Fotot që paraqiten këtu janë realizuar vitin e kaluar nga Elton Gllava, fotograf me banim në Itali. Bulqiza, një vend i pasur, por i mbetur në kohë, me njerëz që për disa “përfaqëson një geto sociale”. Është një vend prej nga ku pak lajme pozitive dëgjohen. Autori ka dashur të evidentojë siç thotë vetë “arketipin” e mbetur në këtë rajon të Shqipërisë, duke e përcjellë dashamirësinë e vet edhe në fotografi, të cilat nuk e fshehin realitetin, por as nuk përpiqen te jenë aq reale sa ç'është Bulqiza e varfër në perceptimin tonë.   

Ministria e Financave ka publikuar treguesit fiskalë paraprakë të pesëmujorit 2016. Sipas njoftimit zyrtar, pesëmujori i parë i vitit 2016 ka shënuar një performancë tejet të mirë të të ardhurave të cilat në total, kanë rezultuar 163.8 miliardë lekë, me një realizim 100% të planit të periudhës. Përmirësim ka edhe në shpenzimet buxhetore.

Pas tragjedisë së Orlandos, ku në një lokal gaysh, u vranë 50 veta nga një person me origjinë afgane, në SHBA po diskutohet më së shumti për deklaratta e kandidatut republikan Donald Trump. Ky i fundit foli për radikalizimin islamik, për përjashtimin e myslimanëve etj., diçka që detyroi edhe drejtuesit e Partisë Republikane të distancohen. Por nuk është vetëm ky problemi. Nga një qasje “biblike” e artikuluar nga pastori Roger Jimenez i Kishës Baptiste të Sacramento-s në California, vrasjet janë të dobishme, pasi kemi të bëjmë me Sodomitë.

Shqipëria po merr pjesë në Ministerialin e Brukselit, ku ministrat e Mbrojtjes të vendeve të NATO-s po diskutojnë “mbi projektimin e stabilitetit përtej kufijve të NATO-s”. Ministrja e Mbrojtjes së Shqipërisë, Mimi Kodheli ka premtuar se vendi ynë do të dyfishojë numrin e trupave shqiptare që marrin pjesë në misionin e NATO-s në Afganistan “Resolute Support”. Po kështu ministrja ka përsëritur gatishmërinë e Shqipërisë për të marrë pjesë në operacionet në Egje me mjetet detare të vendit tonë.  

Dy anëtarët e grupit të njohur muzikor, “Led Zeppelin”, kitaristi Jimmy Page dhe këngëtari Robert Plant, do të japin shpjegimet e tyre para një gjykate në Los Angeles sa i përket këngës së njohur “Stairway to Heaven”. Ata janë paditur nga një fondacion që operon në emër të themeluesit të një grupi tjetër “Spirit” se kanë vjedhur notat hyrëse të këngës nga një këngë e tyre: “Taurus”, e publikuar në vitin 1967. Avokati i dyshes deklaroi se ata e krijuan “Stairway to Heaven” në mënyrë krejt të pavarur. Madje sipas tij, nuk ka të dhëna nëse ata e kishin dëgjuar ndonjëherë “Taurus”.

Sot paradite u bë e njohur se kryeministri i vendit Edi Rama ka kryer një vizitë në zyrën e aleatit të tij, Ilir Meta. Zyrtarisht shtë raportuar se është diskutuar për reformën, ndonëse mes dy parnerëve në koalicion nuk ka mbetur më çfarë të diskutohet për këtë çështje, pasi PS-ja dhe LSI-ja kanë rënë dakord për draftin. Çfarë është negociuar apo diskutuar mes të dyve? Kjo mbetet e panjohur.

Ardian Çipa, zv/drejtori i Përgjithshëm të Policisë së Shtetit për seksionin e Krimeve të Rënda, kërcënon prokurorët. Kështu pretendon ish-kryeministri Sali Berisha, i cili gjatë një bashkëbisedimi me gazetarët ka kërkuar nga Prokuroria që të nisë hetimet ndaj Çipës. “I bëj thirrje Prokurorisë të nisë menjëhërë hetimet kundër Ardian Çipës, një mercenar i ndyrë që kërcënon njëlloj si Shullazi, prokurorë të këtij vendi. Çështja tjetër e dënueshme ëshë ajo e një mercenari ndaj të cilit ligji duhet të veprojë me urgjencë: Ardian Çipa.

Kryetari i Bashkisë së Tiranës Erjon Veliaj, ka bërë sot një analizë të punës një vjeçare në krye të institucionit. “Rikthyem vlerësimin dhe besimin tek gjërat publike. Bilanci është transparencë për qytetarët tanë. Tirana pas një viti është shumë më e pastër dhe e gjelbër seç ishte një vit më parë. Vendosëm tualete portative publike. Kemi nevojë për investime në infrastrukturë e kulturë. Sot kërkohet që atdheun të mos e bëjmë pis. Ne po e bëjmë Tiranën si gjithë Europa. Tiranën nuk mund ta vandalizosh, bësh pis apo shkatërruar.

Një nga debatet e përsëritura më shpesh në skenën tonë publike gjatë këtyre 25 vjetëve, lidhet me një hap të hedhur nga Shqipëria në politikën e jashtme, qysh në fillimet e pluralizmit. Fjala është për anëtarësimin në Organizatën e Konferencës Islamike (OKI). Thelbi i debatit qëndron në temën nëse duhej bërë ky anëtarësim apo jo. Në rastin më të mirë, motivimi i këtij debati lidhet me qëndrueshmërinë e perspektivës perëndimore të vendit, shprehur nëpërmjet integrimit euroatlantik.

Si asnjë kryeministre tjetër, Angela Merkel është përpjekur t'i mbajë britanikët në BE. Dhe jo vetëm Kancelarja. Kjo nuk është për t'u çuditur, në rast të një Brexit Gjermania do të humbiste një partner të rëndësishëm.
Politikanët gjermanë zakonisht nuk duan të përzihen në debatin britanik. Ata druhen se me këtë do të forconin kampin e mbështetësve të daljes nga BE. Por ndërkohë, meqenëse në bazë të sondazheve të fundit një Brexit duket shumë i mundur, në Berlin po përhapet njëfarë paniku.