjelbër seç ishte një vit më parë. Vendosëm tualete portative publike. Kemi nevojë për investime në infrastrukturë e kulturë. Sot kërkohet që atdheun të mos e bëjmë pis. Ne po e bëjmë Tiranën si gjithë Europa. Tiranën nuk mund ta vandalizosh, bësh pis apo shkatërruar.

Një nga debatet e përsëritura më shpesh në skenën tonë publike gjatë këtyre 25 vjetëve, lidhet me një hap të hedhur nga Shqipëria në politikën e jashtme, qysh në fillimet e pluralizmit. Fjala është për anëtarësimin në Organizatën e Konferencës Islamike (OKI). Thelbi i debatit qëndron në temën nëse duhej bërë ky anëtarësim apo jo. Në rastin më të mirë, motivimi i këtij debati lidhet me qëndrueshmërinë e perspektivës perëndimore të vendit, shprehur nëpërmjet integrimit euroatlantik.

Si asnjë kryeministre tjetër, Angela Merkel është përpjekur t'i mbajë britanikët në BE. Dhe jo vetëm Kancelarja. Kjo nuk është për t'u çuditur, në rast të një Brexit Gjermania do të humbiste një partner të rëndësishëm.
Politikanët gjermanë zakonisht nuk duan të përzihen në debatin britanik. Ata druhen se me këtë do të forconin kampin e mbështetësve të daljes nga BE. Por ndërkohë, meqenëse në bazë të sondazheve të fundit një Brexit duket shumë i mundur, në Berlin po përhapet njëfarë paniku.

200 vjet bordell. Kandapara është i dyti për nga madhësia në Bangladesh, një vend mysliman që e lejon prostitucionin. Kandapara ndodhet në distriktin e Tangail dhe është rindërtuar me ndihmën e një OJQ-je, pasi u shkatërrua në vitin 2014. Shumë femra që punojnë aty, kanë lindur dhe jetojnë në bordell. Sandra Hoyn sjell disa foto që janë dëshmi e asaj që ndodh në një shtëpi publike ku punojnë edhe vajza 12-14 vjeç, që i përkasin një “madame”. Ka që vijnë aty me dëshirë për të punuar, pasi në Bangladesh një mashkull nuk mund të kryejë marrëdhënie seksuale para martesës.

Në prag të samitit të Varshavës të NATO-s, po publikohen disa mendime dhe ide mbi atë që duhet të jetë përgjigja e Aleancës ndaj kërcënimeve që janë identifikuar prej saj në Lindje. Në një analizë të publikuar në “Carnegie”, një think tank me shumë peshë, vihet theksi te krahu jugor i NATO-s, ku bën pjesë edhe Shqipëria.