Gazeta “shqiptarja.com” raporton se Gjykata e Lartë ka vendosur pezullimin e ndërtimit të pallatit 17 katësh te Diga e Liqenit në Tiranë. Vendimi është marrë nga Gjykata e Lartë që sipas burimeve të cituara nga kjo gazetë ka rrëzuar vendimin e Gjykatës Administrative, e cila nga ana e vet pezullonte urdhër pezullimin që Instituti i Monumenteve kishte lëshuar për pallatin. Një odise e pakuptimtë ligjore ku firmat e institucioneve të ndryshme përplasen, bëhen e zhbëhen, ndërkohë që faturën e paguan biznesi në fjalë, por edhe mjedisi.

Miratimi me konsensus i reformës në drejtësi u përshëndet nga Përfaqësuesja e Lartë e BE-së për Politikë të Jashtme dhe Siguri, Federika Mogerini, dhe komisioneri europian për Politikat Evropiane të Fqinjësisë dhe Negociatave për Zgjerim, Johanes Han. Ata vlerësuan forcat politike që arritën konsensusin për një vendim të tillë historik, dhe theksuan se i rëndësishëm është zbatimi i saj.

Pas 18 muajsh konsultime dhe sidomos investimit & presionit të pashembullt perëndimor ndaj liderëve politikë reforma në drejtësi është duke u kaluar. Me siguri, militantët e palëve do thurin lavde për shefat e tyre. E kanë bërë dhe do ta bëjnë, pasi është e vetmja gjë që dinë të bëjnë. Por nëse ka një moment turpi në politikën shqiptarë, nëse ka një moment dështimi të elitave politike është pikërisht ky i sotmi: ata nuk janë heronjtë e ditës, ata janë turpi ynë dhe fatkeqësia jonë periodike.

Mbyllja e reformës në drejtësi hap një front të ri për opozitën. Kryetari i PD-së, Lulzim Basha pasi përshëndeti marrëveshjen tha se aksioni i radhës i opozitës, do të përqëndrohet në reformën zgjedhore.

LSI do të qëndrojë në qeveri, pavarësisht zhvillimeve që vunë në pikëpyetje koalicionin e majtë. Të paktën këtë konfirmoi Ylli Manjani për Opinion, kur u pyet nëse LSI do të ndërmarrë një mocion mosbesimi ndaj kryeministrit Rama. "Në dijeninë time më të mirë jo, s’kemi histori, skenarë me vijë apo prapavijë.

Pas miratimit në Kuvendin e Shqipërisë, ambasadori amerikan ka dalë me këtë deklaratë: "Miratimi i reformës në drejtësi, mbi të gjitha, është një fitore për popullin shqiptar. Përkushtimi juaj e ka bërë Shqipërinë një vend më të drejtë dhe më demokratik. Përgëzoj parlamentin për gjetjen e konsensusit nën trysni jashtëzakonisht të madhe.

Në ditët që do të vijnë, ka gjasa të mëdha qe Berisha, Basha etj. të mundohen të bindin publikun, se falë qëndresës së tyre, Rama u tërhoq nga një draft i reformes ne drejtesi, që kishte këtë e atë të keqe.