Një artikull i publikuar disa ditë më parë në “European Journal of Human Genetics” jep një përgjigje polemizues ndaj disa qëndrimeve dhe konkluzioneve të Jacob Fallmerayer, historian gjerman iu shekullit të 19-të, sipas tyë cilit grekët e Peleoponezit janë zhdukur në mesjetë nga sllavët. Studimi mban titullin: “Genetika e popullsive të Peleoponezit dhe teoria e zhdukjes së grekëve peleoponezas” dhe është realizuar nga 14 autorë me në krye George Stamatoyannopoulos nga University of Washington.

Pas shkarkimit si ministër i Brendshëm, Sajmir Tahiri ka nisur aktivitetin në aparatin e partisë, duke qenë se është kryetar i PS për Tiranën. Skarkimi i tij u përfol si një kërkesë e Ilir Metës, i cili nuk e ka fsheur ambicjen për të qenë kryeministër i ardhshëm, ndonëse u kërkoi ministrave të LSI-së të evitojnë për momentin deklaratat se kush do drejtojë qeverinë në 4 vitet që vijnë.

Këtë të enjte kryetari i Partisë Demokratike, Lulzim Basha u takua për herë të tretë me disa nga ambasadorët e vendeve të Bashkimit Europian, ku ra në sy mungesa e ambasadores Vllahutin. Pas takimit ai tha se informoi ambasadorët në mënyrë të drejtëpërdrejtë “për gjëndjen aktuale të vendit, rrugët e zgjidhjes që opozita ka propozuar dhe domosdoshmërinë e zgjidhjeve të shtruara nga qytetarët shqiptarë dhe optimizmin tonë total se kauza e zgjedhjeve të lira është shumë pranë fitores”.

Platforma shqiptare është ajo që po mban peng krizën politike në Maqedoni, për shkak të mospranimit të presidentit Ivanov për të mandatuar një qeveri të përbashkët LSDM-BDI dhe programit ku janë përfshirë edhe kërkesat e shqiptare. Megjithatë në një takim që pati në Baku të Azerbajxhanit me homologun Ivanov, presidenti Nishani nuk ka përmendur platformën shqiptare, por vetëm faktin që kriza politike të mos transferohet në krizë etnike.

Formulari i ri për adresarin nuk I përgjigjet ligjit dhe kërkon të mbledhë të dhëna që tejkalojnë kërkesat e vetë ligjit. Kështu raporton sot Vizion Plus që bën me dije se ky fakt pranohet edhe nga vetë Gjendja Civile, por e cila as e vë ujët në zjarr.

Kredia prej 100 milionë dollarë për qeverinë shqiptare nga Banka Botërore është dhënë si mbështetje buxhetore, pas fuqizimit të sistemit fianciar. Kështu e ka vlerësuar zëvendësministri I Financave, Erion Luçi, huanë me terma të butë të Bankës Botërore. Në një intervistë për "Tema Tv", Luçi thotë se ky fond pritet të ulë nivelin e kredive me problem, të rrisë kreditimin në ekonomi, por thekson se kjo kredi nuk ndikon në rritjen e borxhit, pasi ai është i parashikuar me ligj në buxhet.

Prokuroria ka kërkuar dënimin me 25 vite burg për Mark Frrokun, ish-deputetin demokristian të mazhorancës në pushtet. Pretenca u dha në seancën e sotme në ngarkim të Frrokut, pas një serie të gjatë seancash, ndërkohë që ish deputeti ka qëndruar në burg. Duke argumentuar kërkesën e vet, akuza kërkoi edhe 10 vite heqje të së drejtës për ushtrim të funksioneve publike.

Ndërkohë që kriza maqedonase vijon prej javësh pa një zgjidhje reale dhe me perspektivë të vetme përsëritjen e zgjedhjeve, një sondazh i realizuar nga Instituti për Kërkime Politike në Shkup, sjell në vëmendje rritjen e përkrahjes për partinë e Nikolla Gruevskit. Sipas këtij sondazhi, referuar nga agjencia MIA, VMRO – DPMNE është rritur me 1.6 pikë që nga zgjedhjet e muajit dhjetor, ndërkohë që LSDM-ja e Zoran Zaev ka një rënie me 2.6 pikë. Në përqindje mbështetja për dy partitë sipas këtij sondazhi është respektivisht: 27,1% dhe 21,8%.