Robert Elsie publikon së fundmi në faqen e tij një raport të August Schmidhuber, komandant i Divizionit SS të shqiptarëve të Kosovës, i hartuar në 2 tetor 1944 në Bavari. Raporti vjen pra pak javë nga largimi i trupave gjermane nga territori i Shqipërisë dhe aty siç dihet tanimë, konsideratat gjermane për rekrutët dhe cilësinë e divizion “Scanderbeg” janë jo shumë të larta.

Autoriteti i Mbikëqyrjes Financiare befason sërish. Rritja e çmimit të sigurimit të makiave solli luhatjen e AMF-së që dha disa mendime duke u shfaqur kështu si nje ent që nuk di çfarë të bëjë. Së fundmi raportohet se AMF ka menduar të gjobisë kompanitë.

"Autoriteti i Mbikqyrjes Financiare ka vendosur të gjobisë kompanitë e sigurimit pas rritjes së cmimit të njëllojtë që ata u bënë policave të sigurimit të automjeteve në gusht. Masa e gjobës që mund të shkojë deri në 10 për qind të xhiros pritet të saktësohet pas zbardhjes së vendimit", raporton "TemaTv".

Vala e spastrimeve pas grushtit të shtetit në Turqi, nuk ka të ndalur. BBC-ja raporton se së fundmi janë pushuar 13 mijë policë vetëm për diçka më shumë sesa dy muaj që nga korriku. Mes policëve janë edhe 2500 oficerë ndërkohë që autoritetet njoftojnë se gjendja e jashtëzakonshme e vendosur në korrik përfundon më 19 tetor.

Sot disa media pranë qeverisë kanë përcjellë në mënyrë identike një replikë të kryeninistrit në Facebook me një qytetar mbi lejet e ndërtimit të hidrocentraleve. Shprehet kryeministri Edi Rama:

“Kemi anulluar plot e plot, por jo pasi janë mbyllur kontratat, sepse për një kontratë të mbyllur, shteti duhet të paguajë në arbitrazhe ndërkombëtare shumë më tepër se sa çfarë mund ta imagjinosh në ëndrrën më të keqe”.

David Thouless, Duncan Haldane dhe Michael Kosterlitz shpërblehen për kërkymet e tyre në fushën e materies. Tre shkëncëtarët britanikë u nderuan me çmimin Nobel në fizikë. "Zbulimet e tyre çuan në progresin e të kuptuarit teorik të mistereve të materies dhe krijimin e perspektivave të reja për zhvillimin e materieve të reja"-thuhet në njoftimin e akademisë suedeze të Nobelit.

Kryeministrit grek Aleksis Tsipras i është shtuar edhe një kokëçarje tjetër, teksa sondazhet e fundit paraqesin në mënyrë konstante një rënie drastike të popullaritetit të qeverisë. Sondazhi i kryer për llogari tw gazetws Avgi ka rezultuar se vetëm 14% e qytetarëve vlerësojnë si më të mirë një qeverisje të SYRIZA-s me grekët e Pavarur, siç është koalicioni aktual që drejtohet nga Aleksis Tsipras.

Reforma e re territoriale që reduktoi numrin e njësive vendore nga rreth 360 në vetëm 60 njësi nuk ka sjellë rezultatet e pritshme për të kursyer rreth 80 milionë euro në formën e shpenzimeve për pagesat e personelit, por përkundrazi i ka rritur edhe më tej ato.

Në kulmin e debatit për ligjin e importit të mbetjeve që u miratua nxitimthi dhe që shumica refuzon ta çojë në referendum, qeveria jep një prove tjetër se e ka të vështirë të vërë interesin e publikut para llogarive ekonomike që dalin nga shfrytëzimi i resurseve natyrore.