Opozita ka paraqitur sot opinionin e saj për Ligjin e Prokurorisë Speciale, e njohur ndryshe si SPAK, organ që  hetojë çështjet e korrupsionit të zyrtarëve të Lartë. Relacioni pasqyron disa kundërshti që kanë të bëjnë me varësinë e strukturave të kësaj Prokurorie nga qeveria apo agjencitë në varësi të saj.

Shëndeti i Hillary Clinton është bërë një çështje në SHBA. Aq sa disa media po dëshmohen thuajse të pamëshirshme në kërkimin e çdo hollësie që mund të orientojë drejt idesë se ajo ka fshehur diçka për shëndetin.

Ka një përpjekje për të mbuluar, në mos mohuar fare përgjegjësitë politike të PD-së dhe Lulzim Bashës në humbjen e Dibrës. Arsyet që jepen janë po ato: votat u blenë, hashashi që është ekonomi dhe presion bëri punën e vet etj.. Vetë kryetari i PD-së, Basha, foli sot për aleancën e krimit me politikën. Më herët kryeministri Edi Rama falënderoi dibranët, njësoj si aleati i tij i preferuar PDIU, ndërkohë që LSI-ja nuk ka një qëndrim për zgjedhjet, ndonëse formalisht ishte në krahun e PS-së.

Le t’u hedhim një sy shifrave:

Prononcim i Kryetarit të Partisë Demokratike Lulzim Basha pas mbledhjes së grupit.

Grupi Parlamentar i Partisë Demokratke është mbledhur sot për herë të parë që nga zgjedhjet e Dibrës. U përfolën debate e kërkesa për mbledhje të forumeve, por pas tij, kryetari i partisë, Lulzim Basha përcolli mesazhin politik të vijës së deritanishme që e lidh humbjen me faktorë jashtëpolitikë.

Sot u shfaq para mediave ministri i Brendshëm, Sajmir Tahiri. Duke lënë pas skandalet e përgjimeve dhe të drogës që lulëzon, ministri që akuzohet se është ushtar i njerëzve të ndryshëm të botës së krimit, u kujtua për sigurinë e qytetarëve. Dhe për ta garantuar atë, Sajmir Tahiri nuk di të propozojë asgjë tjetër përveçse, të shtojë gjobat dhe të kërkojë një tender për kamerat, ky i fundit me probleme serioze në ruajtjen e privatësisë.

Supermarketet “Spar” do të jenë së shpejti prezente në Shqipëri. Lajmi bëhet i ditur nga “European Supermarket Magazine” sipas së cilës licenca është marrë nga grupi “Balfin”, i drejtuar nga biznesmeni Samir Mane.

Media serbe “B92” i ka kushtuar sot një hapësirë një libri të ri që flet për historinë e afërt politike të serbëve në shtetin e përbashkët me sllavët e tjerë të jugut dhe popuj të tjerë. Libri ka për autor Borislav Joviç, ish-president i Jugosllavisë dhe titulli i tij jep mesazhin e qartë: “Si serbët humbën një shekull – fati tragjik i serbëve në shtetin e përbashkët”.

Me shqetësimin se Bashkimi Europian po përballet me një krizë të ekzistencës së tij, Presidenti i Komisionit Europian, Zhan Klod Junker hapi sesioin e ri të Parlamentit Europian, në një epoke të re për Unionin pas daljes së Britanisë së Madhe nga blloku. Ai tha se shkëputja e Britanisë nuk kërcënon unitetin e Europës, por paralajmëroi se 12 muajt e ardhshëm do të jenë të vështirë.

Pavarësisht ankesave të shumta që vijnë nga të gjithë kandidatët e interesuar për të ndjekur studimet në një program të arsimit të lartë gjatë vitit akademik 2016-2017, qeveria, me një kokëfortësi të habitshme, shoqëruar me justifikime që nuk do i bënin nder as edhe një diletanti, mbron sistemin e përzgjedhjes.