Para disa ditësh u bë e njohur ekzistenca e një raporti të Kontrollit të Lartë të Shtetit, në zotërim ky edhe nga Prokuroria e Përgjithshme, sipas të cilit në Bankën e Shqipërisë janë konstatuar 21 milionë dollarë dëm. Kjo u lidh me çështjen Fullani, ish-guvernatori i përfshirë në skandalin e vjedhjes së 713 milionë lekëve. Fullani doli i pafajshëm, por raporti i KLSH-së flet për 21 milionë dollarë dhe kjo detyron rihapjen e hetimeve si dhe një hetim brenda vetë prokurorisë që nuk ka lëvizur gishtin për këtë gjë.

Qeveria shqiptare duket se do të ketë një tjetër përballje ligjore me investitorët vendas e të huaj. Një VKM e qeverisë  që i detyron konçesionarët në fushën e energjisë së rinovueshme që të prishin kontratat e lidhura me KESH sh.a dhe të nënshkruajnë një kontratë të re me OSHEE kanë ngjallur reagimin e ashpër të Shoqatës Shqiptare të Energjisë së Rinoveshme.

Majkëll Felps mund të quhet sportisti më i mirë olimpik i të gjitha kohërave.  Notari amerikan fitoi mbrëmë medaljen e 22 të artë në garën olimpike 200  metra stil i përzier. Ai bëhet kështu sportisti i vetëm që ka fituar 4 medalje të arta olimpike në të njëjtën disiplinë. Amerikani nisi vrullshëm gara dhe përfundoi i pari me kohën 1 minutë, 54 sekonda e 66 të qindat.

Mevlut Çavusoglu ftoi Rusinë të kryejë operacione të përbashkëta me Turqinë kundër Shtetit Islamik në Siri. Deklaratat e Çavusoglu në lidhje me operacionet e përbashkëta turko-ruse kundër Shtetit Islamik në Siri vijnë pas takimit mes Rexhep Tajip Erdogan dhe Vladimir Putin në Shën Petersburg, ku të dyja palët folën për një ri fillim të ri pas krizës diplomatike që shkaktoi rrëzimi i avionit luftarak rus nga forcat turke në Siri.

Ja se çfarë deklaronte më 27 prill të këtij viti kryeministri lidhur me debatin për projektin e stadiumit të ri: "Per qorrat qe s’duan te hapin syte, po hapin vetem gojen per te baltosur çdo ide, projekt, pune dhe tani i jane turrur Shtepise se Re te Kombetares, s’ka asnje ilaç! Por per te gjithe ata qe duan te shohin se si do te ruhet fasada e “Qemal Stafes” (e vetmja gje me vlere ne ate germadhe), ja projekt-ideja e integrimit te saj ne zemren e Arenes Kombetare, ku do te jete edhe Muzeu i Kuqezinjve.

Zamir Velaj është viktima e parë e daljes nga kontrolli të një 47 vjeçari, të cilit OSHEE i kishte ndërprerë energjinë elektrike për çështje borxhesh. Një krim në kufijtë e urrejtjes ndaj shtetit. Këtë e konfirmon dinamika e krimit pasi sipas raportimit nga Shkodra  “mësohet se autori e ka qëlluar disa herë me thikë viktimën duke i shkaktuar plagë të rënda në pjesën e gjoksit dhe të barkut, e për pasoj nga prekja e organeve jetike viktima nuk ka mundur t’u mbijetoj plagëve.

Deputeti i PD-së, Sherefedin Shehu do të jetë kandidati i Partisë Demokratike për zgjedhjet që do të mbahen në 11 shtator në Bashkinë e Dibrës. Emri i tij konfirmohet nga selia blu që mesa duket ka zgjidhur kontradiktat e degës lokale, duke vendosur kandidimin e një deputeti. Në qeverisjen e Partisë Demokratike, Sherefedin Shehu ka mbajtur edhe postin e zv/ministrit të Ekonomisë. Nga krahu tjetër PS nuk ka ende një emër për zëvendësuesin e mundshëm të Shukri Xhelilit.

Afrimi i ri mes Turqisë dhe Rusisë, konfirmuar me vizitën e presidentit turk, Erdogan në Moskë, ka riaktivizuar projektet energjetike mes të dyja vendeve. Në takimin e para disa ditëve, Erdogan dhe presidenti rsu, Putin, kanë rënë dakord për të rivënë në lëvizje projektin ruso-turk të gazit, që zëvendësonte Rrymën Jugore, të rrëzuar me ndikimin e BE-së.  Ambicie për rigjallërimin e projekteve të gazit i është bashkuar edhe Bullgari, teksa kryeministri i saj, Boyko Borisov, deklaroi para disa ditësh se ka rënë dakord me Rusinë që të “ringjallë Rrymën Jugore, që kalon mes Detit të Zi”.