Kufijtë në Ballkan nuk duhet të ekzistojnë në mënyrë që të shmangen konfliktet e mëtejshme. Frans Timmermans, zv.presidenti i Parë i Komisionit Europian dhe Komisioner Europian për Përmirësimin e Rregulloreve, Marrëdhëniet Ndërinstitucionale, Sundimin e Ligjit dhe Kartën e të Drejtave Themelore, deklaroi gjatë një konference për shtyp në Bruksel se kufijtë janë problem i rajonit tonë.

Baton Haxhiu, gazetar nga Kosova dhe këshilltar permanent pranë të majtës/ave të Shqipërisë ka komentuar dje në një debat televiziv të ardhmen e koalicionit PS-LSI. Nuk ka shumë rëndësi sesi do të shkojnë punët pasi kjo do të bëhet shpejt e ditur dhe tashmë shqiptarët u mësuan me dy politikanët mistrecë që drejtojnë këtë vend për katër vjet, por përpjekja e Haxhiut për të ofruar në vend të një analize politike, një profil psikologjik që na sugjerohet që ne vdekatarët ta admirojmë.

Autostrada Prishtin – Nish do të kushtojë 800 milionë euro dhe sipas ministres serbe të Ndërtimit, Zorana Mihajlovic, ai do të ndërtohet i gjithi nga kompani dhe punëtorë serbë. Ajo ka dashur ta theksojë këtë fakt duke shtuar se financimet do të vijnë nga Bashkimi Europian.

Sot Donald Trump është krahasuar me Hitlerin në disa veprime. Ai madje thuhet edhe se ka një admirim për ish-diktatorin gjerman. Diçka e tillë u tha edhe për presidentin rus Vladimir Putin gjatë fushatës së Krimesë. Por këto janë spekullime mediatike ndërkohë që një tjetër figurë e njohur e politikës në shekullin e 20-të ka shprehur me dorën e tij admirimin për Adolf Hitlerin. Ish-presidenti amerikan, John F Kennedy ka lënë një ditar, në të cilin ai shkruante për liderin nazist fjalë përlavduese.

Ndonëse Prokuroria kërkoi heqjen e mandatit për  bashkiakët socialistë të Poliçanit dhe Tepelenës, katër përfaqësuesit e mazhorancës në Komisionin Qëndror të Zgjedhjeve hodhën poshtë kërkesën e organit të akuzës për Adriatik Zotkajn dhe Tërmet Peçin. Argumentimi i Prokurorisë ishte se Zotkaj dhe Peçi kishin fshehur dënimet që kishin marrë të të kaluarën edhe pse ato nuk ishin shkak për ndërprerjen e mandatit. Por sipas organit të akuzës vetëm mosdeklarimi  mjafton për heqjen e mandatit të bashkiakëve socialistë. 

Akuzat për marrëveshjen e detit me Greqinë janë rrëzuar pasi Prokuroria e Tiranës ka pushuar hetimet për ish-sekretarin e Përgjitshëm të Ministrisë së Jashtme, Ferit Hoxha, kryenegociator i marrëveshjes, kundëradmiralin Kristaq Gërveni, dhe ish - sekretarin e Përgjitshëm të ministrisë, Gazmend Turdiu. Tv Klan referon burime nga organi i akuzës, sipas të cilit personat në fjalë janë marrë në pyetje, por nga dëshmitë e tyre nuk janë gjetur element të veprës penale. Gjithsesi arsyet e vendimit nuk janë bërë të ditura. 

Parlamenti i Shqipërisë ka votuar sot katër ministrat e rinj duke i dhënë fund debatit dhe dilemës që lindën kryesisht nga emri i Fatmir Xhafës. Ky i fundit zëvendëson Sajmir Tahirin në Ministrinë e Brendshme, mori 76 vota pro, asnjë kundër dhe asnjë abstenim, në një votë ku mungoi PD-ja dhe PDIU-ja. Ogerta Manastirlu që emërohet ministre e Shëndetësisë, mori 79 vota, Eduard Shalsi në detyrën e ministrit të Çështjeve Vendore, mori 76 vota, kurse Olta Xhaçka në detyrën e ministres së Mirëqënies Sociale, 79 vota pro.

Seanca plenare e sotme është përshkruar nga debate dhe fyerje mes deputetit Blushi dhe ministres së Arsimit, Lindita Nikolla. Në debat është përfshirë edhe kryeministri Edi Rama. Më poshtë pjesë të debatit: 

Ditët e fundit në Washington është zhvilluar një takim i 68 anëtarëve të Koalicionit Ndërkombëtar kundër ISIS, i kërkuar ky nga sekretari i ri i Departamentit amerikan të Shtetit, Rex Tillerson. Aktivitetet e këtij takimi i ka përcjellë gjerësisht edhe ministri ynë i Jashtëm, Ditmir Bushati, i cili ka marrë disa kontakte. Kështu ai ka pritur në ambasadën tonë në Washington, sekretarin e Përgjithshëm të NATO-s, Stoltenberg, akt ky që flet për rëndësinë e Shqipërisë në një rajon që po nxehet sërish.