Viti zgjedhor 2017 do të shënojë një rritje të fortë të shpenzimeve qeveritare për investime publike. Këshilli i Ministrave ka miratuar buxhetin afatmesëm 2017-2019, ku bie në sy se shpenzimet për rrugë, shkolla, ujësjellës e kanalizime do të rriten me 8.5% vitin e ardhshëm.
Për të tre vitet e qeverisjes së koalicionit shpenzimet për vepra publike kanë qenë mjaft të ulëta. Viti 2016 shënoi edhe kuotën më të ulët të tyre për 6 vitet e fundit, duke qenë se shpenzimet kapitale ranë në 59 miliardë lekë.

Mes LSI dhe PS ka nisur një lojë deklaratash dhe kundërdeklaratsh pas divorcit publik të paktën sa i përket reformës në drejtësi, ku partia e Ilir Metës doli kundër variantit të qeverisë dhe mbështeti kauzën e opozitës. Përflitet se dy partnerët në koalicion kalojnë ditë të vështira, por qëndrojnë formalisht në pushtet për të mos humbur pozitat. Në këtë kontekst marrin kuptim edhe deklaratat nga të dyja krahët për pakënaqësi ndaj njërës-apo tjetrës palë.

Prej gati dy javësh e pacientët e sëmurë me tuberkuloz në spitalin e Universitare "Shefqet Ndroqi" vuajnë mungesën e medikamenteve. Sipas mjekëve, mungesa e ilaçeve nuk ka të bëjë me mungesën e fondeve, por janë firmat ato të cilat nuk kanë interes, për shkak të fitimit të vogël, që të sjellin këto lloj ilaçesh, ndërsa Ministria e Shëndetësisë i ka dhënë zyrtarisht këtë përgjigje "Gazeta Shqiptare".

"Kundër grushtit të shtetit, por edhe kundër diktaturës". Me këtë parullë mijëra turq dolën në sheshin Taksim të Stambollit, për të shprehur kundërshtinë ndaj tentativës për grusht shtetit, por edhe për të kontestuar mënyrën sesi Erdogan reagoi në kundërpërgjigje të "puçistëve", duke kryer arrestime dhe shkarkime në grup në radhët e ushtrisë, drejtësisë dhe arsimtarëve.
Tubimi ishte një nismë e Partisë Popullore Republikane, të cilës iu bashkua edhe Partia për Drejtësi dhe Zhvillim në pushtet.

Një tjetër sulm ka ndodhur sot në Gjermani, pas atij në Munih. 1 person ka vdekur dhe 11 janë plagosur në Nuremberg si pasojë e shpërthimit të një pajisjeje në një restorant në Ansbach.  Mediat raportuan për rrjedhje gazi, por kryetari i Bashkisë, Karda Seidel, ka deklaruar se bëhet fjalë për sulm terrorist. Sipas disa raportimeve thuhet se i vdekuri është personi që ka ndërmarrë sulmin vetëvrasës. 

Disa media turke e lidhin zjarrin me mundësinë e një "sabotimi antiamerikan".

Byroja Federale e Hetimit – FBI – “i ka vënë drynin” faqes së njohur dhe të shumëpërdorur në botë “KickassTorrents”, e konsideruar si faqja më e madhe për shpërndarëse materialesh. Ajo ishte nën administrim të 30 vjeçarit ukrainas, Artem Vaulin, një pirat kibernetik dhe renditej e 69 në internet me më shumë se 50 milionë vizitorë çdo muaj. Nga një përllogaritje e bërë studiot e muzikës dhe të filmave humbisnin nga kjo faqe, pra nga oferta fala ilegale e saj, më shumë se 1 miliardë dollarë.

Izraeli thyen rekordet në militarizimin e vet me një blerje të fundit që është shtruar për diskutim në mediat vendase. “Haaretz”, një gazetë e majtë kritike ndaj qeverisë aktuale, shkruan se ekzekutivi izraelit ka mbyllur blerjen e 33 njësi F-35, avionë supersonikë të cilët janë më të shtrenjtët të prodhuar ndonjëherë në kategorinë e vet. Vlera një njësie është 153 milionë dollarë dhe blerja e TelAvivit shkon në miliarda dollarë.

Grushti i shtetit në Turqi po ravijëzohet qartë si sebepi i shkatërrimit final të asaj që mund të quhej shpresa e një demokracie në këtë vend. Ndonëse janë çështje që i përkasin autoriteteve turke, legjitime si të tilla, disa akte të fundit, shoqëruar me deklaratat e presidentit Reçep Tayyip Erdogan, kanë krijuar jo pak pështjellim.

Ministria e Kulturës deklarohet e vendosur që të ndjekë të gjithë hapat ligjorë për sa i përket çështjes së hapur me kalanë e Lezësh. Rruga që mbetet është vijimi i procesit gjyqësor, të cilin siç shprehet sekretarja e Përgjithshme e Ministrisë, do të ndiqet edhe në deri në Gjykatën Kushtetuese. “Ministria e Kulturës do të vazhdojë të ndjekë të gjitha hapat ligjore të parashikuara në lidhje me kundërshtimin e vendimeve të Gjykatës së Apelit, duke iu drejtuar Gjykatës së Lartë e po të jetë e nevojshme edhe Gjykatës Kushtetuese apo dhe më larg.