Gjykata e Apelit të Vlorës ka urdhëruar lirimin nga burgu të biznesmenit Fatmir Kuci, i dyshuar si personi që me skafin e tij dëmtoi për vdekje turistin rus, Denis Kiamov në plazhin e Himarës. Ndryshimi i masës erdhi pasi Prokuroria e Policia nuk arritën të provojnë se ai është autori i dëmtimit me skaf të turistit rus.

BBC publikon sot në intervistë me historianin britanik Steve Long rreth operacioneve të shërbimeve sekrete britanike dhe amerikane në Shqipëri në vitet ’50 të shekullit të kaluar. Long sugjeron që panorama duhet parë në tërësi dhe Sigurimi i Shtetit duhet kredituar për aftësinë e tij në zbulimin dhe goditjene grupeve diversioniste. Sipas Long Kim Philby është përdour më shumë si një alibi për dështimin e CIA-s dhe MI6 në Shqipëri, meqenëse spiuni i famshëm e bënte më të justifikueshme humbjen sesa atribuimi i saj Sigurimit shqiptar.

Gushti i këtij viti do mbahet mend për kanibalizmin e pashoq ndaj 12 vjeçarit Andrea Zani në Palasë, koka e të cilit u shëtit në fshat për më shumë se 2 orë nga xhaxhai i tij, i sëmurë mendor. Është nga ato ngjarje që të lë pa fjalë dhe që ngre pikëpyetje shumë serioze lidhur me aftësitë tona humane për të bashkëjetuar me garancitë që të jep një shtet si ky i yni.

Ilir Meta doli sot “rastësisht” me një prononcim të radhës në “Report Tv”. I pyetur për zhvillimet e fundit, nenin për mediat dhe SPAK-un, kreu i LSI-së është përgjigjur se do të ketë përmirësime. Duke kërkuar të shesë qetësinë pas stuhisë, Meta, njësoj si kolegu i tij kryeministër, ia ka faturuar fantazisë së mediave idenë e përçarjes me PS-në. Tha Ilir Meta: “Këto zëra asnjëherë nuk do të pushojnë edhe kur takohemi drejtpërdrejtë edhe kur komunikojmë në distancë.

Sot ka zhvilluar punimet Komisioni i Posaçëm për Reformën në Drejtësi. Një çështje që duket se u “harrua” nga opozita është prezenca në të e Fatmir Xhafës, drejtues i tij dhe përfaqësues i Partisë Socialiste. Për gati një javë, PD-ja akuzoi qeverinë, kryeministrin personalisht, se po fshihnin një kërkesë ekstradimi për Agron Xhafën, të vëllanë e drejtuesit të komisionit. PD-ja dhe kryetari i saj e akuzuan Agron Xhafën për përfshirje në trafikun ndërkombëtar të drogës duke kërkuar për këtë arsye largimin e Xhafës nga komisioni.

Presidenti i Serbisë, Tomislav Nikoliç, ka deklaruar se një monument për Sllobodan Millosheviçin, nuk do ta përçante popullin serb, por do ta bashkonte atë. I pyetur nga tabloidi “Kurir”, Nikoliç, ka sqaruar se “mendon njësoj si të gjithë në Serbi”. Presidenti serb ka shtuar po ashtu se kjo çështje nuk është juridiksionin e tij ndërkohë që ka lënë të kuptohet se reagime do të ketë. “Ata që po përdhosin çdo gjë në Serbi nuk do të lënë pa përdhosur as monumentin e Sllobodan Millosheviçit”, tha Nikoliç, në një aludim të qartë për rrymën filoperëndimore në këtë vend.

Neni 13 i ligjit për Strukturën e Posaçme Antikorrupsion do të ndryshojë. Sot fatmnir Xhafa dhe Petrit Vasili, dy përfaqësues të koalicionit qeverisës për reformën në drejtësi kanë përcjellë qëndrimet e tyre për këtë çështje. Vasili i LSI-së ka deklaruar se neni 13, që flet për “influencat e papërshtatshme” në punën e prokurorëve duke përfshirë edhe mediat, nuk ka qenë në draftin e parë. Një pohim që nuk ngre asnjë pikëpyetje për autorësinë e tij të qartë dhe metodën e përfshirjes së nenit, ashtu si prej skuthi.

Një video nga Halepi i Sirisë po qarkullon në internet si një ilustrim i asaj që kjo luftë po shkakton. Edhe pse trajtimi i këtillë i viktimave ka një dozë cinizmi brenda, pse afirmon një solidaritet thjesht virtual, duhet thënë se pamjet provojnë absurditetin e luftës në Siri.

Watch just this clip & when finished watch it again pic.twitter.com/cLXZ1TxhjO