Ofensiva amerikano - irakene në Mosul ka evidentuar njëanshmërinë e mediave në Perëndim, të cilat njësoj si mediat ruse, heshtin për arritjet e kundërshtarëve. Lufta e Sirisë po konfirmon kështu atë lojë të medias, larg misionit të vërtetë e që po duket kaq shëmtuar sidomos në zgjedhjet presidenciale amerikane. 

Një mercenar rus, Arseniy Pavlov, i njohur me nofkën “Motorola” është vrarë dje në Donetsk të Ukrainës. Kreu i separatistëve ukrainas, Denis Pushilin e cilësoi vrasjen nga shpërthimi si një akt terrorist dhe akuzoi për të forcat ukrainase. Tragjikomedia e këtij akti vijon kur kreu i republikës së vetëshpallur në Ukrainë, Alexander Zakharchenko, e cilësoi vrasjen e një mercenari si akt lufte nga Kievi.

"Millo nuk ka rënë, e kur do të bie nuk dihet". Ky është një citat i përshtatur nga seriali dikur shumë i njohur televiziv në Mali të Zi për "Gjeknën", që pasqyronte në mënyrën më të mirë mentalitetin malazez.

Zgjedhjet e ardhshme do të jenë testi vendimtar por opozitën, por edhe basti personal i Lulzim Bashës për t’u rikonfirmuar si kryetar i Partisë Demokratike. Teorikisht opozita ka folur për mungesë garancish teknike që i pamundësojnë asaj pjesëmarrjen si e barabartë në zgjedhje, por edhe për pengesa të karakterit politik që lidhen me implikimin e strukturën shtetërore në blerjen e votës.

Përballja e fundit mes aktorëve politikë e mediatikë të Kosovës dhe kryeministrit të Shqipërisë Edi Rama, na mëson diçka më shumë, ose bën të njohur mënyrën sesi ky i fundit kalon nga transparenca e gabimeve të tij.

Në fillim foli Berat Buzhala dhe ai u publikua në mediat e ndryshme të Shqipërisë. Buzhala hodhi në fakt një status në Facebook, pra jo një shkrim, por sërish ai u mor si qëndrim publik. Nga Tirana nuk pati ndonjë reagim; heshtje si konveniencë apo ndoshta pse kryeministri ishte në kulmin e suksesit në Beograd.

Zbuluesit dhe promovuesit e 'kombit kosovar' nisen nga nje keqperkthim, ose perkthim preferencial te reduktuar te nocioneve perendimore te fjaleve 'nation' dhe 'nationality', me gjithe reduktimin e koncepteve percjellese te ketyre dy fjaleve. Ne gjuhen shqipe fjala komb ka disa kuptime, ky ngaterresa e dy prej tyre eshte burim i "sherrit". Fjalori i gjuhes shqipe veçon si paresor kuptimin qe mbi nje shekull nenkupton bashkesine e gjuhes dhe etnise te nje populli - nuk po e citoj ne detaje - qe jo domosdoshmerisht jeton ne nje shtet.

Operacionin e vështirë për marrjen e Mosulit ka shpallur kryeministri i Irakut  Haider al-Abadan, duke synuar likujdimin e ISIS me ndihmën edhe të forcave amerikane. Pentagoni e ka përshëndetur këtë vendim duke deklaruar se Shtetet e Bashkuara janë krenare që janë përkrah aleatëve të tyre irakienë. Në operacion do të marrin pjesë edhe militantë kurdë dhe milicia shiite.

Rai3 ka vijuar trajtimin e çështjes së kultivimit dhe trafikimit të dorgës nga Shqipëria. Televizioni i është drejtuar me disa pyetje Prokurorit Cataldo Motta, Shefi i Antimafias në Leçe. Ai vlerëson se Pulia është bërë porta hyrëse e droogës së lehtë në Europë, për shkak se Shqipëria ka hyrë në rrugëne e të qenit furnizuesja kryesore. Të paktën siç shprehet Motta për Rai3, bashkëpunimi me autoritetet shqiptare nuk është ai i duhuri, duke hedhur poshtë kështu pretendimet e palës shqiptare.

Tri deputete gra të parlamentit shqiptar kanë propozuar amendime shtesë në ligjin e dekriminalizmit, që zyrtarisht njihet si ligji për “Për garantimin e integritetit të personave që zgjidhen, emërohen ose ushtrojnë funksione publike”.

Deputetet Majlinda Bregu, Albana Vokshi dhe Mesila Doda propozojnë që ky ligj t’i shtrijë efektet edhe mbi mësuesit, edukatorët, psikologët e punonjësit socialë në institucionet arsimore apo të kujdesit shoqëror.