Chuck Berry, ose kumbari i rock ‘n’ roll siç e quante revista “Rolling stone” ka ndërruar jetë në moshën 90 vjeçare. Ai është i njohur për shumë këngë dhe konsiderohet si një prej këngëtarëve me më shumë ndikim në skenën e sotme. I krahasueshëm me Elvis Presley, ose Mbretin e këtij zhanri. Ai hyri në skenë që në vitet ’50  për të vijuar më tej me përfaqësim që mbetet i pashlyeshëm. Maybellene, Thirty Days, We We Hours, Roll Over Beethoven apo edhe Johny Be Good, mbeten ndër këngët më të sukseshme.

Top Channel publikoi lajmin se 11 kongresmenë republikanë në Shtetet e Bashkuara kanë depozituar në Dhomën e Kongresit një rezolutë, ku kërkohet ndalimi i menjëhershëm i përfshirjes së Rusisë në proceset zgjedhore të disa vendeve si dhe vendosjen e sanksioneve nga Amerika, ndaj personave përgjegjës për ndërhyrjet në zgjedhjet amerikane.

Kaos në BDI, nisin distancimet prej një pike të... by tvshenjaofficial

Jemi në periudhë parazgjedhore dhe Myftinia e Elbasanit me këtë rast ka marrë në dorë 50 leje legalizimesh për xhamitë e ndërtuara pa leje në këtë zonë. Në ceremoninë e zhvilluar me këtë rast ishin të pranishëm, Myftiu i Elbasanit, Agim Duka,  deputeti i Elbasanit, Taulant Balla, Drejtori i ALUIZNI-t Mariglen Disha dhe besimtarë myslimanë. Në fjalën e marrë me këtë rast deputeti Balla shprehu kënaqësinë që i dorëzon lejet e legalizimit për objektet e kultit komunitetit të nderuar mysliman elbasanas.

Palmat e thara të autostradës Tiranë – Durrës i kanë rënë në sy edhe Televizionit Publik Shqiptar që i ka kushtuar sot një kronikë të posaçme e me tone dramatike. 400 palma që kanë kushtuar 600 mijë euro do të hiqen përfundimisht pas nekrotizimit gradual që ka çuar dëm jetën e tyre, por edhe paratë e shqiptarëve. Pa asnjë shpjegim dhe pa asnjë argumentim. Një sillet sot në fakt nga TVSh, që i është drejtuar një inxhinieri pyjesh, Viktor Konomi.

Emmanuel Macron, kandidat për president i Francës i ka dhënë një intervistë gjermanes “Spiegel”. Titulli i përzgjedhur: “Po ofroj Rilindjen Franceze”, konfirmon edhe njëherë sëmundjen e re në Europë, atë të shpëtimtarëve dhe reformatorëve që mbërrijnë në karrige falë sistemit, të cilin e atakojnë “thelbësisht” për nevoja thjesht populiste.

Qeveria e Erdoganit është në kurs përplasje me Evropën. Tani Turqia vendosi t'i ndalojë organizatës humanitare amerikane, "Mercy Corps" veprimtarinë në vend. Kjo organizatë kujdesej për rreth 360.000 refugjatë sirianë në Turqi dhe tani jo vetëm ata por edhe refugjatët e zhvedosur brenda Sirisë humbën një mbështetje të konsiderueshme.

Debatin mes dy partive kryesore të kualicionit qeverisës e ka vijuar edhe deputetja e qarkut të Lezhës e Lëvizjes Socialiste për Integrim, Monika Kryemadhi. Teksa ishin në një takim me gjimnazistë të Lezhës së bashku me zv/ministren e arsmit Nora Malaj, ajo tha se miratimi i ligjit për arsimin e lartë ishte një kompromis politik i gabuar i forcës politike që ajo përfaqson, duke shtuar se gjithçka ndodhi për hir të kualicionit.

Kancelarja Merkel është shprehur se "ishte shumë më mirë të flisnim me njëri-tjetrin sesa për njëri-tjetrin".