Si fundjavë që është, leximi i mediave është më i çlirët dhe priret të drejtohet nga lajme me pehash politik neutral. Kjo është arsyeja që sot kureshtja u kënaq që në mëngjes me një titull që fillonte me: Rrëfehet...

Sapo mendja të thotë se kemi të bëjmë me ndonjë dossier, fjala e dytë urdhëron përgënjeshtrimin përmes emrit kumbues: Majlinda Bregu. 

I shpallur në kërkim ndërkombëtar për trafik  droge dhe i denoncuar vazhdimisht nga opozita se ndodhej në Sarandë, Klement Balilit vetëm këtë të shtunë i është dhënë masa e arrestit me burg në mungesë nga Gjykata e Krimeve të Rënda. Të paktën nga sa kanë thënë familjarët e tij, ish-drejtori i LSI-së ka qenë gjatë gjithë kësaj kohe në shtëpinë e tij në Stjarr të Delvinës dhe i pashqetësuar nga askush.

Këto ditë Hillary Clinton dhe shumë aktorë në SHBA po flasin për rrezikun e mediave sociale, për lajmet false, për ndikim nga Rusia etj.. Ndaj edhe është paralajmëruar ndërhyrja me masa legjislative, duke sugjeruar se rezultati i zgjedhjeve presidenciale është kryesisht pasojë platformave të reja informative.

Por a ka qenë përherë ky mendimi i Clinton dhe të tjerëve që shohin se po humbasin ndikim? Natyrisht që jo dhe mendimi i parë që të vjen në mendje është Pranvera Arabe, sheshi “Tahrir” në Kairo të Egjiptit ku doli edhe parrulla: “I Love Facebook”.

Këtu:

Bruce Dickinson, solisti i njohur i grupit Iron Maiden, ka mbërritur në Tiranë, por si aksioner i një kompanie avionësh. Top-Channel i ka shkëputur disa pyetje përmes të cilave këngëtari i njohur ka bërë të qartë se nuk ka ndërmend të japë koncerte në Shqipëri.

P: ..për çfarë je në Tiranë?

Bruce: Jam një aksioner i madh në kompaninë e fluturimeve. Është puna ime dhe të dorëzoj avionë.

P: Është arsye fakti që je rritur me tregimet e gjyshit tënd, fakti që tani je pilot?

Sot është zbardhur mendimi i Ministrisë së Drejtësisë kundër ndryshimeve në ligjin "Për komunikimet elektronike", që parashikon marje informacioni dhe komunikimet telefonike e elektronike pa urdhër gjykate a prokurorie. Mendimi i ministrisë përcjell shqetësime që kanë të bëjnë me privatësinë, fshehtësinë e korrepsondencë, e që si të tilla, prekin një standard të të drejtave. Më poshtë mendimi i ministrisë së drejtuar nga Ylli Manjani, publikuar në Hashtag.al:

RAPORTI I PLOTË I MINISTRISË SË DREJTËSISË:

Revista gjermane “Der Spiegel” shkruan në numrin e saj të datës 10 dhjetor për një lëvizje në rreth të ngushtë mes drejtuesve europianë për të rishikuar strategjinë e mbrojtjes bërthamore. Sipas revistës që citon diplomatë, drejtuesit europianë nuk e kanë përmendur idenë në asnjë prej takimeve të NATO-s, duke këmbëngulur që çështja të qëndrojë me çdo kusht larg debatit publik. Kjo nismë ende në embrion, ka marrë udhë nga fitorja e Donald Trump dhe qasjet e tij për të rishkuar de facto kontratat e anëtarësisë në Aleancë.

"Zgjerimi i BE-së drejt Ballkanit Perëndimor mund të jetë akti që mund t’i sjellë edhe vetë unionit funksionimin e vet demokratik". Kështu shkruan në një opinion të vetin Dr. Vedran Džihić nga universiteti i Vjenës, sipas të cilit impasi i integrimit përmes fazave tranzitore, po polarizon shoqëritë në lëtë rajon. Ky është një pohim që e vendos Ballkanin në fokus të debatit europian për pabarazinë dhe duke dhënë zgjidhje do të jetësonte një realitet që predikohet shumë.

Media të ndryshme kryesore po raportojnë se shërbimi amerikan, CIA, ka konfirmuar se Rusia ka ndërhyrë në zgjedhjet e fundit presidenciale. Teknikisht kjo është realizuar sipas CIA-s duke hakeruar sistemet komjuterike të të dyja partive kryesore, por duke publikuar vetëm materiale nga Partia Demokratike. Flitet për individë të lidhur me Rusinë që janë identifikuuar, ndonëse nuk sqarohet se cila kategori lajmesh ndikoi në zgjedhje. Vetë humbësja Hillary Clinton deklaroi se goditja kryesore e fushatës erdhi nga drejtori i FBI-së, Comey, me rihapjen e hetimeve.

Konsiderohej i zhdukur për më shumë se 90 vjet dhe të gjithë menduan se kishte humbur përgjithmonë. Megjithatë film - profeci për shfaqjen e nazizmit "Qyteti pa hebrenj" i vitit 1924 u shpëtua nga prishja dhe pritet të rishfaqet pas përpunimit digjital. Sipas një artikulli nga Guardian, filmi është i bazuar në novelën e një  autor hebre Hugo Betaouer të titulluar «Die Stadt ohne Juden» (Qytet pa hebrenj). Ai u shfaq në Vjenë në korrik të 1924 dhe filmi është shokues për ngjashmëritë me praktikat e Rajhut të Tretë, që u zbatuan disa vite më vonë kundër hebrenjve.