Edhe këtë të enjte në seancën plenare të kuvendit pati tension. Kryeministri Rama kërkoi të marrë fjalën jashtë rradhe, kur diskutanti i radhës ishte ish-kryeministri Berisha. Kaq mjaftoi që podiumi të pushtohet nga deputeti demokrat, Flamur Noka, i cili nuk lejoi që kryeministri të dilte në foltore. Më pas nënkryetarja e kuvendit, Valentina Leskaj ndërpreu seancën.

Dioqeza Metropolitane Tiranë- Durrës do të drejtohet nga arqipeshkëvi i ri, Imzot George Frendo. Emërimi i tij në krye të Kishës Katolike u bë nga ati i shenjtë, Papa Françesku, thuajse një vit pas vdekjes së Imzot Rrok Mirditës. Prej vitesh George Frendo, shërben në Kishën Katolike Shqiptare, fillimisht si përgjegjës për përgatitjen e standardeve plotësuese pas shpalljes së Kodit të Ri të Ligjit Kanonik deri në emërimin si anëtar i Këshillit Papnor për Dialogun Ndërfetar. Prej Shtatorit të 2006-ës ishte ipeshkvi i Tiranës.

Artan Gaçi, deputet i Partisë Socialiste, prurje personale e Edi Ramës aty, shkruan sot një opinion mbi dështimet e Partisë Demokratike. Që në fillim bie në sy ky shqetësim atipik për një përfaqësues të Rilindjes që I qan hallin opozitës, ndërkohë që bën pjesë në një ekip që do rilindë vendin si të tërë.

“3 vjet ne opozite qe vazhdon te shkoje nga deshtimi ne deshtim. Deshtoi me lidershipin. Deshtoi me hapjen dhe modernizimin e partise. Gjithe investimet e tyre ne burime njerezore e strategji jane katastrofe”, nis shkrimin Artan Gaçi.

Al Jazeera shkruan se presidenti i Filipineve, Rodriguo Duerte ka deklaruar se është i gatshëm që të strehojë refugjatët për të cilët ka kaq shumë debat në Perëndim. Duerte ka shtuar se do të pranojnë deri sa vendi të ketë mundësi të mbajë. Filipinet janë një vend me 100 milionë banorë, ndërkohë që në vitin 2016 në botë pati 1.8 milionë refugjatë.

Pas fjalimit të humbjes në zgjedhjet presidenciale, Hillari Klinton shfaqet për herë të parë në publik. Ndonëse e zhgënjyer me rezultatin e këtyre zgjedhjeve dhe reagimet  përgjatë këtyre ditëve, Hillari i ka idetë e qarta për të ardhmen e Amerikës. Duke folur në një aktivitet të paracaktuar më herët, të një organizate për mbrojtjen e fëmijëve në Masachusets, ish-kandidatja demokrate iu drejtua auditorit me fjalët:

Në një intervistë për TVSh-në dje, ministri i Jashtëm, Ditmir Bushati, deklaroi se:

"...do të duhet të presim administratën e re me qetësi dhe ajo çka unë do të dëshiroja të siguroja opinionin publik shqiptar është që për Shqipërinë SHBA mbetet një partner i pazëvendësueshëm, jo vetëm thjesht në planin bilateral, por edhe në këtë kënd të Europës Adriatike dhe për ne është mjaft e rëndësishme që SHBA të vijojnë të luajnë atë rol stabilizues dhe të jenë sponsorit kryesorë të stabilizimit e integrimit euroatlantik të rajonit tonë".

Robert Elsie ka publikuar në faqen e tij një punim monografik të Eqrem Vlorës mbi historinë e sundimit Osman në Shqipëri. Ai titullohet: “Kontribute për një histori të sundimit turk në Shqipër” dhe Elsie e sjell në format PDF. Punimi  zgjerohet në 1200 faqe gjermanisht të shtypura në makinë, realizuar në vitet 1955-1956.

Gjykata e Tiranës u ka dhënë dje një goditje të fortë hetimeve të nisura nga Prokuroria e Tiranës ndaj Inspektoriatit të Lartë të Deklarimit dhe Kontrollit të Pasurisë. Në gjashtë vendime radhazi Gjykata ka pranuar kërkesën e ILDKPKI për “heqje të masës së sekuestros” ndaj dokumenteve që Prokuroria kishte bllokuar pas nisjes së hetimeve ndaj ILDKPKI.

 Në të dhënat e bëra publike prej Gjykatës së kryeqytetit, theksohet se palë paditëse apo kërkuese në vendimin e dhënë ka qenë Inspektoriati i Lartë i Deklarimit dhe Kontrollit të Pasurive dhe Konfliktit të Interesave në Tiranë.